"Bu Gecə" (Bircə sən yoxsan, Əzizim..) скачать в хорошем качестве

"Bu Gecə" (Bircə sən yoxsan, Əzizim..)

Musiqi : Emin Sabitoğlu (1937 - 2000) Sözlər : Zeynal Xəlil (1914 - 1973) İfa : Hüseynağa Hadıyev (1946 - 1994) Fikrimdə aylı-ulduzlu asiman var bu gecə, Qəlbimdə körpə quzu tək bir ümman var bu gecə. Nəqarət: Bircə sən yoxsan, əzizim, bilir aləm bu gecə, Neyçün olmadın, de, ey yar, mənə həmdəm bu gecə? Araza “axma” desəm mən, inan, axmaz bu gecə, Şimşəyə “çaxma” desəm mən, inan, çaxmaz bu gecə. Hüseynağa Məmməd oğlu Hadıyev 1946-cı il noyabrın 19-da Bakıda anadan olub. Onun anası Törə xanım Cəfər Cabbarlının böyük qardaşı Hüseynqulunun qızı idi. Hüseynağa musiqi ilə "Pionerlər evi"ndə qarmon dərnəyində məşğul olmağa başlamışdı.Sonuncu kursda oxuyarkən ailə həyatı qurmuş, universiteti bitirdiyi il hərbi xidmətə yollanmışdı. Həyat yoldaşı Sveta xanımın sözlərinə görə, Hüseynağa Hadıyev sevmədiyi mahnını oxumazdı. O, ömrü boyu "Dan ulduzu" ansamblının solisti olub. Bu ansambla o qədər bağlanıb ki, nə zamansa onu tərk edə biləcəyini ağlına belə gətirməyib. O dövrdə televiziya, radio proqramlarına çıxmasında problem olmadığı üçün Hüseynağa tez-tez ekranda görünərdi. Ancaq bir qədər fərqli geyinməsinə və saç düzümünə görə ona tez-tez irad tutar və səhnəyə çıxanda uzun saçlarını kəsdirməyə, kostyum geyinməyə məcbur edərdilər. Bu qadağalar onu həmişə özündən çıxarardı. Hüseynağa Hadıyev 47 yaşında,1994-cü il yanvarın 12-də oxuyacağı mahnıları, dillər əzbəri olacaq ifaları öz ilə apardı. 47 illik ömründə bənzərsiz, qeyri-adi səsi ilə Azərbaycan musiqisinə adını yazdıran Hüseynağa Hadıyevin ifasında "Bir xumar baxışla", "Gəl barışaq", "Bu gecə", "Gecələr bulaq başı" kimi mahnılar hələ də sevilir. #BuGecə