ဆာလံ ၁၄၄ သီချင်း скачать в хорошем качестве

ဆာလံ ၁၄၄ သီချင်း

ငါ၏ကျောက်ဖြစ်သော ထာဝရဘုရားသည် မင်္ဂလာရှိ၏ ငါ့ကို သွန်သင်တော်မူ၏ ငါ့ကိုသနားသောသူ၊ ငါ၏ရဲတိုက်၊ ငါ့ကိုကယ်လွှတ်သောသခင်၊ ငါ၏အကွယ်အကာ ထိုဘုရားသခင်ကို ငါကိုးစား၏ အိုထာဝရဘုရား၊ ကိုယ်တော်၏ မိုဃ်း ကောင်းကင်ကို ညွှတ်၍ဆင်းသက်တော်မူပါ။ တောင်တို့ကို တို့တော်မူပါ။ သူတို့သည် မီးခိုးထွက်ကြပါလိမ့်မည်။ အိုဘုရားသခင်၊ ရှေ့တော်၌ အသစ် သော သီချင်းကို ဆိုပါ၏ ကြိုးဆယ်ပင်ရှိသော တုရိယာ နှင့် ထောမနာသီချင်းဆိုပါ၏။ အောင်မြင်ရသောအခွင့်ကို ရှင်ဘုရင်တို့အား ပေးတော်မူ၏။ ကိုယ်တော်၏ ကျွန်ကို ဆိုးသော ထားဘေးနှင့် ကင်းလွတ်စေတော်မူ၏။ တကျွန်းတနိုင်ငံသားတို့၏လက်မှ၊ အကျွန်ုပ်ကို နှုတ်ယူ၍ ကယ်တင်တော်မူပါ။ သူတို့၏နှုတ်သည် မုသာ စကားကို ပြောတတ်ပါ၏။ သူတို့၏လက်ျာလက်သည် လည်း လှည့်စားတတ်သော လက်ဖြစ်ပါ၏။ Chorus အကျွန်ုပ်တို့၏သားတို့သည် အရွယ်ပျိုစဉ်တွင်၊ ကြီးပွါးသော ပျိုးပင်ကဲ့သို့၎င်း၊ သမီးတို့သည် ဘုံဗိမာန် နည်းတူထုသော တိုက်ထောင့်ကျောက်တိုင်ကဲ့သို့၎င်း ဖြစ်ကြပါ၏။ အကျွန်ုပ်တို့၏ ဘဏ္ဍာတိုက်တို့သည် အစား အသောက်အသုံးအဆောင်များနှင့်ပြည့်စုံ၏ သိုးတို့ သည် ပြင်အရပ်တို့၌ ထောင်အသောင်းမွေးဘွား၏ နွားတို့သည်လည်း ကြီးပွါးများပြားခြင်း ရှိပါ၏။ အနိုင်အထက်ဝင်ခြင်းမရှိ။ သိမ်းသွားခြင်းမရှိ။ လမ်းတို့၌ ကြွေးကြော်မြည်တမ်းခြင်းမရှိပါ။ ထိုသို့နေသော လူမျိုးသည် မင်္ဂလာရှိပါ၏။ ထာဝရဘုရားသည် အကြင်လူမျိုး၏ဘုရားသခင်ဖြစ်၏။ ထိုလူမျိုးသည် မင်္ဂလာရှိပါ၏။