Akhtar Usman: Marsia Shahzada Ali Akbar اے خدا بہرِ محمدؐ نقطۂ آغاز دے скачать в хорошем качестве

Akhtar Usman: Marsia Shahzada Ali Akbar اے خدا بہرِ محمدؐ نقطۂ آغاز دے

اختر عثمان: مرثیہ شہزادہ علی اکبر اے خدا بہرِ محمدؐ نقطۂ آغاز دے حرف کو حُسنِ جہت آرائی کا انداز دے یوں کُھلے قفلِ خموشی لفظ خود آواز دے سحر گوئی ہو چکی، پیرایۂ اعجاز دے مدحِ شاہِ دیں بیاں ہو، منفرد الفاظ میں ہند سے سوغات لے آیا ہُوں میں عکاظ میں لو چمک اُٹھا ہے روغن خامہ و تحریر کا بابِ غم کھلنے کو ہے پھر آیۂ تطہیر کا پھر سے دل طالب ہُوا ہے درد کی تفسیر کا دوسرا رُخ سامنے آنے کو ہے تصویر کا منقسم ہوتی ہے رحمت مختلف انواع میں لفظ زندہ ہو گئے آئینۂ صناع میں روشنی کے باب مجھ پر کُھل گئے اُس باب سے کچھ شناسائی بڑھی میری ادب آداب سے یاد کرتی ہے خدائی مختلف القاب سے سب دعائیں جا ملی ہیں اک درِ ایجاب سے گُل بہ گُل مجھ پر کُھلا اُس باغِ خوش اطوار کا سُرخ مطلع کہہ رہا ہُوں مطلعِ انوار کا کرتے ہیں میری مدد یہ زندگی جینے میں وہ پانی پیتا ہوں مگر لذّت نہیں پینے میں وہ تیر جو اُن کو لگے پیوست ہیں سینے میں وہ نقش روشن ہیں مری آنکھوں کے آئینے میں وہ دکھ دمک اٹھا ہے ان کا، میرا فن آباد ہے ان کے لطف و فیض سے میرا سخن آباد ہے اختر عثمان