“UÇK bashkëpunoi me CIA-n”, Klosi e thotë hapur: Shqipëria i pajiste me armë e pasaporta скачать в хорошем качестве

“UÇK bashkëpunoi me CIA-n”, Klosi e thotë hapur: Shqipëria i pajiste me armë e pasaporta

Pas protestës në mbështetje të krerëve të UÇK-së të zhvilluar të premten, më 17 tetor në Tiranë, vëmendja publike është rikthyer sërish te historia e luftës çlirimtare të Kosovës dhe mënyra se si ajo është trajtuar në arenën ndërkombëtare. Në këtë kontekst, emisioni “Opinion” në Tv Klan solli mbrëmjen e kësaj të marte një debat të gjerë mbi dëshmitë e dyshimta që, sipas të ftuarve, kanë ndikuar në perceptimin dhe drejtimin e ngjarjeve historike të asaj periudhe. I ftuar në studio, ish-kreu i Shërbimit Informativ Shtetëror, Fatos Klosi, dha një seri deklaratash të forta, duke pohuar se CIA ka qenë në dijeni të plotë për veprimtarinë e Ushtrisë Çlirimtare të Kosovës që në fazat e para të organizimit të saj. Klosi zbuloi se takimi i parë mes përfaqësuesve të UÇK-së dhe përfaqësuesit të shërbimit sekret amerikan është zhvilluar pikërisht në ambientet e SHISH-it në Tiranë, ndërsa ndau edhe tre kushtet kryesore që CIA u kishte vendosur çlirimtarëve kosovarë: mospërfshirja në krim dhe trafikime, përqendrimi i veprimeve vetëm brenda territorit të Kosovës dhe refuzimi i ndihmave nga organizata islamike. Blendi Fevziu: Takimi i parë i përfaqësuesve të UÇK-së dhe shefit të shërbimit amerikan në Tiranë është bërë në zyrat e SHISH dhe përse ishte ky takim? Fatos Klosi: Ishte për t’u njohur normale. Isha njohur unë më përpara. Ishin dy përfaqësues të UÇK-së dhe shefi i shërbimit sekret amerikan. Që në fillim i quajtën çlirimtarë dhe vura re që kishte një diferencë të madhe të opinionit të CIA-s dhe asaj që u detyrua të mbante departamenti. Blendi Fevziu: Pra CIA që në fillim ishte e informuar për atë se çfarë ndodhte në UÇK? Fatos Klosi: Po ishte në dijeni që në fillim. U diskutua dhe u bë e qartë që në fillim, që financimi mos kishte të bënte me krimin dhe trafiqet, sepse kishin njerëz dhe korridore të hapura që ne nuk i kemi pasur. Premtimet ishin të tilla që në fillim, që nuk kemi financime të tilla, por nga Kosovarët që janë në mërgim. E dyta ishte problemi i madh i faktit që të mos quheshin terroristë, nuk duhet të kishte asnjë vepër luftarake jashtë Kosovës. Blendi Fevziu: Pra shqetësimi ishte që këta mund të ndërmerrnin ndonjë akt terrorist në Beograd ose në rrugë të tjera. Në Kosovë ishte luftë çlirimtare, jashtë Kosovës kjo i tejkalonte kufijtë e luftës çlirimtare. Fatos Klosi: E treta ishte që të mos kishte pranim të ndihmave nga komuniteti islamik. Blendi Fevziu: Që ka koha që ju keni ndjekur luftën e çlirimtarëve të Kosovës, CIA kishte ndonjë pakënaqësi për krerët e UÇK-së? Fatos Klosi: Absolutisht asnjë. CIA është takuar me të gjithë drejtuesit e UÇK-së. Klosi vuri në dukje gjithashtu mbështetjen e Shqipërisë, jo vetëm në aspektin logjistik dhe të furnizimit me armë, por edhe përmes pajisjes së disa pjesëtarëve të UÇK-së me pasaporta shqiptare, për të lehtësuar lëvizjen e tyre në Europë. Blendi Fevziu: Nga furnizohej me armë UÇK-ja? Fatos Klosi: Kryesisht nga Europa. Blendi Fevziu: Përmes territorit shqiptar? Fatos Klosi: Po sigurisht! Në fillim nuk ishin kanale zyrtare, patëm probleme me policisë sepse i ndalonte, ndërkohë që e dinin se çfarë ishin. Në kontribuuam që policia mos i ndalonte. Makinat e përdorura të ushtrisë zvicerane i përdorëm me targa të ushtrisë shqiptare për transportin e armëve. Ka pasur raste të krerëve të UÇK-së që kanë dalë dhe në Europë. Vinin në Shqipëri dhe fluturonin për në Europë. Blendi Fevziu: A është e vërtetë që ata janë pajisur në disa raste me pasaporta të vendeve anëtare të BE, për lëvizje ilegale? Fatos Klosi: Jo këtë nuk e di. Ata lëviznin me pasaporta shqiptare. Protesta por krerëve të UÇK-së që u mbajt të premten 17 tetor në Tiranë u bë jehonë e mediave ndërkombëtare. Ngjarja, e organizuar nga komuniteti i ish-pjesëtarëve të UÇK-së, pati për synim të bënte thirrje për drejtësi për ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi, aktualisht të burgosur në Hagë. Emisioni “Opinion” në Tv Klan fokusohet pikërisht tek dëshmitë false. Me fakteve konkrete synohet të jepet një panoramë e qartë se asaj që dëshmon se çlirimtarët e Kosovës po mbahen me pa të drejtë në paraburgim në Hagë. Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #Opinion #BlendiFevziu #TVKlan