මහමෙව්නාව අනගාරිකා අසපුව | Mahamevnawa Anagarika Monastery-Muthugala,Dambadeniya | Travel скачать в хорошем качестве

මහමෙව්නාව අනගාරිකා අසපුව | Mahamevnawa Anagarika Monastery-Muthugala,Dambadeniya | Travel

මහමෙව්නාව අනගාරිකා අසපුව | Mahamevnawa Anagarika Monastery-Muthugala,Dambadeniya | Travel මහමෙව්නාවේ සදහම් ප‍්‍රචාරයත් සමග ගිහි ගෙයින් නික්ම ගෞතම බුදු සසුනෙහි පිළිවෙත් පුරනු කැමති කුලදියණියන් පිරිසක් බිහිවිය. ඔවුන් වෙනුවෙන් පූජ්‍යපාද කිරිබත්ගොඩ ඤාණානන්ද ස්වාමීන් වහන්සේගේ අනුශාසනා මත "මහමෙව්නාව අනගාරිකා අසපුව" ඉදිවිය. සැදැහැති දානපතියෙකු වූ චන්දන සිරිසේන මහතාගේ ධන පරිත්‍යාගයෙන් දඹදෙණිය නගරයේ මුතුගල නම් ගමෙහි පොල් රුකින් සෙවණ වූ බිම්කඩක අනගාරිකා මෑණියන් වහන්සේලා 05 නමකගෙන්, කුඩා බුදු මැදුරකින්, කුඩා දාන ශාලාවකින්, කුටි 02 කින් 2003 සැප්තැම්බර් මස 10 දින මුල්වරට අනගාරිකා අසපුව ආරම්භ විය. ලොවට භික්ෂුණී සංඝයා බිහිවූ බිනර පෝදින සමාරම්භ වූ අනගාරිකා අසපුව එදා මෙදා තුර දියණියන් 91 දෙනෙකුට සසුන් උණුසුම සපයමින් දහම් මග වඩන්නට උපකාර කරයි. මෙම පුණ්‍ය භූමිය තුළ උතුම් රහත් මුනිවරුන්, රහත් මුනිවරියන් සුවඳ මල් දෝත දරා සිටින, සිව්වරම් දෙවිවරුන් සිව් දිශාවෙන් රැකවල්ලා, දෙවඟනන්, සසුන් සුරකින දෙවියන් රන් රුවින් බබළන අප ගෞතම මුනිඳුන් වන්දනා කරන්නට අහසේ රැස්වී සිටිනයුරින් සිතුවම් කළ මනරම් විහාර මන්දිරයක් ඔබට දැකගත හැකිය. එසේම ශාක්‍ය දුහිතෘ භික්ෂුණී සංඝයාගේ පුරෝගාමී වූ මහා ප‍්‍රජාපතී ගෞතමී මහ රහත් තෙරණින් වහන්සේගේ ධාතුන් රැඳුණු කරඬුව සහිතව, ඒ තෙරණියගේ ප‍්‍රතිමාවකින් හා ලක්දිවට භික්ෂුණී සංඝයා රැගෙන ආ හෙළකතුන්ගේ කල්‍යාණ මිතුරිය වූ සංඝමිත්තා තෙරණියගේ ප‍්‍රතිමාව සහිත ප‍්‍රතිමා ගෘහයක්ද ඇත. ගෞතම බුදුරජුන්ගේ නිල් බුදුරැස් විහිදුවමින් වැඩසිටි අභිනීල ධාතූන් වහන්සේලා නිධන් කොට අභිනවයෙන් තැනවූ ස්වර්ණමාලී සෑරජුන් අසපු භූමියේ විරාජමානව බැබළේ. පුන් පොහෝ දින දහස් ගණනකින් යුතු සැදැහැවතුන්ට ධර්ම ශ‍්‍රවණය පිණිස සුවිශාල ධර්ම ශාලාවකින් යුතුය. පොහෝ දිනට පමණක් නොව පෙරකල මෙන් සතර පොහෝ දිනයන්හීද සැදැහැවතුන්ට උපෝසථ සිල් රකිමින් දහම් වැඩසටහන් වල යෙදෙන්නට මෙහිදී අවස්ථාව සලසා ඇත. ගිහිදිවිය ගත කරන එනමුදු දහමේ හැසිරෙන්නට බොහෝ සෙයින් ආසා ඇති වැඩිහිටි මාතාවන්ට, තරුණ දියණිවරුන්ට වරකට 15 දෙනෙකුට සතියක් නේවාසිකව ධර්මය ශ‍්‍රවණය කරන්නට, බණ භාවනා ඉගෙනීමට අවස්ථාව ඇත. මීට වසර බොහෝ ගණනකට පෙර රෝපණය කරන ලදුව අතුපතර විහිදී විරාජමානව වැඩවසන ඉපැරණි බෝධිරාජයාණන් වහන්සේ නමක් වැඩවසන අතර ඒ වටා අභිනවයෙන් බෝධි ප‍්‍රාකාරයක් ඉදිවෙමින් පවතී. එමෙන්ම දුරබැහැර සිට පැමිණ දානමාන පූජා කිරීමට රිසි පින්වතුන් හට සුවසේ දානය පිළියෙල කළ හැකි මුළුතැන්ගෙයක් සහිත දාන ශාලාවක්ද ඉදිකර ඇත. අනගාරිකා අසපුව ආරම්භ වී ගත වූ වසර 19 පමණ කාලය තුළ දඹදෙණිය, උඩුපිල, මාවතගම, අනුරාධපුරය, කඩුගන්නාව, වරකාපොල, කුලියාපිටිය, කිඹුලාපිටිය, හලාවත, හක්මන සහ කෝට්ටේ යන ප‍්‍රදේශවල අනගාරිකා අසපු ශාඛා 11 ක් මේ වන විට බිහිවී තිබේ. #srilanka #travel #mahamewnawa #buddhism #thailand