Lungchhuan KPP: Chhanchhuahin ka awm leh thin скачать в хорошем качестве

Lungchhuan KPP: Chhanchhuahin ka awm leh thin

CHHAN CHHUAHIN KA AWM LEH THIN. Phuahtu: James Lalzarzoliana Kum 2013 khan New Delhiah fate zirna avangin chhungkuain kan in bengbel ve tana. Harsatna tam tak pal tlangin din hmun sang zawk beiseiin eizawnna ah kan tlana, min hmangaihtuten phal takin an sum leh pai kan dil pawh ni miah lovin min hman tir a. Plastict injection molding machine leiin production neih dan turah kan leina ten min buma, chawlh san leh a lo ngai a, kan chhungkua chu kan chhe ta vek ti ila a dik ber awm e. Chutianga kan chet sual takah chuan inluah man tur takngial pawh kan nei dawn lo ta mai a. Ka nupui fanaute ka ko khawma, kan dinhmun chhiat zia ka hrilh ta veka. Kan dinhmun harsatna hi tuna sawi vek sen a ni lo, kan mualpho chu a ni tan mai. Thian tha te leh Kohhran Committee leh Kohhran hmeichhia ten min awi nung leh a ni ber mai. Chutih laia ka mangan na chu a nasa hle. Pathian kan bel a, kan au va, A mahah kan in nghat tlata, tichuan chhungkuain chhuat daiah thingthi kualin Pathian kan au thin. Lalpa hi a van tha tak em! Vawiin ni thleng hian inluah man pek tur kan nei a, ei leh in tur hniang hnar tak kan la nei ve zel thei hi Lalpa malsawmna kan dawn vek a ni a. Sawi sen a ni lo, harsat manganna mi ramah kan tawka, tih tak zeta chhungkuain Pathian kan auh thin chuan a tawp a tawpah kan harsatna atangin chhan chhuahin kan awm leh thin. Chutianga kan dinhmun harsatna atang chuan he hla hi kum 2019 khan a lo piang chhuak ve ta a. He hla hmang hian miten Pathian lo hnaih se tih hi ka duh dan a ni e. He hla hi a duh apaing tan Lalpa ropui nan a thlawnin a Copy leh Music Tract kan pe thei reng e. James Lalzarzoliana, J&M Homestay(New Delhi & Aizawl): 9999137741