Абақтыдағы азап: Семей түрмесінде жазасын өтеп жатқан 30 жастағы азамат көз жұмды скачать в хорошем качестве

Абақтыдағы азап: Семей түрмесінде жазасын өтеп жатқан 30 жастағы азамат көз жұмды

Семей түрмесінде жазасын өтеп жатқан 30 жастағы азамат көз жұмды. Сұлтан Абылғазиновтың қазасынан кейін өзге сотталушылардың туыстары наразылыққа шыққан. Олар №19 түзеу мекемесіне жақында ғана жеткізілген алпыс адамның азапталып жатқанын айтады. Колония қызметкерлері жаңадан келген жазасын өтеушілерді тәртіпке үйретіп, тепкінің астына алған деп отыр. Соққыға жығылған жақындарының жағдайын біле алмай қиналған тұрғындар басшылық мән-жайды түсіндіруге құлықсыз деп ашынады. Сұлтан Абылғазинов Шемонаихадағы колониядан Семейге ауыстырылғаннан кейін екі күн өткен соң қайтыс болған. Марқұмның туыстары түзеу мекемесіндегілер өлімнің нақты себебін жасырып отыр деп есептейді. Олар 30 жастағы жігіттің азаппен ажал құшқанына сенімді. Себебі, басқа түрмеден келгендердің көрген күні қорлық деп отыр. СЕРЖАН МАНАБАЕВ, марқұмның туысы: Күдіктеріміз мына учережденияда беспредел арқылы бәрін, кого на тряпке, кого повязке, кого там и так далее вот так ломают пацанов. И соответсвенно и намыс қой бәрі, еркектің намысы ғой. Еркек өз намысын ұстап неткеннен кейін и тебя не знаю там забивают, избивают. Кто удержался, а кто не удержался солай. Сұлтанмен бірге осы абақтыға бас-аяғы алпыс жазасын өтеуші жеткізілген. №19 түрмесіне келген бетте сотталушылардың соққыға жығылып, жарақат алғанын естідік дейді туыстары. Түзеу мекемесіне алып-ұшып жеткен жандар жақындарының жағдайын көрмей, ешкімге сенбейміз деп отыр. БАҚЫТ АЙХОТЖАЕВА, сотталушының анасы: Көрсетпейді баламды. Бір минутқа көрсетіңіздерші дедім. Тірі-өлігін. Тоғыз адам реанимацияда жатыр. Мынау деген сұмдық қой. Ішінде ұрып жатыр дейді. Аяқ- қолдарын сындырған. Беттен бет жоқ дейді. Қуығын жарып жіберген. Бір баланың қуығын жарып жіберген реанимацияда жатыр деп. Мочевойын ішіндегі адамдар ұрған. Ал түрме басшылығы бір сотталушының инсульт алып, медициналық мекемеде көз жұмғанын растайды. Бірақ ұрып-соғу дерегі тіркелмеді дейді. АЙДЫН КӘЛЕЛОВ, №19 Түзеу мекемесі бастығының орынбасары: Ол өз денсаулығына байланысты шағымданды. Дереу жедел жәрдем шақыртылды. Дәрігерлер алғашқы көмек көрсетіп, кейін оны қалалық ауруханаға жеткізу қажет деген шешім қабылдады. Науқас ауруханаға жеткізілген соң сол жерде көз жұмды. #Информбюро #31арна #БастыЖаңалықтар #Новости #31канал