Ikegeranyo ku bagore babaye Interahamwe ruharwa скачать в хорошем качестве

Ikegeranyo ku bagore babaye Interahamwe ruharwa

ABAGORE B’INTERAHAMWE RUHARWA BAGIZE URUHARE RUKOMEYE MURI JENOSIDE YAKOREWE ABATUTSI. Ni ba mama batubyara barangwa n’impuhwe n’imbabazi bagira amarangamutima kandi bisa naho ari isoko yo kubaho no gutera imbere kw’ikiremwamuntu.umugore ni umuntu wagaciro ntagereranywa muri Sosiyete kuva nakera mu muco w’abanyarwanda abagore barubahwa bahawe amazina atandukanye nka mutima w’urugo abandi bati ukurusha umugore akurusha urugo barihariye bitangaje.kuba abanyampuhwe n’abanyembabazi bakagira no kwitanga no kwihangana gutangaje bakagira impano y’agatangaza yo kubyara no kurera niyo yatumye abasokuruza babanyarwanda bagira bati “SE W’UMUNTU ARUTA BYOSE NAHO NYINA AKABIHEBUZA” na none bati “AKABURA NTIKABONEKE NI NYINA W’UMUNTU”.ariko se icyubahiro no kudasimburwa by’umubyeyi w’umugore byagiye he? mu gihe cya Jenoside yakorewe abatutsi ubwo ababyeyi babyaye bazi uko igise kiryana barambuye amaboko bakica impinja bakazikubita ku nkuta bakanazisekura none byagenze bite rwose ngo mu gihe cya Jenoside yakorewe abatutsi ngo umubyeyi atinyuke kwiyicira abana abashinja ko ari inyenzi abandi barabijishyuye babasigana n’aba se barapfana n’Ibindi byinshi by’uruhare rw’abagore muri Jenoside yakorewe abatutsi.iyi rero niyo ngingo tugiye kugarukaho mu kiganiro cyacu cy’uyu munsi tugiye kurebera hamwe uruhare rw’abagore muri Jenoside yakorewe abatutsi ndetse turanagaruka ku mazina y’abagore b’interahamwe bamenyekanye.iki ni ikiganiro IBYAHISHWE ukurikira ku ntsinzi tv.iki wagiteguriwe na BIZIMANA Christian naho jye ugiye kukikugezaho ndi prudence NSENGUMUKIZA.Mbahaye ikaze Nkuko nabigarutseho ntangira iki kiganiro Umugore yahoze ari umubyeyi ndetse ari umunyampuhwe kuburyo mu Rwanda kuva mu mateka ya kera umugore atagirirwaga nabi ndetse na kera mu ntambara za kera umugore n’abana ntibicwaga kuko bo batajyaga mu ntambara bndetse kugeza n’uyu munsi kwica abagore n’abana ni ikimwe ku bigize icyaha cy’intambara mu mategeko mpuzamahanga y’intambara ariko byabaye igitangaza ariko bikaba binababaje kurundi ruhande kubona ababyeyi babyaye bajya kukarubanda bakaba interahamwe bakica bakagira uruhare mu kwigisha no gukwirakwiza Ingengabitekerezo ya Jenoside. Mu nyandiko zitandukanye iyi ngingo yagiye igarukwaho kenshi cyane kuburyo mu kwezi kwa cyenda mu mwaka wa 1995 ubwo hari hashize igihe gito Jenoside yakorewe abatutsi ihagaritswe n’ingabo za RPA Inkotanyi byahagurukije umunyamakuru ndetse n’umwanditsi w’umunyamerikakazi Lindsey Hilsum waruri mu Rwanda mu gihe cya Jenoside yakorewe abatutsi maze yandika inkuru yahaye umutwe ugira uti “Women Killers in Rwanda”. Ugereranije mu Kinyarwanda ninkaho iyi nkuru yayise “Abagore babicanyi mu Rwanda” rero muri iyi nkuru yagarutse ku mazina atandukanye yagaragaye imbere cyane mu gutegura no gushyira mubikorwa Jenoside yakorewe abatutsi. Rero uyu Lindsey Hilsum siwe wenyine wavuze ku bagore babaye interahamwe batsemba abatutsi kuko na nyuma ye mu nyandiko nyinshi z’itandukanye zabashakashatsi benshi yewe zirimo n’iza Komisiyo y’igihugu yo kurwanya Jenoside CNLG hagiye hagaragaramo amazina yagize uruhare mu gutegura no gushyira mu bikorwa Jenoside yakorewe abatutsi.niyo mpamvu natwe twifashishije zimwe murizo nyandiko z’ubushakashatsi twakusanije amazina y’abo bagore batatiye igihango n’inshingano by’umubyeyi w’umunyarwandakazi. Uwambere uza Imbere y’abandi bagore unahuzwa na Jenoside yakorewe abatutsi ni Paulina NYIRAMASUHUKO.iri zina ubwaryo hari abantu rigitera ubwoba ngo kuko Paulina Nyiramasuhuko iyo bamwumvise ntakindi bumva uretse ishusho y’umugore w’umwicanyi n’umubyeyi utagira imbabazi. Paulina Nyiramasuhuko ni umugore wamenyekanye cyane ubwo yagirwaga Minisitiri w’Umuryango n’iterambere ry’umugore mu mwaka wa 1992 ariko na mbere yahangaha ntiyari umuntu usanzwe kuberako uyu Paulina yari umugore wa Bwana NTAHOBARI Maurice wabaye Perezida w’Inama y’igihugu iharanira amajyambere CND yakoraga nk’intekonshingamategeko kuva mu mwaka wa 1982 kugeza mu 1989. #IntsinziTV #Genocide #Interahamwe NIBA UKUNDA IBIGANIRO BYACU KORA SUBSCRIBE