"Rusdilli məktəblər təhsilimizin millətləşməsində ən böyük problemdir"-5-ci Türkçülük Çalışmaları -1 скачать в хорошем качестве

"Rusdilli məktəblər təhsilimizin millətləşməsində ən böyük problemdir"-5-ci Türkçülük Çalışmaları -1

26 dekabr 2025-ci il tarixində Xəzər Universitetində "Milli və Çağdaş Təhsil Gərəyi" mövzusuna həsr edilmiş Beşinci Türkçülük Çalışmaları Dos. Dr. Telman Nüsrətoğlunun qısa giriş nitqi və Salman Mümtaz Yayınlarının nümayəndəsinin "Dördüncü Türkçülük Çalışmaları" kitabını təqdimatı ilə öz işinə başladı. Nəsib Bəy Yusibəylinin adına olan ilk oturumun aparıcısı Dr. Odər Qutluər ilk məruzə üçün sözü Xəzər Universitetinin qurucu rektoru Prof.Dr Hamlet İsaxanlıya verdi. H. İsaxanlı konfransa antik dövrdən gününə təhsil haqda geniş və ətraflı məruzə təqdim etdi. Növbəti Prof.Dr Nəsib L. Nəsiblinin məruzəsi isə "Təhsil Məsələlərinə Türkçü Baxış" adlanırdı. Daha sonra Dr. Böyükağa Mikayıllı, "Çağdaş Dünyada Təhsil: Innovativ Pedaqoji Modellar və Onların Tathiq Imkanları" adlı məruzə ilə çıxış etdi. " Borçalının Təhsil Problemi" haqda isə Dr. Aygül İsayeva məruzə etdi. Dos.Dr. Aynur Qəzənfərqızının məruzəsində isə "Müasir dövrümüzdə süni zəka və folklor janrlarının təlim-tərbiyədəki rolu"ndan bəhs edilirdi. Mirzə Ələkbər Sabir adına ikinci oturumun aparıcısı Prof.Dr. Nəsib L. Nasiblinin qısa nitqindən sonra araşdırmaçı Yasəmən Qaraqoyunlu "Milli Şuurun Formalaşmasında Təhsilin Rolu" xüsusunda məruzə etdi. Psixoloq Limunət Əmrahlının məruzəsi isə "Çağdaş Azərbaycan Təhsilinin Fəlsəfi-Psixoloji və Metodiki Problemləri"nə həsr edilmişdi. Məruzələr ətrafında çıxışlarda folklorşünas Əli Şamil "Çar Rejiminin Təhsil Siyasəti" haqqında çıxış etdi. Daha sonra Prof. Dr.Ədalət Tahirzadə, Dr. Odər Qutluər, Dr. Faiq Ələkbərli, Zəlimxan Məmmədli, Məmmədxan Əzizxanlı, Bünyamin Qəmbərli və başqaları çıxış etdilər, mövzularla bağlı müzakirələr oldu. Beşinci Türkçülük Çalismaları yekun sənədin oxunması ilə sonra çatdı. AHB TV olaraq konfransdan hazırladığımız 1-ci reportajı izləyicilərimizə təqdim edirik.