#اكسبلور скачать в хорошем качестве

#اكسبلور

#الفن _البدوي إلى روح الفقيد الأديب الشاهد الأبيض ما تڨطاش *** مرّ فراڨك ما تڨطاش لا لا لا يحرڨ في الجاش *** و العيشة بلا بيك لواش مرّ فراڨك ********** خايب شين *** مرّ فراڨك خايب شين و القلب حزين *** ما ندري على روحي وين كبدي مرجين *** مشويّة ناري بنارين و الحمل رزين *** ناسك من شوري خايبين لا صدر حنين *** ال يسخف على حال المسكين يعزم في الحين *** يوصل لذبّال العين حليلي كيفاش *** خرّافة و ما نسمّيهاش مرّ فراقك ********** يا مشكاي *** مرّ فراقك ها مشكاي عزّي و غلاي *** ها روحي و عقلي و هناي دايا ودواي *** و إنتي مرضي و اِنتي شفاي طالب مولاي *** يرويني من بعد ضماي تبدي بحذاي *** وعليك يحلى قولي وغناي تبرد لغشاش *** كان نسيتي ما ننساش مرّ فراقك ********** مشني ناسيك *** ها للّة مشني ناسيك متولّع بيك *** في قلبي ما معاك شريك روحي تبغيك *** و ديما غنايا كان عليك ربّي يهديك *** راعيني ونايا نراعيك ساعات نجيك *** لبلاصة وين نلاقيك كيف ما نلقاهاش *** نروّح ودموعي رشراش مرّ فراقك ********** ما ينطاڨ *** مرّ فراقك ما ينطاڨ حنظل ترياڨ *** لا يتعدّى ولا ينذاڨ دونك رقراڨ *** و غيمه دوّڨ دار رواڨ وحشك حرّاڨ *** خلّاني نمشي دقداڨ دمعي دفّاڨ *** و هاذاكه حال العشّاڨ لا لقيت رفاڨ *** و نوصل بيه ومضحك شلهاڨ ثنيته تضياڨ *** ومسرب ما يجيبه سوّاڨ زعمه وقتاش *** نشبح بو محزم نقراش مرّ فراقك ********** ما يترام *** مرّ فراقك ما يترام ظلمة وظلام *** وحنظل ما تعدّيه اِفّـــــام كان التّخمام *** و من وحشك طالوا الأيّام ننشد حوّام *** و فاقدها صاقل الأبسام ريمة لريام *** و هزّوها من غير دحام و كان عندي باش *** نلحق دهداني ما نزوزاش مرّ فراقك ********** قاتلني داك *** ها ريدي قاتلني داك شارق بهواك *** و نتمنّى عيوني تاراك و نبدى نا ويّاك *** وعطشان ونشرب من ماك مكحول حذاك *** عليّا ما عزّك وما غلاك حنّي بدواك *** و جيتك باللّي خلقك و نشاك يسهّل في خطاك *** و ها مبرك ليلة ملقاك المكتوب نفاك *** بعدتِي وليس يسامح باباك و ناي عقلي طاش *** فيّا وحشك ما خلّاش مرّ فراقك