Бір қазақтың баласымыз (Үш жүз) - Мұратбек Қаражон. скачать в хорошем качестве

Бір қазақтың баласымыз (Үш жүз) - Мұратбек Қаражон.

«Бір қазақтың баласымыз» (Үш жүз) Сөзі: Бекжұма Нарбай Әні: Мұратбек Қаражон Қайырмасы: Ұлы жүзім ұлылықтың шыңысың, Орта жүзім ортаймаған ырысым. Дұшпанының қақ бөлетін қалқанын Кіші жүзім қайыспайтын қылышым Бір қазақтың баласымыз бәріміз, Жанын берер Алаш үшін, ту үшін. Ұлы жүз. Ұраны Бахтияр Көмейден жырды ақтара, Айтайын енді мақтана. Сарыүйсінге бағзыдан Басына қонған бақ дара. Жалайыр мен Сіргелім, Сарқылмайтын жыр кенім Кеудемде қалған жаттала. Қаңлы менен Ошақтым Алты Алашқа атақтым Жазылған тарих тақтаға. Шапырашты деп сөйлесем, Қалмайды әсте жақ тала. Албан, Суан, Дулатым Датын айтқан тайсалмай Төрелер менен датқаға. Шанышқылыдай күштім бар Додаға түскен баптала. Ырысы дария Ыстым бар Сыйнғаны Хақ қана. Қонақжай елден айналдым Қонағын күтер шаттана. Есігін ашар Ұлы жүз Жақыны түгілі жатқада. Қайырмасы: Орта жүз. Ұраны Ақжол Алмас тілін сермеген, Ар-намысын бермеген. Арда туған Арғыным Тұлпары кетпес кермеден. Қоңырат пен Найманның Бойында жалын сөнбеген. От жүректі Қыпшағым Атағы өрге өрлеген. Ақ көңілді Керейім, Қазаққа біткен мерейім Пейілі дархан кең дер ем. Сөздің оғын атқанда, Шешен халық Уағым Мүлт кетпеген мерген ең. От ауызды Тарақтым Дұшпанын жырмен жерлеген. Өнерлі жұртым Орта жүз Өлеңмен мүсін зерлеген. Қара сөзді құндақтап Жыр бесігін тербеген. Қожаларым хақ дінімнің кілт(і) еді, Атағынан алыстағы үркеді. Төре, Сунақ, Ноғай, Қырғыз,Төлеңгіт Қазағым деп барын салар жұрт еді Кіші жүз. Ұраны Алдияр Қазағым деп ту алған, Жауды да көрсе қуанған. Алты аталы Әлімім Кете менен Төртқара Асуда асу шың алған. Қаракесек, Шекті мен, Қарасақал, Шөмекей Азуы өткір дүр арлан. Он екі ата Байұлы Адай менен Алаша Дуды да көрсе сұранған. Ысық, Жаппас, Берішім, Тана мен Таз ел үшін Қан майданда сыналған. Қызылқұрт, Шеркеш, Масқарым, Таусылмайтын дастаным. Есентемір, Байбақтым Қазағымның аспанын, Сейілткен қара тұманнан. Жетіруда Табын бар Биік ұшқан қыраннан. Жағалбайлы, Рамадан, Кердері, Телеу, Тамадан Кеудесінде от ойнап Нұр шашылған шырағдан. Жігерленген Керейітім Алаш деген ұраннан. Адырнасын идіріп, Сұр жебесін шығарған. Баhадүр жұртым Кіші жүз Қылышын қанға суарған. Қайырмасы: