हेर्नैपर्ने कथाः डम्बरले भ्रममा बाँचेकाे जीन्दगी र परिवारसँग पुनःर्मिलनकाे कथा ।। скачать в хорошем качестве

हेर्नैपर्ने कथाः डम्बरले भ्रममा बाँचेकाे जीन्दगी र परिवारसँग पुनःर्मिलनकाे कथा ।।

बालखैमा आठ–नौ वर्षको उमेर हुँदा बुबा र दाईहरूसँग सुन्तला बेच्न बजारमा जाँदा हराएका डम्बरको ३६ वर्षपछि परिवारसँग पुनःमिलन भयो । डम्बर खोटाङ जिल्लाको कुनै एउटा गाउँबाट २०४५ सालतिर उनका बुबा रामबहादुर र दाइ सुब्बासँग सुन्तला बेच्न उदयपुरको बेल्टार बजार झरे । डम्बरका बुबा र दाई बजारबाट नुन, तेल, चामल लगायत सामलतुमल बोकेर गाउँतिर उक्लिए । बालख डम्बर भने गाउँ फर्किन मानेनन् । उनका बुबाले डम्बरलाई बेल्टारको एक कपडा पसलमा छोडेर गए । दुई महिनापछि लिन आउँदा छोरा उक्त कपडा पसलमा थिएन । साहुजीलाई सोध्दा अर्काे एक जना साथीसँग मिलेर भागेको बताउँछन् । बजारमा यता उता चिनेजानेका ठाउँमा सोधखोज गरे । तर, छोरा फेला परेनन् । अन्त कहाँ खोज्नु ? बेल्टार बजार बाहेक डम्बरका बुबा र दाईले पनि बाँकी दुनियाँ न त घुमेका थिए, न त चिनेका थिए । निराश भएर गाउँ फर्र्किए । जिउँदो भए एक न एक दिन अवश्य घर आउने छ भन्ने आशामा कुरिरहे । माइलो छोरा डम्बर घर फर्केर आउने आशामा कुर्दाकुर्दै बुबा रामबहादुर र आमा पदमायाले केही वर्षअघि भौतिक संसारबाट विदा लिए । विगत ३६ वर्षदेखि सिन्धुपाल्चोकको मुडे बजारमा बसिरहेका डम्बरलाई भने आफ्नो नाम डम्बर, दाइको नाम सुब्बा र आफू बेल्टारबजारबाट हराएको भन्ने बाहेक अन्य जानकारी थिएन । डम्बरलाई आफ्ना बुबा, आमा र आफू जन्मेको गाउँको नाम समेत थाहा थिएन । यतिसम्म कि उनलाई आफ्नो थर समेत थाहा थिएन । यता मुडे बजारमा बस्दाबस्दै डम्बरको विवाह भयो, दुई छोरीहरू पनि जन्मिए । छोरिहरू हुर्किँदै गए । डम्बरको चिन्ता पनि चुलिँदै गयो । आफूसँग नागरिकता छैन । छोरीहरूलाई कसरी नागरिकता दिलाउने ? केही थाहा थिएन । नागरिकता नभएकै कारण डम्बरलाई श्रीमती सिताले पनि छोडेर गइन् । डम्बरको अवस्था र उनका दुई छोरीहरू विन्दु र विनिताको अन्योलग्रस्त भविष्य देखेर उनीहरूका संरक्षक अच्युतम श्रेष्ठ, तारालाल श्रेष्ठ लगायत मुडे बजारका बासिन्दाहरू चिन्तित भए । त्यहाँका जनप्रतिनिधि एवम समाजका अगुवाहरू पनि चिन्तित थिए । डम्बरको घरपरिवार खोजिदिन एभरेष्ट फेसलाई अनुरोध आयो । अन्ततः एभरेष्ट फेसको समन्वय, संरक्षकहरूको सहयोग र दुवैतिरका स्थानीय जनप्रतिनिधिहरूको सक्रियतामा डम्बरको घरपरिवार पहिचान भएको छ । उनले ३६ वर्षसम्म तामाङ भनेर बाँचे, छोरीहरूको जन्मदार्ता पनि तामाङकै थरमा बनाए । तर, डम्बरको थर थामी पो रहेछ । आउनुस् अब हेरौँ डम्बरले ३६ वर्ष विताएको मुडे बजारबाट लिएको विदाईदेखि उनको गाउँ खोटाङको सिम्पानीमा परिवारसँग पुनः मिलनसम्मको दृश्य कथा । हामीसँग जाेडिनुहाेस्ः   / everestface     / chandra.tamang.7140497   Cell: +977-9860408939 @EverestFacet #everest #mounteverest #everstface #facesofeverest Copyright Disclaimer- Copyright Disclaimer under section 107 of the Copyright Act of 1976, allowance is made for “fair use” for purposes such as criticism, comment, news reporting, teaching, scholarship, education and research. Fair use is a use permitted by copyright status that might otherwise be infringing. © कानुनी चेतावनी : यस च्यानलमा रहेका गीत, संगीत तथा Video हरु कपि, Download गरी अन्य Channel मा upload गरेको पाईएमा नेपालको प्रतिलिपि अधिकार अनुसार सम्पुर्ण क्षतिपुर्ति सहित असुल उपर कानुन बमोजिम कडा भन्दा कडा कारबाही गरिनेछ । Embedding to a website is allowed. Thanks Viewers ©Everest Face