જન્માષ્ટમી скачать в хорошем качестве

જન્માષ્ટમી

જન્માષ્ટમી પર્વની ઉજવણી *શ્રીમતી એલ.પી.ડી. પટેલ સાર્વજનિક વિદ્યાલય, પુણાગામ – સુરત* શ્રીમતી એલ.પી.ડી. પટેલ સાર્વજનિક વિદ્યાલયમાં જન્માષ્ટમીની ઉજવણી ઉત્સાહભેર અને ધાર્મિક ભાવનાથી ભરપૂર રીતે કરવામાં આવી હતી. શાળાના ટ્રસ્ટીશ્રીઓ દ્વારા બાળકૃષ્ણની સ્થાપના કરવામાં આવી, જેનાથી સમગ્ર પરિસર પાવન અને પવિત્ર બની ગયો. બાળકૃષ્ણની આરતી ઉતારવામાં આવી, જેમાં શિક્ષકો, વિદ્યાર્થીઓ અને ટ્રસ્ટીશ્રીઓએ ભાવપૂર્વક ભાગ લીધો. આરતી બાદ સૌને પ્રસાદી આપવામાં આવી, વિદ્યાર્થીઓ દ્વારા કૃષ્ણ ભજન પર આધારીત ડાન્સ રજૂ કરવામાં આવ્યો, જેમાં બાળકૃષ્ણના જીવન પ્રસંગો જીવંત થયા. ભજનના મધુર સ્વરો શાળાના વાતાવરણને ભક્તિમય બનાવી દીધું. વિદ્યાર્થીઓની ટીમ દ્વારા મટકી ફોડની રમૂજભરી અને ઉત્સાહભરી પ્રવૃત્તિ યોજાઈ, જેમાં કૃષ્ણજીના બાળલિલા યાદ આવી ગયા. વિદ્યાર્થીઓએ ઉત્સાહપૂર્વક ભાગ લીધો અને સમગ્ર કાર્યક્રમમાં આનંદનો માહોલ છવાઈ ગયો. અંતે કૃષ્ણના ભજન સાથે સમૂહમાં ગરબા યોજાયો, જેમાં શિક્ષકો અને વિદ્યાર્થીઓએ ગરબા રમ્યા અને ભક્તિભર્યા ગીતો સાથે પર્વની ઉજવણી પૂર્ણતા પામી. આ ઉજવણી દ્વારા વિદ્યાર્થીઓમાં ધાર્મિક અને સાંસ્કૃતિક મૂલ્યોના સંવર્ધન સાથે એકતા અને સહકારની ભાવનાનું સિંચન થયું. શાળાએ આ પવિત્ર પર્વને ભક્તિ, આનંદ અને ઉત્સાહ સાથે ઉજવીને એક યાદગાર ક્ષણ બનાવી.