របៀបចូលឈាន, ចេញចាកឈាន, និង ការបដិបត្តិដើម្បីឱ្យបានសម្មាទិដ្ឋិ скачать в хорошем качестве

របៀបចូលឈាន, ចេញចាកឈាន, និង ការបដិបត្តិដើម្បីឱ្យបានសម្មាទិដ្ឋិ

ព្រះធម្មវិបស្សនា កេតុធម្មោ សំ ប៊ុនធឿន សម្ដែងអំពី របៀបចូលឈាន និង របៀបចេញចាកឈាន។ ហើយព្រះអង្គបង្រៀនអំពីរបៀបចម្រើននូវរូបបរមត្ថ៣ តាមកាយទ្វារ មាន ល្ហើយ ក្តៅ រឹង។ បន្ទាប់មក ព្រះអង្គបង្រៀនអំពី របៀបចម្រើននូវអារម្មណ៍បរមត្ថតាមទ្វារទាំង៦។ ចិត្តមាន៣ថ្នាក់ កម្មដ្ឋាន៤០ ចែកជា៣ថ្នាក់គឺ៖ ថ្នាក់ចិត្តទី១ - ឧបចារៈ (មាន១០កម្មដ្ឋាន) ថ្នាក់ចិត្តទី២​ - បឋមឈាន (មាន១១កម្មដ្ឋាន) ថ្នាក់ចិត្តទី៣ - បញ្ចមជ្ឈាន (មាន១៩កម្មដ្ឋាន) សីលមានបាត១ ចិត្តមានបាត៣ កំណត់នូវរូបបរមត្ថ (រូបល្ហើយៗ)។ កំពុងសោយប្រាកដនូវសភាពល្ហើយៗ ហៅវេទនា កំពុងចាំនូវសភាពល្ហើយៗ ហៅសញ្ញា កំពុងគិតនូវសភាពល្ហើយៗ ហៅចេតនា កំពុងដឹងនូវសភាពល្ហើយៗ ហៅ​វិញ្ញាណ កំពុងប៉ះនូវសភាពល្ហើយៗ ហៅផស្ស​​ ល្ហើយៗជាតួរូប។ សោយអារម្មណ៍ស្មើៗ ដឹងល្ហើយៗ ជាតួនាម។ សភាពល្ហើយៗជាតួរូប ​​សភាពកំពុងចាំនូវភាពល្ហើយៗជាតួនាម។ សភាពល្ហើយៗជាតួរូប ​​កំពុងគិតនូវសភាពល្ហើយៗ (ការគិត) ជាតួនាម។ សភាពល្ហើយៗជាតួរូប ​​ដឹងនូវភាពល្ហើយៗជាតួនាម។ សភាពល្ហើយៗជាតួរូប ​​ប៉ះនូវភាពល្ហើយៗជាតួនាម។ សតិ និង ញាណកំពុងតាមដាននូវលក្ខណៈវាយោ។ នេះជារូបបរមត្ថ នេះជាផ្លូវបដិបត្តិ ដើម្បីបានទិដ្ឋិវិសុទ្ធិ ជាតួបញ្ញាទីមួយក្នុងព្រះពុទ្ធសាសនា។ នៅពេលឧបេក្ខាចិត្តកំពុងតាមដានខ្យល់ចេញវែងចូលវែង នេះហៅថា កំពុងចូលឈាន។ នៅពេលឧបេក្ខាចិត្តលែងសម្លឹងចូលដឹងចេញដឹង ហើយងាកមកសម្លឹងនូវលក្ខណៈល្ហើយៗ នេះជាការចេញចាកឈាន អំពីសមាបត្តិ សមថ។ ​ ៚៚៚៚៚៚៚ ព្រះធម្មវិបស្សនា កេតុធម្មោ គ្រូសមាធិ និងវិបស្សនាកម្មដ្ឋាន ដ៏ល្បីល្បាញនៅព្រះរាជាណាចក្រកម្ពុជា និងបរទេស, ជារាជាគណៈថ្នាក់ចត្វា, អធិបតីពុទ្ធមណ្ឌល និងអគ្គនាយកវិបស្សនាធុរៈនៃព្រះរាជាណាចក្រកម្ពុជា។ ព្រះនាមកំណើតគឺ សំ ប៊ុនធឿន។ The late and renowned Samādhi and Vipassanā Buddhist Master Venerable Ketodhammo. He was born in Kampuchea (in English, Cambodia). His birth name is Som Bunthoeun. The venerable is a former Chair of the Buddhist Center and Director General of Vipassanādhura of Cambodia.