Tam orta təhsilin təmayülləşməsi üzrə pilot layihə скачать в хорошем качестве

Tam orta təhsilin təmayülləşməsi üzrə pilot layihə

Space televiziyasının “Hər gün”. İnformasiya proqramında tam orta təhsilin təmayülləşməsi üzrə pilot layihə barədə sujet yayımlanıb. Bakı şəhəri 32 nömrəli tam orta məktəbdə baş tutan çəkilişdə pilot layihə barədə məlumat verilib, şagirdlərin fikirləri öyrənilib. Qeyd edək ki, tam orta təhsilin təmayülləşməsi üzrə pilot layihə Bakı şəhərindəki 5 məktəbdə bir neçə il öncə tətbiq olunmağa başlayıb. Bu məktəblər üçün fənlərin sayı 18-dən 13-ə azaldılmaqla xüsusi tədris planları təsdiq edilib, təmayül fənlərinin genişləndirilmiş proqramları hazırlanıb. Azərbaycan Respublikası təhsil nazirinin 2015-ci il 8 iyun tarixli əmri ilə 2015-2016-cı dərs ilindən 10-11 siniflərdə tədrisin təmayüllər üzrə təşkil olunacağı təhsil müəssisələrinin siyahısı genişləndirillib. Siyahıya Bakı, Gəncə, Sumqayıt, Mingəçevir və Şirvan şəhərlərində yerləşən 50 məktəbin adı əlavə olunub və 4 təmayül (texniki, riyaziyyat-iqtisadiyyat, humanitar, təbiət) istiqamət üzrə tədris planları təsdiq edilib.