У нас вы можете посмотреть бесплатно 10 кафене, бара тĕрĕсленĕ или скачать в максимальном доступном качестве, видео которое было загружено на ютуб. Для загрузки выберите вариант из формы ниже:
Если кнопки скачивания не
загрузились
НАЖМИТЕ ЗДЕСЬ или обновите страницу
Если возникают проблемы со скачиванием видео, пожалуйста напишите в поддержку по адресу внизу
страницы.
Спасибо за использование сервиса ClipSaver.ru
Асар-писер çил тăвăл пек тустарчĕç мобильлĕ рейд вăхăтĕнче Шупашкарти халăх йышлă пухăнса апатланакан кафесене, барсене. 10 ытла кану вырăнĕнче кăшăллă чирпе кĕрешесси çинчен вăя кĕнĕ республика Пуçлăхĕн Хушăвĕ епле пурнăçланнине хула администрацийĕн тата Роспотребнадзор ĕçченĕсем, йĕрке хуралçисем тĕрĕслерĕç. «Кăшăллă чиртен упранмалли шанчăклă мелсенчен пĕри – вакцина», – теççĕ тухтăрсем. Çапах та маска, перчетке, социаллă дистанци йĕркине никам та пăрахăçламан. Канма, апатланма килекенсем, çак учрежденисен хуçисем час-часах вăя кĕнĕ хушăва пăсма та именмеççĕ. Тĕрĕссипе, QR-кода паспортпа тĕрĕслемелле – куç хупни те час-часах пулать. Çавăнпа та ун пек хуçасене штраф параççĕ. Санитайзер, маска, салфетка, вирусран алăсене сапса тасатмалли шĕвек тата ытти хатĕр йăлтах пур ку барда. Кунта сухаллă арçынсем ĕçлеççĕ, вĕсем маска тăхăнманни тӳрех куçа курăнчĕ. Термометри журналне ыйтрĕç мобильлĕ рейда тухнисем. Рейд пайташĕсем çине тăнипе администратор ĕçтешне чĕнсе паспорт тата ытти документа çирĕплетрĕ. Алла сирпĕтсе çумалли шĕвекĕн документ çук. Залра салат çиекенсен маска çук. «Апат çиме чăрмантарать», – тесе хуравларĕç хăнасем. Шупашкар хула администрацийĕн пай ертӳçи Фасиха Солдатова залра ларакан каччăсене те тимлĕхсĕр хăвармарĕ – паспортпа QR-код кăтартма ыйтрĕ. Йĕрке тăрăх, перчеткене, маскăна кашни 2-3 сехетрен улăштармалла. Апатланмалли сывлăша тасатакан хатĕр пулмалла. Кухньăра ультрафиолет лампипе ĕçлекен аппарат курăнмарĕ. Апатпа ĕçлекен предприятире вăй хуракансен пурин те сыхлăх шĕвекне шала яртарнине çирĕплетекен сертификат пулмалла. Унсăррăн хуçана пысăк штраф кĕтет. Рейда тухакансем чылай çитменлĕхе асăрхаса акт çырчĕç. Усал хыпар утпа çӳрет теççĕ халăхра. Воробьев композиторсен урамĕнче вырнаçнă «Тотем», «Колба», «1935» коктейль барсем тĕрĕслев ушкăнĕ çула тухнине пĕлсе алăксене шалтан çаклатма ĕлкĕрчĕç. Хаваслă кĕвĕ сасси вара урамра илтĕнчĕ. Малалла рейд «Декольте» ресторана çитрĕ. Кунта чи малтанах термометри тĕрĕслерĕç. Мобильлĕ рейд пайташĕсенчен те документсем ыйтрĕç. Залра 5 рециркулятор çакăнса тăрать. Ку учрежденире яланах йĕркене пăхăнса ĕçленипе тĕрĕслев ушкăнĕ кунта нумай тытăнса тăмарĕ. «Бутик хол» алăкĕсем хупă пулин те эрнекунран шăматкун караоке, хаваслă программа кĕтет тесе çырнă пĕлтерĕве никам та илсе пăрахман. «Нежный городра» вара QR-кодпа пĕрле паспортсене тĕрĕслемеççĕ. Социаллă дистанцие пăхăнманни курăнчĕ. 10 апатлану, кану учрежденине тĕрĕсленĕ хыççăн иккĕшне йĕркесĕрлĕхшĕн явап тыттарма палăртрĕ мобильлĕ ушкăн. Регина Кубайкина, Екатерина Никитко, Юрий Марков