Қостанай облысы әлеуметтік-экономикалық дамуда нақты нәтижеге жұмыс істеп келеді скачать в хорошем качестве

Қостанай облысы әлеуметтік-экономикалық дамуда нақты нәтижеге жұмыс істеп келеді

Қостанай облысы әлеуметтік-экономикалық дамуда нақты нәтижеге жұмыс істеп келеді. Жыл басынан бері өңірде 24 мыңнан астам жаңа жұмыс орны ашылды. Бұл, халықтың әл-ауқаты артқанын білдіретін басты көрсеткіштердің бірі. Соның нәтижесінде атаулы әлеуметтік көмек алатын отбасылар саны 23 пайызға азайған. Мемлекет басшысы атап өткендей, экономиканың тірегі – өңдеу өнеркәсібіне басымдық беріліп отыр.Осы бағытта Қостанай облысы бүгінде республикада көш бастап тұр. Өңір машина жасау өндірісінің төрттен бірін қамтамасыз етіп отыр. ҚҰМАР АҚСАҚАЛОВ, Қостанай облысының әкімі: Машина жасауда көшбасшылық позицияны ұстап тұруға бізге ағымдағы жылы ашылған жаңа KIA зауыты мүмкіндік береді. Бұл Қазақстанның тәуелсіздік жылдарындағы ең ірі, стратегиялық жобалардың бірі, ол рекордтық қысқа мерзімде 1,5 жылда салынды. Оған қоса, кәсіпорында 1 500 адам жұмыс істейтін болады. Ірі жобалардың бірі шойын құю зауыты. Инвестиция көлемі 78 миллиард теңге, 500 адам жұмыспен қамтылды. Алдағы уақытта жүк көліктеріне арналған жетекші белдіктер зауыты іске қосылады. Тағы 650 жаңа жұмыс орны ашылмақ. Сонымен қатар, автокомпоненттер шығаратын кәсіпорын салынып жатыр. Металлургия саласында да серпін бар. Рудный қаласында ауқымды металлургиялық жоба басталып, өңірдің индустриялық әлеуеті күшейіп келеді. ҚҰМАР АҚСАҚАЛОВ, Қостанай облысының әкімі: Облыс кәсіпорындары өндіріске инновацияларды, цифрлық технологияларды белсенді түрде енгізуде және өнеркәсіптік роботтарды пайдалануда. Мәселен, 2025 жылы роботтардың саны 3 есеге артып, 133 өнеркәсіптік роботты құрады. Агроөнеркәсіп кешені өңір экономикасының маңызды саласы болып қала береді. Биыл салаға бөлінген қаржы артып, ауыл шаруашылығы өнімі тұрақты өсім көрсетті.Әлеуметтік салада да жүйелі жұмыс бар. Соңғы жылдары өңірде жаңа мектептер мен балабақшалар салынды. Инфрақұрылымдық жобалар да назардан тыс қалған жоқ. Арқалық қаласында әуежай құрылысы жүріп жатыр. Бұл өңірдің көлік және инвестициялық тартымдылығын арттырады. #Информбюро #31арна #БастыЖаңалықтар #Новости #31канал