Տեր Պետրոս։ Սուրբ Պատարագ Առաջնորդանիստ Սուրբ Սարգիս եկեղեցում։ Ter Petros. Surb Patarag. Liturgy. скачать в хорошем качестве

Տեր Պետրոս։ Սուրբ Պատարագ Առաջնորդանիստ Սուրբ Սարգիս եկեղեցում։ Ter Petros. Surb Patarag. Liturgy.

Պատարագիչ՝ Տեր Պետրոս ավագ քահանա Մալյան։ Սուրբ Սարգիս եկեղեցու հոգևոր հովիվ։ Տեր Պետրոս (ավազանի անունը՝ Բորիս) ավագ քահանա Մալյանը ծնվել է 1954թ. փետրվարի 1-ին, Երևանում: 1961-1970թթ. սովորել է Երևանի Րաֆֆու անվան թիվ 36 միջնակարգ դպրոցում: 1971-1974թթ. սովորել է Երևանի Շինարարական տեխնիկումում: 1974-1976թթ. ծառայել է խորհրդային բանակում: 1976-1980թթ. սովորել է Մայր Աթոռ Սուրբ Էջմիածնի Գևորգյան Հոգևոր ճեմարանում: 1979թ. դեկտեմբերին ձեռամբ Տեր Հուսիկ արքեպիսկոպոս Սանթուրյանի ձեռնադրվել է սարկավագ: 1980թ. ձեռամբ Վազգեն Ա Ամենայն Հայոց կաթողիկոսի ձեռնադրվել է ամուսնացյալ քահանա և նշանակվել Ս. Գեղարդ վանքում՝ որպես հոգևոր հովիվ: 2005թ. տեղափոխվել է Արարատյան Հայրապետական թեմ և ծառայել Նոր Նորքի Ս. Սարգիս եկեղեցում: 1981թ. Վազգեն Ա Ամենայն Հայոց կաթողիկոսի օրհնությամբ ստացել է լանջախաչ, 2000թ. Գարեգին Բ Ամենայն Հայոց կաթողիկոսի օրհնությամբ՝ ծաղկյա փիլոն: 2005թ. փետրվարին Գարեգին Բ Ամենայն Հայոց կաթողիկոսի օրհնությամբ ստացել է ավագ քահանայության պատիվ: 2013 թվականից ծառայել է առաջնորդանիստ Ս. Սարգիս եկեղեցում՝ որպես ծիսակատար քահանա, 2014թ. հուլիսի 8-ին նշանակվել է ծառայության նույն եկեղեցում՝ որպես հոգևոր հովիվ: Ամուսնացած է, ունի 3 զավակ։ Պօղոս առաքեալի թուղթը փիլիպեցիներին 1.1-11 1 Պօղոսը եւ Տիմոթէոսը՝ ծառաները Յիսուս Քրիստոսի, բոլոր սրբերին ի Քրիստոս Յիսուս, որ Փիլիպէի կողմերում են՝ եպիսկոպոսներով եւ սարկաւագներով հանդերձ. 2 շնո՜րհ ձեզ եւ խաղաղութի՜ւն մեր Հայր Աստծուց եւ Տէր Յիսուս Քրիստոսից: 3 Գոհութիւն եմ յայտնում իմ Աստծուն ամէն անգամ, երբ ձեզ յիշում եմ իմ բոլոր աղաչանքներում. 4 ձեզ բոլորիդ համար աղօթում եմ խնդութեամբ՝ 5 առաջին օրուանից մինչեւ այժմ աւետարանին ձեր ունեցած մասնակցութեան համար: 6 Վստահ եմ այն բանում, թէ ով որ ձեր մէջ սկսեց բարի գործերը, աւարտին կհասցնի մինչեւ Յիսուս Քրիստոսի օրը: 7 Ինչպէս որ ճշմարիտ է թւում ինձ այդպէս խորհել ձեր բոլորի մասին, քանի որ ես ձեզ ունեմ իմ սրտում. դուք, որ իմ կապանքների եւ աւետարանի պաշտպանութեան ու հաստատման մէջ բոլորդ ինձ եղած շնորհին բաժնեկից եղաք: 8 Վկայ է ինձ Աստուած, թէ ինչպէ՜ս եմ կարօտել ձեզ բոլորիդ Քրիստոս Յիսուսի գորովով: 9 Եւ ահա այս աղօթքն եմ անում. թող ձեր սէրը աւելի եւ աւելի առատանայ գիտութեան եւ ամենայն իմաստութեան մէջ, 10 որպէսզի դուք լաւն ընտրէք, հաստատուն մնաք եւ առանց գայթակղութեան լինէք Քրիստոսի օրուայ համար՝ 11 լցուած արդարութեան պտուղներով, Յիսուս Քրիստոսի միջոցով, ի փառս եւ ի գովութիւն Աստծոյ: #տերպետրոս #սուրբսարգիս #սուրբպատարագ #եկեղեցի #terpetros #surbsargis #armenianchurch