चीनमध्ये कोरोना विषाणू मुळे १०६ जणांचा मृत्यू скачать в хорошем качестве

चीनमध्ये कोरोना विषाणू मुळे १०६ जणांचा मृत्यू

चीनमध्ये कोरोना विषाणू संक्रमण अधिकाधिक गंभीर होत असून, बळींचा आकडा १०६ वर पोहोचला आहे. ४ हजार ५१५ जणांना या विषाणूची लागण झाली आहे. यात चीनबाहेरच्या ४१ व्यक्तींचा समावेश आहे. या स्थितीचं गांभीर्य लक्षात घेऊन, या विषाणूचा सर्वाधिक प्रादूर्भाव झालेल्या वुहान शहरात असलेल्या भारतीयांना, चीनमधून परत आणण्यासाठी, तिथल्या भारतीय दुतावासानं प्रयत्न सुरु केले आहेत. चीनच्या सरकारशी यासंदर्भात चर्चा सुरु आहे. वुहानमधल्या भारतीयांनी आपली सर्व प्रकारची माहिती दुतावासाकडे उपलब्ध करुन द्यावी, जेणेकरुन सर्व प्रकारची प्रक्रिया पूर्ण करुन त्यांना तातडीनं मायदेशी आणता येईल, असं भारतीय दूतावासानं सांगितलं आहे. जर्मन सरकारदेखील आपल्या नागरिकांना चीनमधून परत आणण्यासाठी प्रयत्नशील आहे, तर अनेक देशांनी आपल्या नागरिकांसाठी चीन भेटीसंदर्भात मार्गदर्शक सूचना जारी केल्या आहेत. दरम्यान, या स्थितीच्या पार्श्वभूमीवर, चीनमध्ये वुहान शहरात सर्वत्र शुकशुकाट पसरला आहे. या विषाणूचं संक्रमण रोखण्यासाठी, चीनच्या सरकारकडून केल्या जाणाऱ्या विविध उपाययोजनांअंतर्गत, नवीन वर्षाची सुट्टीदेखील २ फेब्रुवारीपर्यंत वाढवण्यात आली आहे. विषाणूला प्रतिबंध करण्यासाठी लस तयार करण्याचे चीनच्या शास्त्रज्ञांचे प्रयत्न सुरु आहेत. जागतिक आरोग्य संघटनेनंदेखील या संदर्भात निवेदन जारी करुन या रुग्णांवर उपचार करणाऱ्या आरोग्य केंद्रांनी योग्य प्रकारच्या उपाययोजना कराव्यात तसंच आरोग्य कर्मचाऱ्यांची योग्य काळजी घ्यावी, असे निर्देश दिले आहेत. दक्षिण कोरियामध्ये, या विषाणूची लागण झालेला, चौथा रुग्ण आढळल्यावर, या देशानं प्रतिबंधात्मक उपाययोजना आणखी तीव्र केल्या आहेत. श्रीलंकेमध्ये या विषाणूची लागण झालेला एक रुग्ण आढळला आहे. ही व्यक्ती चीनी पर्यटक असल्याची माहिती श्रीलंकेच्या आरोग्य मंत्रालयानं दिली आहे. हाँगकाँगमध्येही अनेकांना कोरोना विषाणूची लागण झाली असून तिथं आणीबाणी जाहीर करण्यात आली आहे. कॅनडा, लॉस एंजिलिस, ऑस्ट्रेलिया, फ्रान्स, नेपाळ, आदि ठिकाणीही या विषाणूनं हातपाय पसरल्याचं वृत्त आहे. सुदैवानं भारतात, या विषाणूची लागण झालेली नाही. तसंच आतापर्यंत कोणत्याही भारतीय नागरिकाला कोरोनाची लागण झाली नसल्याचं चीनमधल्या भारतीय दूतावासानं स्पष्ट केलं आहे,