Արեւագալի Ժամերգութիւն եւ Ապաշխարութեան Աղօթք - Sunrise Service and Repentance Prayers 25/12/2026 скачать в хорошем качестве

Արեւագալի Ժամերգութիւն եւ Ապաշխարութեան Աղօթք - Sunrise Service and Repentance Prayers 25/12/2026

Մեծ Պահքի Արտաքսման Արեւագալի Ժամերգութիւն Միքիայ 4։1-7 1Բայց վերջին օրերը Տէրոջը տանը լեռը Լեռներուն գլխուն վրայ պիտի հաստատուի, Բլուրներէն վեր պիտի բարձրանայ, Ժողովուրդները հեղեղի պէս անոր պիտի դիմեն 2Եւ շատ ազգեր պիտի երթան ու ըսեն. «Եկէ՛ք, Եհովային լեռը, Յակոբին Աստուծոյն տո՛ւնը ելլենք, Որպէս զի մեզի իր ճամբաները սորվեցնէ, Որ անոր շաւիղներուն մէջ քալենք»։ Վասն զի օրէնքը՝ Սիօնէն Ու Տէրոջը խօսքը Երուսաղէմէն պիտի յայտնուի։ 3Անիկա շատ ժողովուրդներու մէջ դատաստան պիտի ընէ, Զօրաւոր ազգերը՝ մինչեւ հեռաւոր տեղերը՝ պիտի յանդիմանէ։ Անոնք իրենց սուրերը՝ խոփեր, Իրենց նիզակները յօտոցներ պիտի շինեն։ Ազգ ազգի վրայ սուր պիտի չվերցնէ Եւ ա՛լ պատերազմ պիտի չսորվին, 4Հապա ամէն մարդ իր որթատունկին տակ Ու իր թզենիին տակ պիտի նստի, Վախցնող պիտի չըլլայ. Վասն զի զօրքերուն Տէրոջը բերանը խօսեցաւ։ 5Քանզի բոլոր ժողովուրդները՝ Ամէն մէկը իր աստուծոյն անունովը կը քալէ, Բայց մենք յաւիտեանս յաւիտենից Մեր Տէր Աստուծոյն անունովը պիտի քալենք։ 6«Այն օրը, կ’ըսէ Տէրը, կաղը պիտի հաւաքեմ Ու աքսորուածը պիտի հաւաքեմ, Զանիկա ալ, որ նեղեցի։ 7Կաղը մնացորդ պիտի ընեմ, Հեռուն վռնտուածը՝ զօրաւոր ազգ»։ Տէրը Սիօն լերանը վրայ պիտի թագաւորէ անոնց վրայ, Ասկէ յետոյ մինչեւ յաւիտեան։