As cantareiras e a poesía popular oral. Concerto das Letras Galegas 2025 скачать в хорошем качестве

As cantareiras e a poesía popular oral. Concerto das Letras Galegas 2025

As cantareiras e a poesía popular oral. Concerto das Letras Galegas 2025 16 de maio, Pazo da Cultura de Carballo Na véspera do día grande en que todos os galegos e galegas, Galicia toda, somos chamados pola Real Academia Galega para homenaxear, nesta ocasión, as cantareiras e a poesía popular oral. A festa lévanos a Carballo, en recoñecemento á riqueza deste patrimonio inmaterial no municipio e comarca bergantiñáns, da man dos 11 artistas procedentes da música tradicional, da popular e da moderna que conforman Do Bertau, un grupo creado expresamente para o Concerto das Letras Galegas 2025. A agrupación renderá a súa singular homenaxe ás cantareiras e á poesía popular oral a través dun repertorio musical que comeza e remata na Costa da Morte. Con Mens e as súas Pandereteiras como lugar de partida, o percorrido lévanos por toda a xeografía galega: das terras do sur de Ourense cos canteiros de Faramontaos ao canto de Nadal de Adolfina e Rosa na comarca de Cerceda; das Mulleres de Gharghamala, en Mondariz, aos cantos de Cervantes, na montaña luguesa, con parada no Soutomaior de Maruxa das Cortellas, antes de regresar a Camariñas. Unha viaxe a través do tempo e dos sons que configuran a banda sonora da nosa vida cotiá, cunha envoltura contemporánea a través da sonoridade do jazz.