ကောလင်းမြို့ကို စစ်အုပ်စုက မီးရှို့ဖျက်ဆီးနေပြီး မြို့ရဲ့ (၈၀)ရာခိုင်နှုန်း ပြာကျ၊ скачать в хорошем качестве

ကောလင်းမြို့ကို စစ်အုပ်စုက မီးရှို့ဖျက်ဆီးနေပြီး မြို့ရဲ့ (၈၀)ရာခိုင်နှုန်း ပြာကျ၊

ကောလင်းမြို့လုံးကျွတ်နဲ့ မြို့ပတ်လည် ရွာ(၂၀)ကျော်က ပြည်သူတွေ ထွက်ပြေးနေရ၊ ရဲလေး/MFP ၊ ဖေဖေါ်ဝါရီ - ၂၄ စစ်ကိုင်းတိုင်း၊ ကောလင်းခရိုင်၊ ကောလင်းမြို့ကို စစ်အုပ်စုက ပြန်လည် သိမ်းယူပြီးနောက် ဖေဖေါ်ဝါရီ (၁၂)ရက်က စလို့ နေအိမ်တွေကို ဖောက်ထွင်းကာ တန်ဘိုးကြီး ပစ္စည်းတွေ ခိုးယူသယ်ထုတ်ပြီးနောက် မီးရှို့ဖျက်ဆီးနေတယ်လို့ ဒေသခံ သတင်းရင်းမြစ်တွေက ပြောပါတယ်။ စစ်အုပ်စုဟာ ကောလင်းမြို့တွင်းက အထပ်မြင့် အဆောက်အဦးတွေမှာလည်း နေရာယူထားပြီး မြို့ကို မီးရှို့ရာမှာ အဲ့ဒီ အထပ်မြင့်တွေအနီး PDF တွေ ဝင်လာနိုင်တဲ့နေရာတွေကို အဓိကထား မီးရှို့ဖျက်ဆီးတာလို့ ကောလင်းမြို့နယ် ပြည်သူ့ကာကွယ်ရေးအဖွဲ့ - ပကဖ အဖွဲ့ဝင်တစ်ဦးကပြောပါတယ်။ ထီးချိုင့်မြို့ကို မီးရှို့ဖျက်ဆီးခဲ့တဲ့ ပုံစံမျိုးနဲ့တပုံစံထဲ လုပ်နေတာလို့ မြို့နယ် ပကဖအဖွဲ့ဝင်က ဆိုပါတယ်။ "မြင်ကွင်းရှုပ်တဲ့ နေရာတွေကို မီးအကုန်ရှို့ပစ်နေတာ။ နေအိမ်တွေက ပစ္စည်းတွေကိုလည်း ဝန်းသိုတပ်ရင်းဘက်ကို သယ်ထုတ်နေတာ။ပစ္စည်းတွေသယ်ထုတ်ပြီးမှ မီးရှို့တာ"လို့ မြို့နယ် ပကဖ အဖွဲ့ဝင်က ပြောပါတယ်။ စစ်အုပ်စု မီးရှို့ဖျက်ဆီးလို့ ကောလင်းမြို့ရဲ့ (၈၀)ရာခိုင်နှုန်း မီးလောင်ပြာကျ ပျက်စီးသွားပြီ ဖြစ်ပြီး မြို့ပတ်လည်က ရွာတွေကိုလည်း စစ်အုပ်စုက မီးရှို့ဖျက်ဆီးနေတယ်လို့ ကောလင်း တော်လှန်ရေးအဖွဲ့ - Kawlin Revolution - KR Teams က ဆိုပါတယ်။ "မီးလောင်တဲ့ ရပ်ကွက်က မြိုပေါ် (၈)ရပ်ကွက် အကုန်လောင်ပါတယ်။ ကံကောင်းပြီး ကျန်ရင် နည်းနည်းပါ။ ပြီးတော့ မြို့နားကပ်တဲ့ ရွာတွေဖြစ်တဲ့ ကျွန်းလှခုံ၊ ခွင့်တောင်း၊ လက္ပံကွေ့၊ ကျူတော၊ရွာမ၊စံတော်ရာကုန်း၊ ဆေးမင်းခုံ၊ ဆိုင်ဒူး၊ ဝါးရုံခုံ၊ ဇီးခုံ သည်ရွာတွေဟာ မီးလောင်ထားတဲ့ရွာတွေပါ။ .....