【何傲兒現身】好 pure 傲兒自責：冇去 say no скачать в хорошем качестве

【何傲兒現身】好 pure 傲兒自責：冇去 say no

報導日期： 2014年8月11日 (一) 今日何傲兒BB現身開工，笑晒，完全唔似受情傷。佢就話係因為自己專業，工作時工作，唔會將個人感情、開心唔開心擺出嚟。 問到家人是否已知兩人分手？何傲兒話:「已經知道，大家都有共識。」又謂家人見到某啲報道都好嬲，好心痛:「點解……我自己都覺得自己做得唔啱。」 咁究竟嬲咩？是否因為傲兒BB公開同男友周子揚錫錫被拍到？傲兒就話:「作為一個藝人，過去一段日子，自己都有一個警覺，喺公眾場合應該要……言行舉止都有分寸，但係喺唔適當嘅場合同時間，自己冇去say no，亦冇足夠經驗去處理，覺得自己做得非常之差囉。」之後傲兒再謂：「我真係接受唔到，我覺得自己真係做錯咗。」 何傲兒又表示未帶過周子揚返家見家長，仲話今次呢段戀情令佢明白到:「與其要人保護自己，不如自己保護自己。」 係咪心情已平伏呢？佢就話始終都會有唔開心，但唔開心嘅日子總會過去。「依家自己感情上未ready，而且好好啦，有劇拍，希望自己可以將多啲時間投放喺拍劇方面。」 那是否有機會復合？何傲兒諗咗一諗，有少少愕然，似乎係冇諗過呢個問題:「將來嘅嘢大家都唔敢講，但係現階段自己真係冇諗呢個問題。」 好喇，既然唔諗住復合住先，咁不如諗諗契爺林建名，索性轉頭契爺懷抱吧？何傲兒聞言即忍唔住笑，笑到卡卡聲。續問林建名有冇打俾佢予以安慰？何傲兒話:「我諗呢個故事作到咁上下，去到一個尾聲…我作為觀眾都覺得呢個爺孫戀故事有點兒悶，應該差唔多到尾聲。」 契爺冇打俾你咩？何傲兒即連聲謂:「有聯絡，我哋有聯絡。」分手之後呢？「咁又暫時冇機會聯絡，不過我哋一路都有keep住溝通。」