პროექტში „შეღავათიანი აგროკრედიტი" ცვლილებები შევიდა скачать в хорошем качестве

პროექტში „შეღავათიანი აგროკრედიტი" ცვლილებები შევიდა

პროექტს „შეღავათიანი აგროკრედიტი“ გარემოს დაცვისა და სოფლის მეურნეობის სამინისტროს სოფლისა და სოფლის მეურნეობის განვითარების სააგენტო 6 წელიწადზე მეტია ახორციელებს. პროექტის ძირითად ამოცანებს ფერმერების და სოფლის მეურნეობაში ჩართული მეწარმეების იაფი, გრძელვადიანი და ხელმისაწვდომი ფულადი სახსრებით უზრუნველყოფის გზით, სოფლის მეურნეობის პირველადი წარმოების, გადამამუშავებელი და შენახვა-რეალიზაციის საწარმოო პროცესების გაუმჯობესება წარმოადგენს. პროექტი მიმდინარეობის მანძილზე განიცდიდა ცვლილებებს დარგში არსებული საჭიროებებიდან გამომდინარე. ცვლილების შედეგად ძირითადი საშუალების კომპონენტში ჩნდება ახალი ქვეკომპონენტი - შეღავათიანი აგროკრედიტი ახალი მრავალწლოვანი კულტურების ბაღების გაშენებისათვის. ქვეკომპონენტის ფარგლებში სოფლისა და სოფლის მეურნეობის განვითარების სააგენტო 66 თვის განმავლობაში მოახდენს საპროცენტო განაკვეთის თანადაფინანსებას, სესხის ძირითადი თანხის წლიური 11%-ის ოდენობით. აღნიშნული ცვლილება გამოწვეულია ახალი ბაღების გაშენებიდან მათი კომერციულ მსხმოიარებამდე მიყვანის აგრო ვადების გათვალისწინების გამო. შედეგად დაინტერესებულ პირებს კვლავ ექნებათ შესაძლებლობა სესხის მეშვეობით გააშენონ ბაღები, ხოლო სესხის გადახდა მოახდინონ ბაღების კომერციულ მსხმოიარებამდე შესვლის შემდგომ საფინანსო ინსტიტუტთან შეთანხმებული გადახდის გრაფიკის მიხედვით. ასევე დაგეგმილი ცვლილებები ძირითადი საშუალების კომპონენტში, რომელთა შედეგად სააგენტო მოახდენს საპროცენტო განაკვეთის თანადაფინანსებას მსესხებლის მიერ გადახდილი თანხის პარალელურად 48 თვის განმავლობაში, სესხის ძირითადი თანხას წლიური 8%-ის ოდენობით. ასევე, მცირდება სესხის მაქსიმალური საპროცენტო განაკვეთის ზედა ზღვარი და პროექტში ჩართულ საფინანსო ინსტიტუტებს ფიქსირებულ საპროცენტო განაკვეთში ნაცვლად 16%-ისა სესხის გაცემა შეეძლებათ არაუმეტეს 15%-ისა, ხოლო ცვლად საპროცენტო განაკვეთი, ნაცვლად ეროვნული ბანკის მიერ დადგენილი რეფინანსირების განაკვეთს დამატებული 8%-ისა გახდება ეროვნული ბანკის მიერ დადგენილი რეფინანსირების განაკვეთს დამატებული 7%, რაც თავისთავად დადებითად აისახება პროექტის ბენეფიციარებზე. ცვლილებები შედის შეღავათიანი აგროლიზინგის მიმართულებითაც, სააგენტოს მიზნობრივი თანადაფინანსება განისაზღვრება ლიზინგის გამცემის ინვესტიციის წლიური 9 %-ის ოდენობით 48 თვის განმავლობაში. მცირდება სალიზინგო საზღაურში გათვალისწინებული მომსახურების წლიური მაქსიმალური სარგებელიც და ნაცვლად 21%-ისა გახდება 19%. პროექტის ფარგლებში ემატება დაფინანსების ახალი მიმართულებები, მუცელფეხებიანი უხერხემლო ცხოველების წარმოება, განახლებადი ენერგიის წყაროების შეძენა, მონტაჟი, მოწყობა. პროექტის ფარლგებში აღარ დაფინანსდება თამბაქოს წარმოება და სკების და ფუტკრის ოჯახების შეძენა. ძირითადი საშუალებებისთვის შეღავათიანი აგროკრედიტით დაფინანსდებიან საწარმოები, რომლებიც ორიენტირებულნი იქნებიან ადგილობრივი ნედლეულის გადამუშავებაზე და გამოიყენებენ ადგილობრივ შრომით რესურსებს. დაუშვებელია იმ პროექტების დაფინანსება, რომლებიც გათვლილია მხოლოდ იმპორტირებული ნედლეულის გადამუშავებასა და არაადგილობრივი შრომითი რესურსების გამოყენებაზე.