張智霖演激吻劇情 事前要過心理關口 скачать в хорошем качестве

張智霖演激吻劇情 事前要過心理關口

新劇《家族榮耀》經已喺星期一(7號)20:30於翡翠台播出，劇中三位重份量嘅演員 @張智霖 @羅子溢 @黃浩然 呢日就接受《Star Talk》訪問，講到唔少網民覺得劇集節奏快，佢哋覺得最緊要係觀眾鍾意同睇得爽。 劇集一個焦點就喺Chilam身上，因為難得見到佢演奸角，不過Chilam笑指拍完都未知究竟係忠定奸：「因為一個正常人唔會定義自己忠定奸，你而家做緊嗰樣嘢，只係你心裏面想做，就係路咁做落去。」 子溢今次同太太 #楊茜堯 劇中並非演夫婦，茜堯反而先後同Chilam及浩然有感情線，當Chilam同浩然不停討論邊個喺劇中先跟茜堯有感情戲時，子溢就以正印身份笑住話「你哋前期後期，其實成嗰過程都係我。」 太太喺劇中要跟其他男演員卿卿我我，子溢話收到劇本時，同太太一齊喺屋企研究，佢哋第一時間就諗對手：「我哋站喺佢哋角度睇，Chilam同浩然會唔會有尷尬呀!」子溢話正如佢同李彩華第一日開工，就叫對方唔好尷尬，因為自己同太太已經有共識。浩然大爆原來佢哋兩夫婦，喺拍攝現場刻意保持距離，令大家拍攝得更舒服。 跟茜堯喺劇中激吻轉八個圈，Chilam被問到會否辛苦，佢話：「唔係辛唔辛苦，係要點過自己心理關口，始終唔係年紀細。廿幾三十歲做親熱戲就理所當然，到年紀越嚟越大，好似唔應該做太親熱。」 #家族榮耀 #StarTalk #張智霖 #羅子溢 #黃浩然 #楊茜堯 即刻Follow TVB娛樂新聞台Facebook專頁   / tvbenews   登入myTV SUPER享受睇TVB自製節目7日免費點播 https://bit.ly/2TXLlM0