Ravana Falls | A Rainy Adventure to the Top of Ravana Falls | රාවණා ඇල්ල මුදුනේ සුන්දරත්වය සොයා скачать в хорошем качестве

Ravana Falls | A Rainy Adventure to the Top of Ravana Falls | රාවණා ඇල්ල මුදුනේ සුන්දරත්වය සොයා

Ravana Falls, nestled in the heart of Ella, is a true gem of Sri Lanka’s highlands. This magnificent three-tiered waterfall tumbles from a height of over 80 feet, weaving its way through lush greenery and rocky cliffs. During the rainy season, it transforms into a roaring cascade, its waters shimmering like liquid silver against the backdrop of emerald foliage. The sound of the falls, a rhythmic thunder, echoes through the valley, creating an ambiance that is both exhilarating and calming. On this day, the rain brought the falls to life, with the mist from the water rising into the air and blending seamlessly with the rain clouds. The climb to the top was an adventure of its own—drenched in rain, surrounded by the earthy scent of wet rocks and forest. By evening, the atmosphere turned surreal. A veil of mist softened the edges of the surrounding hills, and the setting sun painted the sky with hues of pink, orange, with different shades . The play of light and mist gave the scene an almost otherworldly glow, leaving us in awe of nature’s raw, untamed beauty. I hope you will enjoy the upper Ravana falls. Greetings, I am Dinesh වර්ශාවෙන් සුන්දර වූ රාවණා ඇල්ල මුදුනට "මේ බං... මේ වැස්සෙ ආයෙ තෙමෙන්න බෑ.. අපි පල්ලම් බහිමු.." මා ලොකු පීරිස්ට පැවසූවේ වෙනත් සැලැස්මක් ඇති දැයි දැනගැනීමේ අරමුණද පෙරදැරිවයි. "එහෙනම් යමං ඇලි ටික බලන්න.." "රාවනා එහෙම ගිගුම් දෙනවා ඇති. ." ලොක්කාගේ වචන ටික අවසාන වනවාත් සමගම මා අප පසුපස මෝටර් රථයේ සිටි කාංඩයටද අතින් සංඥා කලේ ආපසු හරවාගෙන යමු යන ඉගියද සහිතවයි. ඉනික්බිතිව පට්ටිපොළ සිට අඹේවෙලට ත්, අඹේවෙලින් රේන්දපොල හරහා දියතලාවටත්, එතැනින් බංඩාරවෙල හරහා කුඹල්වෙල, ඇල්ල දක්වාත් ගමන් කල අප රාවනා ඇල්ල නැතහොත් බඹර ඇල්ල ලෙසින් ප්‍රකට සොබාදහමේ සුන්දර නිමැවුම පෙනෙන නොපෙනෙන මානයේ නතර වූයේ මේ සංචාරයට තවත් කොටසක් එකතු කිරීමට යි. "යමුද ඇල්ල උඩට... මඩ පාට නෑ.." මා ලොකු පීරිස්ගෙන් සහ අප කංඩායමේ සාමාජිකයින්ගෙන් විමසා සිටියේ මේ ගමන සදහා ඇල්ල පසු කොට තවත් කිලෝමීටර් ගණනාවක් ඉදිරියට යා යුතුව තිබූ නිසාවෙනි. "යමු යමු.." කංඩායෙමේ පිළිතුර විනි. මීට වර්ශ ගණනාවකට පෙර මාගේ මතකයට අනුව නම් "දෙදහස් දා හත වර්ශයේ ලොකු පීරිසුත් මමත් දිය රාවනා ඇල්ල මුදුනට පැමිනියේ කැමරාවක් හෝ නොමැතිවයි." නමුත් ඒ ගමන මේ ගමන සාර්ථක කර ගැනීමට පිටුවහලක් වූයේ වාසනාවකටයි. අප