။ မြို့က ဘယ်လောက်ထိ ပျက်စီးသွားပြီလဲ ဆိုရင် နောက်ဆုံးရထားတဲ့သတင်းအရ (၈၀)ရာခိုင်နှုန်း ပျက်စီးနေပြီ။ ပြီးတော့ အကုန်လုံးနီးပါး ပြာကျနေပြီလို့ပဲ ပြောရတော့မယ်" လို့ KR - Teams က ဆိုပါတယ်။ လက်ရှိမှာ ကောလင်းမြို့ကို စစ်အုပ်စုကထိန်းချုပ်ထားပြီး တော်လှန်ရေးတပ်တွေဆုတ်ခွာထားကာ တိုက်ပွဲလည်း တခြားနေရာမှာ ဖြစ်နေတာမို့ ကောလင်းမြို့တွင်း တိုက်ပွဲတွေ ရပ်နားနေတယ်လို့ ဆိုပါတယ်။ မြို့တွင်းတိုက်ပွဲတွေ ရပ်နားနေပေမယ့် စစ်အုပ်စု ရှိတဲ့ နေရာတွေကို တော်လှန်ရေးတပ်တွေက ဒရုန်းနဲ့ ဗုံးကျဲတိုက်ခိုက်တာတွေတော့ ရှိတယ်လို့လည်း ဒေသခံ တော်လှန်ရေး အင်အားစုတွေက ဆိုပါတယ်။ ကောလင်းမြို့ကို စစ်အုပ်စုက ပြန်လာတိုက်ခိုက်တဲ့ ဖေဖေါ်ဝါရီလဆန်းက စလို့ ကောလင်းမြို့လုံးကျွတ်သာမက အနီးဝန်းကျင် ရွာ (၂၅)ရွာက ပြည်သူတွေ စစ်ဘေးရှောင် ထွက်ပြေးနေရတယ်လို့ KR-Teams က ဖော်ပြပါတယ်။ "စစ်ရှောင်ရတဲ့ ရွာတွေကရော ဆိုရင်မီးလောင်ထားတဲ့ ရွာတွေ အပါအဝင် စစ်ရှောင်ရွာ စုစုပေါင်း (၂၅)ရွာခန့် ရှိနေတယ်။ မြို့ပေါ်ရပ်ကွက်နေ ပြည်သူအပြင် ကျေးရွာ (၂၅)ရွာပေါင်း စစ်ရှောင် (၂၅,၀၀၀)ဝန်းကျင် ရှိလာတယ်။ ဖေဖေါ်ဝါရီ (၁)ရက် ကနေ စပြီး ရှောင်နေရတာ အခုဆို (၂၃)ရက်တိတိ ရှိလာပြီ ဖြစ်တယ်။ လမ်းကြော ပိတ်ဆို့မှုတွေကြောင့်လည်း စားနပ်ရိက္ခာ အခက်အခက်အခဲတွေ ရှိနေတယ်" လို့ KR - Teams က ဆိုပါတယ်။ အမျိုးသား ညီညွတ်ရေးအစိုးရ (NUG) ဦးဆောင်တဲ့ တော်လှန်ရေးတပ်တွေက စစ်ကိုင်းတိုင်းအတွင်း ပထမဆုံး သိမ်းယူနိုင်ခဲ့တဲ့ မြို့အဖြစ် ကောလင်းမြို့ကို ၂၀၂၃ နိုဝင်ဘာ(၆)ရက်မှာ သိမ်းယူခဲ့တာပါ။ အဲ့ဒီနောက် သုံးလအကြာမှာ စစ်အုပ်စုက ပြန်လည် တိုက်ခိုက်ပြီး ဖေဖေါ်ဝါရီ (၁၂)ရက်က စလို့ ကောလင်းမြို့ကို ပြန်သိမ်းယူသွားပြီး အခုလို မီးရှို့ဖျက်ဆီးနေတာလည်း ဖြစ်ပါတယ်။ #Mandalay_Free_Press_MFP