Duzadavamlı ağac əkini ilə torpaq münbitliyinin yaxşılaşdırılması скачать в хорошем качестве

Duzadavamlı ağac əkini ilə torpaq münbitliyinin yaxşılaşdırılması

Aqro İnformasiya Mərkəzinin həyata keçirdiyi “İqlim Dəyişikliyinə uyğunlaşma” layihəsi çərçivəsində şoranlaşmış, o cümlədən də eroziyaya uğrayan torpaqları bərpa etmək məqsədi ilə duzadavamlı ağaclar əkilir. Payız aylarında həmin ağacların toxumları tədarük edilir. Yəni, noyabr, dekabr aylarında toxumlar yığılır və qurudulur. Toxumlar həm payızda, həm də erkən yazda torpağa səpilir. Bu proses xüsusi metodla həyata keçirilir. AİM-in təlimatçısı Yasir Həsənov: “Biz səpini apardıqda toxumları 5 sm torpağın dərinliyinə qoymaqla üzərini narın, ələnmiş torpaqla örtürük. Və arxasınca suvarma aparırıq. Tam bitiş gün qızdıqca, tam bitiş əldə olduqda onu alaq otlarından təmizləyirik, vaxtlı-vaxtında suvarılmasını aparırıq.” Səpilən toxumlardan bir ildən sonra bir metr hündürlükdə tinglər əmələ gəlir. Həmin tinglər tam yararsız və eroziyaya uğrayan torpaqlara köçürülür. Artıq qısa müddət ərzində Ağcabədi, Beyləqan, Zərdab rayonlarının 42 kəndində 352 fermer STM texnologiyaları uğurla tətbiq edilmişdir. Hazırda 92 ha sahədə salınmış meşə və meşə zolaqlarında 94000 çox duzadavamlı ağac becərilir. 14 kənddə 0.64 ha sahədə 30 tinglik sahəsi salınmışdır. Aqronom bildiri ki, duzadavamlı ağacların əkini gələcəkdə fermerlərin torpağının yararlı vəziyyətə gəlməsini, həm də bu günkü proseslərin iqlim dəyişikliyinin təsirlərinin azaldılmasında qismən də olsa öz töhfəsini verir. Duzadavamlı ağaclar göyüş, ağcaqayın, iydə, akasiya, şeytan ağacı (Honey Locust), safora, nar və Xan çinarıdır.