ඇල්ල ඉහල මාර්ගයෙන් ගමන් කොට පැයක පමන ගමනකින් පසු වෙල් යායක් ආසන්නයේ රථ දෙක නවතා එතැන් සිට පා ගමනින් ගමන් කලේ "කිරිදි ඔයේ" දිය දහරාව පහලට ගලා හැලෙනා දිශාවටයි. කෙසේ නමුත් එක් තැනෙකින් දිය පහර එගොඩ විය යුතුව තිබූ අතර එහි කුඩා බැම්මක් ඉදි කොට තිබුනේ කුඹුරු වැඩ සදහා ජලය හැරවිමටයි. මීටර් පහලොවක පමන දුරක් මේ කුඩා බැම්ම මතින් ගමන් කල යුතු වූ අතර දනක් පමන උස දිය දහරාව මතින් ගමන් කිරීම යම් තරමක අවධානම් එකක් විනි. එගොඩ සිට මෙගොඩට පැමිනි මාමා කෙනෙකු "පුතේ වැස්සොත් හනික මෙහාට එන්න... නැත්තම් එන්න වෙන්නෙ රවුමකින්..." කියමින් අපට ඉඩ දී දිය හරහා ගමන් කලේ වතුරේ පැහැය දෙස හොදින් විපරම් කරමිනි. ඒ උපදෙසත් මතකයේ තබා ගෙන අප කුඩා අඩි පාරවල් වලින් සහ කිරිදි ඔය දිගේ පහලට ගමන් කලේ බඹර ඇල්ලේ මුදුනත සොයාගෙනයි. කෙසේ වෙතත් මේ ගමන කදු පල්ලම් මැදින් සහ කුඩා ගොම්මන් කෑලි මැදින් ගමන් කරන්නට වූයේ වැස්සත් සමග සක්‍රීය වූ කූඩැල්ලන්ගේ නොමද තාඩන පීඩන වලට මුහුන දෙමිනි. කන්දක අවසානයේ පල්ලමකි. ජීවිතයද එබදු ය. කිරිදි ඔය දිගේ සෙමෙන් සෙමෙන් පහලට ගලා ආ දිය දහරාව විශාල හඩක් නගමින් පහලට කඩා හැලෙන්නේ ඉතා සුන්දර දසුනක් මවමිනි. මේ සොදුරු හැඩකාරිය දෙස මා මේ ඉහල මානයක සිට බලා සිටින්නේ මාගේ ජීවිතයේ දෙවන වතාවට යි. සැබැවින්ම සදාකල්හිම මේ ඉසව්වට වී ගල් මුල් වල ගැටී පෙන කැටි නංවමින් පහලට පනිනා දිය දහර සිදු කරනා සොදුරු නර්තනය දෙස බලා සිටීමට මා මෙන්ම සොබාදහමට පෙම් බැදි ඕනෑම අයෙකු අකමැති වේ යැයි මා හට නොහැගේ. වචන කවි කිරීමට තරම් පොහොසත් සුන්දරත්වයකින් හෙබි කදු මුදුන හිසට උස මානාවකින් වැසී ගොසිනි. ඈතින් පෙනෙනා කදු වළල්ලත් මෑතින් පෙනෙනා පුංචි සිරීපාදයත් තිබෙන්නේ අප සිටි කදු මුදුන හා සමාන උසින් යැයි හැගේ. ඈතට යන තෙක්ම දිස් වන ඇල්ල වැල්ලවාය මාර්ගයේ ගමන් ගන්නා කුඩා වාහන පේලීය අපට පෙනුනද ඔවුන්ට අප සිටිනා ඉසව්ව ඇස නොගැටෙන්නේ ඔවුන් අනිවාර්යයෙන්ම දෑස් අයා බලා සිටින්නේ දිය ඇල්ලේ සුන්දරත්වය දෙස මිස ඉන් එහා ලෝකය දෙස නොවූ නිසාවෙනි. කෙසේ වෙතත් පැයක හමාරක කාලයක් දිය ඇල්ල ඉහලට වී ගතකල අප ඉන් පසු පිටත් වූයේ දිය ඇල්ලට ඉහලින් ඇති දිය ඇල්ල වෙතයි. එයත් මහා විශාල දිය ඇල්ලකි. නමුත් එක වර ඇද හැලුනු වර්ශාව අපගේ ගමන නැවතත් ගමනාරම්භය වෙතට විගසින් කැටුව ගියේ ගග එගොඩ වීමට බැරි වේ දැයි අප සිත් තුල හට ගත් සැකය නිසාවෙනි. අප දිය ඇලි දාමයට සමු දී නැවතත් සොබාදහම මැවූ සොදුරු දිය දහරාව පාමුලට පැමින තවත් ටික කලෙකින් මුන ගැසෙමු යන පාර්ථනා පෙරදැරිව හපුතලය දෙසට ගමන් ගත්තේ වර්ශාව සමග සුන්දර වූ මීලග දිය ඇල්ල සොයා යාමටයි. ආයුබෝවන් මම දිනේෂ් අප සොයා ගිය මීලග දිය ඇල්ල කුමක් නම් වේවිද..? ➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖ “Copyright @ [Dinesh A Pathum 2024]. Any illegal reproduction of this content will result in immediate legal action.‼️“