JITFAKKAR IN-NAWFRAĠJU TA’ SAN PAWL F’MALTA скачать в хорошем качестве

JITFAKKAR IN-NAWFRAĠJU TA’ SAN PAWL F’MALTA

ONE.COM.MT - Fi knisja mimlija tant li lanqas kien hemm fejn toqgħod labra ġiet iċċelebrata l-quddiesa tal-festa San Pawl Nawfraġju. Festa li mhix biss qalb il-Pawlini Beltin imma wkoll għal bosta Maltin li jgħożżu d-devozzjoni Nisranija li wassal f’Malta San Pawl. Id-dettalji. KITBA: LEANNE ABELA GRECH FILMAT: DYLAN CARUANA JITFAKKAR IN-NAWFRAĠJU TA’ SAN PAWL F’MALTA It-Tnejn Malta ċċelebrat l-ewwel festa pubblika, il-festa ta’ San Pawl Nawfragu. Ħafna Beltin, li għalihom dan il-jum ifisser iċ-ċelebrazzjoni tal-Patrun tagħhom, bdew il-ġurnata b’quddiesa iċċelebrata mill-Arċisoqf ta’ Malta Charles Scicluna. Biex imbgħad fis-siegħa ta’ wara nofsinhar irħewla għall-marċ tradizzjonali li jitella’ mill-Għaqda tal-Pawlini li din is-sena qed tiċċelebra wkoll il-ħamsin anniversarju. ONE News żar il-Knisja ta’ San Pawl fil-Belt, fejn b’devozzjoni qawwija dawk preżenti semgħu l-kelma t’Alla, il-kelma li Pawlu kien wassalha f’pajjiżna, meta pajjiżna kien għadu b’kultura Punika. Tkellimna fost l-oħrajn ma’ koppja Ingliża li għat-tielet darba qed tiċċelebra din il-festa f’Malta. Spejgawlna li jkunu ħerqana jattendu għaliha. “It’s not something we see in the United Kingdom and it is something that is completely different to what we’re used to, so it’s worth coming to see” “Ilni żmien twil, bħal-lum ġifieri, il-ġurnata tal-lum filgħodu ma jkolli x’naqsa ma xejn ħlief il-quddiesa t’hawnhekk” “Il-Festa tiegħi, jien jisimni Pawlu u niġi għaliha, kull sena. U kemm ilkom tattendu għaliha l-festa. Ilna għoxrin sena naħseb speċjalment festa tax-xitwa nħobbha ħafna” “Bħala festa hija kollox, sabiħa, tieħu pjaċir, la ma jkollokx probmeli l-festi tal-Belt kollha sbieħ” Kien hemm min spjega s-sodisfazzjon tiegħu dwar l-aħbar li l-Papa Franġisku ġej Malta fil-31 ta’ Mejju waqt il-quddiesa. “Festa sabiħa u festa kbira, festa nazzjonali hux hekk naraha jien u ħadt pajċir bil-bxara li għamluna li ġej il-Papa Malta wkoll” Ma naqasx lanqas il-brijju fit-toroq Beltin meta waranofsinhar telaq il-marċ tal-festa. Hanhekk mijiet inġabru flimkien biex jiċċelebraw id-devozzjoni lejn San Pawl bl-aktar mod brijjuż.