(ប្រសាសន៍ដើម)៖ សម្ដេចតេជោ ហ៊ុន សែន ប្រកាសថា នៅក្រោយឆ្នាំ២០២៣នឹងក្លាយជាឪពុកនាយករដ្ឋមន្ដ្រីកម្ពុជា скачать в хорошем качестве

(ប្រសាសន៍ដើម)៖ សម្ដេចតេជោ ហ៊ុន សែន ប្រកាសថា នៅក្រោយឆ្នាំ២០២៣នឹងក្លាយជាឪពុកនាយករដ្ឋមន្ដ្រីកម្ពុជា

សម្ដេចតេជោ ហ៊ុន សែន ប្រកាសថា នៅក្រោយឆ្នាំ២០២៣នឹងក្លាយជាឪពុកនាយករដ្ឋមន្ដ្រីកម្ពុជា (Video inside) (ភ្នំពេញ)៖ ក្នុងនាមជានាយករដ្ឋមន្ដ្រីនៃកម្ពុជា នាពេលបច្ចុប្បន្ននេះ សម្ដេចតេជោ ហ៊ុន សែន នៅព្រឹកថ្ងៃទី២៩ ខែធ្នូ ឆ្នាំ២០២១នេះ ជាថ្មីម្ដងទៀត បានប្រកាសថា សម្ដេចនឹងក្លាយជាឪពុករបស់នាយករដ្ឋមន្ដ្រីរបស់ប្រទេសកម្ពុជា នៅក្រោយឆ្នាំ២០២៣។ ក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការអគាររដ្ឋបាល និងសាលប្រជុំទីស្ដីការក្រសួងការពារជាតិ សម្ដេចតេជោ ហ៊ុន សែន ក៏បានប្រកាសស្រដៀងគ្នាដែរថា នៅឆ្នាំ២០៤០ សម្ដេចក៏នឹងក្លាយជាជីតារបស់នាយករដ្ឋមន្ដ្រីដូចគ្នានេះដែរ។ ក្នុងឯកសណ្ឋានជាកងទ័ព និងមានពាក់ផ្កាយមាស៥នៅលើស្នា សម្ដេចតេជោ ហ៊ុន សែន បានមានប្រសាសន៍ដោយសម្ដីយ៉ាងម៉ឺងម៉ាត់ថា «ខ្ញុំសូមបញ្ជាក់ថា ពេលនេះខ្ញុំជានាយករដ្ឋមន្ដ្រី ក្រោយឆ្នាំ២០២៣ ខ្ញុំទៅជាឪនាយករដ្ឋមន្ដ្រី ដល់ឆ្នាំ២០៤០ ខ្ញុំនឹងក្លាយជាជីតានាយករដ្ឋមន្ដ្រី»។ សម្ដេចតេជោ ហ៊ុន សែន បានរំលឹករឿងដែលសម្ដេចបានណែនាំទៅចៅ នៅពេលកំពុងទទួលទានអាហារជុំក្រុមគ្រួសារថា ក្នុងរយៈពេល២០ឆ្នាំក្រោយ ចៅត្រូវតែប្រកួតប្រជែងយកតំណែងជានាយករដ្ឋមន្ដ្រី ខណៈពេលនេះត្រូវខិតខំប្រឹងប្រែងសិក្សារៀនសូត្រ រហូតចប់ថ្នាក់បណ្ឌិតនៅបរទេស។ បន្ថែមពីនេះ សម្ដេចតេជោនាយករដ្ឋមន្ដ្រី ក៏បានផ្ញើសារទៅក្រុមដែលមាននិន្នាការប្រឆាំងដែរ ត្រូវប្រឹងឲ្យកូនចៅរបស់ខ្លួនសិក្សារៀនសូត្រ កុំប្រឹងតែខាងជេរខ្លាំងពេក។ សម្ដេចបានអះអាងទៀតថា កាលពីមុនសម្ដេចជាឪពុករបស់បណ្ឌិត ព្រោះកូនរបស់សម្ដេចបានរៀបចប់បណ្ឌិត ប៉ុន្ដែពេលនេះ និងថ្ងៃអនាគត សម្ដេចក្លាយជាជីតារបស់បណ្ឌិតថែមទៀតផង។ គួរជម្រាបថា ពាក់ព័ន្ធបេក្ខភាពអ្នកបន្ដវេនជំនាន់ក្រោយនេះ គណបក្សប្រជាជនកម្ពុជា ដែលកំពុងគ្រប់គ្រងរាជរដ្ឋាភិបាលនាពេលបច្ចុប្បន្ននេះ ក្នុងអង្គសន្និបាតគណៈកម្មាធិការកណ្តាល លើកទី៤៣ បានសម្រេចជាឯកច្ឆ័ន្ទគាំទ្រ លោក ហ៊ុន ម៉ាណែត ដែលជាកូនប្រុសច្បងរបស់សម្ដេចតេជោ ហ៊ុន សែន ជាបេក្ខភាពនាយករដ្ឋមន្ត្រី នៅថ្ងៃអនាគត។ លោក ហ៊ុន ម៉ាណែត គឺជាឥស្សរជនវ័យក្មេង ជាថ្នាក់ដឹកនាំយុវជន និងបញ្ញវន្តខ្មែរដ៏ឆ្នើមមួយរូប ដែលពោរពេញដោយសមត្ថភាព ទេពកោសល្យ និងភាពជាអ្នកដឹកនាំដ៏ល្អប្រសើរព្រមទាំងមានគុណធម៌ សុជីវធម៌ និងតម្កល់ផលប្រយោជន៍ជាតិ និងប្រជាជនជាធំ ដែលតែងទទួលបាននូវការគោរពកោតសរសើរ ការគោរព ស្រលាញ់ ការជឿជាក់ពីមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋខ្មែរទូទៅ ហើយលោក បាននិងកំពុងចូលរួមចំណែកយ៉ាងសកម្មក្នុងបេសកកម្ម ដើម្បីបុព្វហេតុជាតិមាតុភូមិ និងប្រជាពលរដ្ឋកម្ពុជា។ ក្នុងពិធីនាព្រឹកមិញ ថ្លែងចំណុចអ្នកបន្ដវេននេះ សម្ដេចតេជោ ហ៊ុន សែន បានឌឺដងដល់ក្រុមបក្សប្រឆាំងដែលជំនាញតែរិះគន់ និងជេរប្រតិចគណបក្សកាន់អំណាចនោះ ឲ្យបញ្ចេញបេក្ខភាពបន្ដវេនរបស់ខ្លួនដូចគណបក្សប្រជាជនកម្ពុជាដែរមក ហើយសម្ដេចក៏នឹងអបអរសាទរដូចគ្នា។ ប៉ុន្ដែសម្ដេចកត់សម្គាល់ថា ក្រុមបក្សប្រឆាំងមិនបញ្ចេញអ្នកបន្ដវេន ឬក៏គ្មានធនធានមនុស្សដើម្បីបន្ដវេន៕ Please JOIN Channel Telegram ផ្លូវការរបស់បណ្តាញព័ត៌មាន Fresh News. ដើម្បីទទួលបានព័ត៌មានថ្មីៗប្រចាំថ្ងៃ ២៤ម៉ោង ! Join US: https://t.me/freshnewsasia