ಗೋವಾದಲ್ಲಿ ನ.21ರಂದು ಕಡಲ ಸಮಾವೇಶ ; ಹಿಂದೂಮಹಾಸಾಗರ ದೇಶಗಳ ಪ್ರತಿನಿಧಿಗಳು ಭಾಗಿ скачать в хорошем качестве

ಗೋವಾದಲ್ಲಿ ನ.21ರಂದು ಕಡಲ ಸಮಾವೇಶ ; ಹಿಂದೂಮಹಾಸಾಗರ ದೇಶಗಳ ಪ್ರತಿನಿಧಿಗಳು ಭಾಗಿ

ಹಿಂದೂ ಮಹಾಸಾಗರ ದೇಶಗಳ ನೌಕಾ ನಾಯಕರು ಮತ್ತು ಹಿರಿಯ ಪ್ರತಿನಿಧಿಗಳನ್ನು ಒಗ್ಗೂಡಿಸುವ ಗೋವಾ ಕಡಲ ಸಮಾವೇಶದ ಐದನೇ ಆವೃತ್ತಿಯು ನವೆಂಬರ್ 21 ರಂದು ಗೋವಾದಲ್ಲಿ ಪ್ರಾರಂಭವಾಗಲಿದೆ ಎಂದು ನೌಕಾಪಡೆಯ ಉಪ ಸೇನಾಧಿಕಾರಿ ಎ.ಡಿ ನಾಯರ್ ಇಂದು ಹೇಳಿದ್ದಾರೆ. ಸಮಾವೇಶದ ಕುರಿತು ಗೋವಾದಲ್ಲಿ ನಡೆದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡಿದ ಅವರು, ಈ ಸಮಾವೇಶವು ಪ್ರಧಾನಿ ನರೇಂದ್ರ ಮೋದಿ ಅವರ ಮಹಾಸಾಗರ ದೃಷ್ಟಿಕೋನಕ್ಕೆ ಅನುಗುಣವಾಗಿ ರೂಪಿಸಲಾಗಿದೆ. ಹಿಂದೂ ಮಹಾಸಾಗರದಲ್ಲಿ ಕಡಲ ಭದ್ರತೆಗೆ ಆದ್ಯತೆ ನೀಡುವುದು ಈ ಸಮಾವೇಶದ ಮುಖ್ಯ ಧ್ಯೇಯವಾಗಿದೆ ಎಂದರು. 2017 ರಲ್ಲಿ ಪ್ರಾರಂಭವಾದ ದ್ವೈವಾರ್ಷಿಕ ಗೋವಾ ಕಡಲ ಸಮಾವೇಶವು, ಪ್ರಾದೇಶಿಕ ಕಡಲ ಸಂವಾದ ಮತ್ತು ಸಾಮರ್ಥ್ಯ ವೃದ್ಧಿಗೆ ವಿಶ್ವಾಸಾರ್ಹ ವೇದಿಕೆಯಾಗಿ ವಿಕಸನಗೊಂಡಿದೆ ಎಂದು ಹೇಳಿದರು. ಈ ವರ್ಷದ ಆವೃತ್ತಿಯಲ್ಲಿ ಹಿಂದೂ ಮಹಾಸಾಗರ ಪ್ರದೇಶದಲ್ಲಿನ ಸಾಮಾನ್ಯ ಕಡಲ ಭದ್ರತಾ ಸವಾಲುಗಳು, ಉದಯೋನ್ಮುಖ ಮತ್ತು ಕ್ರಿಯಾತ್ಮಕ ಬೆದರಿಕೆಗಳನ್ನು ತಗ್ಗಿಸುವ ಮಾರ್ಗಗಳ ಮೇಲೆ ಕೇಂದ್ರೀಕರಿಸುತ್ತದೆ. ಕಾನೂನುಬಾಹಿರ, ವರದಿಯಾಗದ ಮತ್ತು ಅನಿಯಂತ್ರಿತ ಮೀನುಗಾರಿಕೆ, ಮಾದಕವಸ್ತು ಕಳ್ಳಸಾಗಣೆ , ಆರ್ಥಿಕ ಭದ್ರತೆ, ಪರಿಸರ ಸುಸ್ಥಿರತೆ ಮತ್ತು ಪ್ರಾದೇಶಿಕ ಸ್ಥಿರತೆಯ ಮೇಲೆ ಪರಿಣಾಮ ಬೀರುವ ಇತರ ಅಕ್ರಮ ಕಡಲ ಚಟುವಟಿಕೆಗಳ ಬಗ್ಗೆ ಇಲ್ಲಿ ಸವಿಸ್ತಾರವಾಗಿ ಚರ್ಚೆ ನಡೆಯಲಿದೆ ಎಂದು ಅವರು ಮಾಹಿತಿ ನೀಡಿದರು. ಬಾಂಗ್ಲಾದೇಶ, ಇಂಡೋನೇಷ್ಯಾ, ಮಲೇಷ್ಯಾ, ಮಾಲ್ಡೀವ್ಸ್, ಮಾರಿಷಸ್, ಸೆಶೆಲ್ಸ್, ಶ್ರೀಲಂಕಾ, ಸಿಂಗಾಪುರ್, ಥೈಲ್ಯಾಂಡ್ ಮತ್ತು ಹಲವಾರು ಪೂರ್ವ ಆಫ್ರಿಕಾದ ಪಾಲುದಾರರು ಈ ಸಮಾವೇಶದಲ್ಲಿ ಪಾಲ್ಗೊಳ್ಳಲಿದ್ದಾರೆ. #LiveDDChandanaNews #DDChandanaNews #DDChandana #DDKannada