Uniko - Telefonata e përballjes: keqardhja, akuzat dhe udhëkryqi i Elidës (8 dhjetor 2025) скачать в хорошем качестве

Uniko - Telefonata e përballjes: keqardhja, akuzat dhe udhëkryqi i Elidës (8 dhjetor 2025)

#uniko #librazhd #unikongaspartakkoka Vëllai i Ilir Kllogjrit, i akuzuar se helmoi me valium dy vjehrrit e tij në nëntor të vitit 2025, duke i vjedhur dhe duke iu rrezikuar jetën, ka reaguar publikisht duke u përballur me të moshuarën e dëmtuar. Ilir Kllogjri, në këtë bisedë telefonike, i ka kërkuar ndjesë zonjës Merushe Bitroshi për veprimet e të vëllait, Ismailit, ndërsa në të njëjtën kohë ka fajësuar nusen e vëllait, Elidën, për faktin që ajo sipas tij nuk e kishte penguar fejesën e Jetmirit me Albanën, motrën e tij. Fejesa e Jetmirit dhe Albanës nuk ishte pranuar nga familja Kllogjri. Gjatë përballjes, Elida i tha Ilirit se edhe ajo ka qenë kundër kësaj lidhjeje dhe se Jetmiri dhe Albana janë të rritur dhe vendosin vetë. Ajo e cilësoi si të pabazë pretendimin se rrezikimi i jetës së prindërve të saj me mbidozë valiumi nga bashkëshorti i saj, Ismaili, ka ardhur për shkak të kësaj fejesë. Sipas saj, Ismaili është person i dhunshëm dhe i rrezikshëm. Në intervistë, e pyetur për çështjen e strehimit, Elida tregoi se ishte paraqitur në Bashkinë Librazhd, ku ishte takuar me një përfaqësuese të institucionit. Ajo i kishte thënë që fillimisht të bënte transferimin e gjendjes civile nga Prrenjasi në Librazhd, e më pas do të përfitonte pagesën e qirasë dhe mundësi punësimi. Por, sipas Elidës, kjo është e pamundur, pasi i kanë thënë në bashkinë Librazhd se transferimi i gjendjes civile kërkon firmën e kryefamiljarit – në këtë rast bashkëshortit të saj, Ismail Kllogjri, i cili ndodhet në burg. Nga ana tjetër, edhe Bashkia e Prrenjasit i ka ofruar mbështetje, por i ka kërkuar të gjejë vetë një banesë me qira dhe të paraqesë kontratë të firmosur me pronarin. Sipas Elidës, kjo është shumë e vështirë të realizohet në qytetin e Prrenjasit. E gjendur mes dy institucioneve dhe pa një zgjidhje konkrete, Elida, së bashku me tre fëmijët e mitur, rrezikon që brenda pak ditësh të mbetet pa strehim.