Rəsul Rza - Məktublar silsiləsi səndən скачать в хорошем качестве

Rəsul Rza - Məktublar silsiləsi səndən

Şeir: Rəsul Rza - Məktublar silsiləsi səndən Biraddımla'ya YouTubeda abunə olmaq: https://bit.ly/3gsJpm1 Biraddımla'nın sosial şəbəkə ünvanları: Instagram: https://bit.ly/3gsKkms Facebook: https://bit.ly/3GoODKl TikTok: https://bit.ly/3r3sAHt Telegram: https://bit.ly/3unQMn8 E-poçt: [email protected] RƏSUL RZA - MƏKTUBLAR SİLSİLƏSİ SƏNDƏN Dünən küləkdi yenə. Bakı xəzrisi çapqın edirdi karvan kəsən bədəvi kimi. Ağaclar əsirdi əsim-əsim. Bu gün hava sakitdir. Nə ünüm yetir sənə, nə səsim. Fikrindən yata bilmirəm. Nə qədər sualım var, nə qədər gənəşiyim. Elə bil dar bir qəfəsdir geniş evim. Yaz görüm başağrın necədir? Ürəyin necədir? Sakit gecədir, Ay gəzir buludlar arxasında. Gah görünür, gah gizlənir. Elə bil qəm çırağıdır. Hardasa bizdən uzaq, bizdən hündürdə hava seli buludları dağıdır. Buludlar axıb gedir göy üzü təmizlənir. Ondördgünlük ay yayıb dənizə tellərini. İndi kim isidir əllərini? Sən çox üşüyənsən, axı; əllərin illah… Ulduzları saldım yola. Pəncərəmi açdım tay-tay. Səhər atıldı otağıma. Bəlkə səhərlə gəldin dedim. Sevdiyin yasəməni paltarımı geydim. Yollara baxdım; baxdım yorulunca. Baxdım, gözlərim göynəklə dolunca. Qabaq-qarşı on mərtəbə bina Qurtardı bu günlər. Neçə ailə köçdü neçəsi köçür, köçəcək. Pəncərələrə günəş tökülüb lopa-lopa, çiçək-çiçək. Baxıram adamlara üzlərində nələr yazılıb, nələr. Kimi illərin darısqallığında gəlib kimi üçü beş eləyib. Kimi neçəncidir, belə köçhaköç eləyib. Çoxu iş adamıdır; köçü də bir-iki bağlama. Gör nələr gəlir, nələr gəlir ağlıma. O gün olaydı nə mənzil dərdi qalaydı, nə güzəranlıq dərdi. Nə ayrılıq, nə ölüm olaydı, Nə qayəmizə yaraşmayan ayrı-seçki, bölüm olaydı. Sevinc də, səadət də həm ümumi olaydı, həm fərdi. Dünya neçə gün olsa da qara olmayaydı. Sevinc çimdik-çimdik, səadət xırda, irmik ümid tikə-para olmayaydı. Sahil parkını sən görməmisən. Görəydin nə ürəyə yatımlı, nə könülə xoşdur. Sıra ağacların kölgəsi uzanıb sahil boyu, sanki dənizin nəğməsindən sərxoşdur. Sənə kimdən deyim, qonşumuzun qızı Tərgüldən. Yadındadırmı kuklasının paltarına naxış salardı nöqtə, vergüldən. Bauman institutunu qurtarıb gəlib. Təyin kağızı İrkutskadır. Eh, əzizim, arzu nə sonsuz, ömür nə qısadır. Bu qısa ömrü də ayrılıq doğrayanda parça parça, hövlümdən az qalıram öz-özümdən qaçam. Bu da mümkün deyil. Söykək olur dözüm mənə. Nə sözün var, kağızla yox, bəsdir, gəl, de özün mənə. “…Rəsul Rzanın atası İbrahim kişi kənddə mirzəlik və xırdavatçılıqla dolanırmış. İbrahim əyalətdə — Göyçayda yaşaya-yaşaya rusca təhsil ala bilmişdi, gözüaçıq bir insan idi və kəndin bütün yazı-pozu işləri onun qələmindən keçdiyindən elə camaat arasında da Mirzə İbrahim kimi məşhurlaşmışdı. Rəsul altı yaşındaykən atasını itirdikdən sonra dayısı Hüseyn Rzayevin himayəsində yaşayaraq onun soyadını götürür, soyadı sonacan «Rza» qalsa da, əslində familiyası Məmmədxanlı idi. Rəsul Rzanın doğum tarixi haqda dəqiq məlumat yoxdur. O, özünün tərcümeyi-halında yazır: “Deyilənə görə, mən 1910-cu ildə mayın 19-da anadan olmuşam. Deyilənə görə deyirəm, çünki bu tarix düzgün olmaya bilər. Anadan olduğum ili və günü babam əlyazması ilə Quranın səhifələrindən birində qeyd edibmiş. Babamı dəfn edən zaman (mənim onda üç-dörd yaşım olardı) Quran yoxa çıxıb”. Rəsul Rzanın anasının şairlik təbi varmış. Oxumağı bilirmiş, ancaq yazmağı yoxmuş. Şeirləri sinədən deyirmiş. Rəsul Rza bu haqda yazır: “İndi yaddaşımın səhifələrini varaqladıqca mən bir daha inanıram ki, mənim könlümə şeirə olan məhəbbətimin ilk qığılcımlarını anam atmışdır. Anam məndə klassik poeziya xəzinəsinə, həm də xalq yaradıcılığına dərin hörmət hissi tərbiyə etmişdir”. Rəsul Rza uşaq vaxtı həm oxuyurmuş, həm də anasına kömək edirmiş. Məktəbdə oxuduğu zamanlar həm də kitabxanada işləyirmiş. Gəncədə texnikuma qəbul olunandan sonra isə oxumağa gedə bilmir. Anasının yanına qayıdır. Evdə onun köməyinə ehtiyac varmış… Rəsul Rza dilimizə yeni sözlər də gətirib. “Çimərlik”, “İşıqfor”, “Çilək” və s. Eyni zamanda Anar sözünü də o yaradıb və oğluna ad kimi qoyub. Bildiyiniz kimi, bu söz dilimizin “anmaq” felindən götürülüb. Anar bu gün Azərbaycanda ən çox qoyulan adlar siyahısındadır…” #rəsulrza #resulrza #məktublarsilsiləsisəndən #mektublarsilsilesisenden #sabirmemmedov #sabirməmmədov #şeir #şair #poeziya #ədəbiyyat #ədib #musiqi #sənət #biraddimla #biraddimlayol