光華教會讀經班【常用經文選讀】台語第063課20260304 скачать в хорошем качестве

光華教會讀經班【常用經文選讀】台語第063課20260304

本課(063)選讀經文：（詩33:18-22）(彼前1:8)(林後5:7)(約一4:19)(約一4:16)(弗1:13)(西1:27)(約一4:20)(約20:29)(詩2:12) ●影片使用說明： 課程：常用經文選讀3500節 １分鐘用詩篇經文做祈禱 ２分鐘聽讀常用經文一課 １分鐘在聖詩音樂中默禱 註：★號的經文，在本課程會多次出現，鼓勵背誦。（本課程★號經文共300節，☆後數字是經文背誦讀本的編號。） ●台語漢字經文： ●用詩篇做祈禱：詩篇第33篇第18～22節 上主的目睭看顧敬畏伊的人，眷顧仰望伊慈愛的人。《詩33:18》HTG 伊會救𪜶的性命脫離死亡，保存𪜶度過飢荒。《詩33:19》HTG 阮的心神聽候上主；伊是阮的幫贊，阮的盾牌。《詩33:20》HTG 阮的心欲因為伊來歡喜，因為阮倚靠伊的聖名。《詩33:21》HTG 上主啊，願你的慈愛施落互阮，因為阮仰望你。《詩33:22》HTG ●經文選讀《第63課》 恁雖然毋曾看著伊，嘛疼伊；現在無看見伊，猶久信伊。恁有用言語𣍐當表達極大的歡喜，《彼前1:8》HTG ★因為咱啲活，毋是靠目睭看，是靠信心。《林後5:7》HTG (☆161) ★咱著相疼，因為上帝有代先疼咱。《約一4:19》HTG (☆289) ★所以，咱知閣信上帝有疼咱。 上帝是疼，有啲實行疼的人踮佇上帝內面，上帝嘛踮佇伊內面。《約一4:16》HTG (☆288) ★通過基督，恁嘛有聽著真理的信息，就是彼個互恁得救的福音，彼時恁有信，上帝就賜恁所應允的聖神，給恁蓋印證明恁屬伊。《弗1:13》HTG (☆183) 上帝欲互𪜶知影，伊為著外邦人所準備的奧祕是偌呢豐富閣榮耀。此個奧祕是基督佇恁內面，伊是恁分享上帝榮耀的向望。《西1:27》HTG 若有人講「我疼上帝」，毋拘怨恨兄弟抑是姊妹，伊是白賊。因為，無疼有看著的兄弟抑是姊妹，哪會疼無看著的上帝。《約一4:20》HTG 耶穌給伊講：「你看著我才信噢？無看著來信的人真有福氣！」《約20:29》HTG 才免伊起性地，互恁佇路中滅亡，因為伊會隨時發受氣。尋上主做避難所的人真有福氣！《詩2:12》HTG ●Pe̍h-ōe-jī Keng-bûn：(台語白話字經文) ●Ēng Si-phian Chòe Kî-tó：Si-phian Tē 33 Phiⁿ Tē 18～22 Chat Siōng Chú ê ba̍k-chiu khòaⁿ-kò͘ kèng-ùi I ê lâng, koàn-kò͘ gióng-bōng I chû-ài ê lâng.《Si 33:18》RHT I ōe kiù in ê sìⁿ-miā thoat-lī sí-bông, pó-chûn in tō͘-kè ki-hng.《Si 33:19》RHT Goán ê sim-sîn thèng-hāu Siōng Chú; I sī goán ê pang-chān, goán ê tún-pâi.《Si 33:20》RHT Goán ê sim beh in-ūi I lâi hoaⁿ-hí, in-ūi goán óa-khò I ê sèng-miâ.《Si 33:21》RHT Siōng Chú ah, goān lí ê chû-ài si-lo̍h hō͘ goán, in-ūi goán gióng-bōng lí.《Si 33:22》RHT ●Keng-bûn Soán-tha̍k 《Tē 63 Khò》 Lín sui-jiân m̄-bat khòaⁿ-tio̍h I, mā thiàⁿ I; hiān-chāi bô khòaⁿ-kìⁿ I, iáu-kú sìn I. Lín ū ēng giân-gú bōe-tàng piáu-ta̍t ke̍k-tōa ê hoaⁿ-hí,《1 Pí 1:8》RHT ★In-ūi lán teh oa̍h, m̄-sī khò ba̍k-chiu khòaⁿ, sī khò sìn-sim.《2 Lîm 5:7》RHT (☆161) ★Lán tio̍h saⁿ-thiàⁿ, in-ūi Siōng-tè ū tāi-seng thiàⁿ lán.《1 Iok 4:19》RHT (☆289) ★Só͘-í, lán chai koh sìn Siōng-tè ū thiàⁿ lán. Siōng-tè sī thiàⁿ, ū teh si̍t-hêng thiàⁿ ê lâng tiàm tī Siōng-tè lāi-bīn, Siōng-tè mā tiàm tī i lāi-bīn.《1 Iok 4:16》RHT (☆288) ★Thong-kè Ki-tok, lín mā ū thiaⁿ-tio̍h chin-lí ê sìn-sit, chiū-sī hit-ê hō͘ lín tit-kiù ê hok-im, hit-sî lín ū sìn, Siōng-tè chiū sù lín só͘ èng-ún ê Sèng Sîn, kā lín khàm-ìn chèng-bêng lín sio̍k I.《Hut 1:13》RHT (☆183) Siōng-tè beh hō͘ in chai-iáⁿ, I ūi-tio̍h Gōa-pang-lâng só͘ chún-pī ê ò-pì sī jōa-ni̍h hong-hù koh êng-iāu. Chit-ê ò-pì sī Ki-tok tī lín lāi-bīn, I sī lín hun-hióng Siōng-tè êng-iāu ê ǹg-bāng.《西1:27》RHT Nā ū lâng kóng “Góa thiàⁿ Siōng-tè”, m̄-kú oàn-hūn hiaⁿ-tī á-sī chí-bē, i sī pe̍h-chha̍t. In-ūi, bô thiàⁿ ū khòaⁿ--tio̍h ê hiaⁿ-tī á-sī chí-bē, ná ōe thiàⁿ bô khòaⁿ--tio̍h ê Siōng-tè.《1 Iok 4:20》RHT Iâ-so͘ kā i kóng, “Lí khòaⁿ-tio̍h góa chiah sìn o͘h? Bô khòaⁿ--tio̍h lâi sìn ê lâng chin ū hok-khì!”《Iok 20:29》RHT chiah bián I khí sèng-tē, hō͘ lín tī lō͘-tiong bia̍t-bông, in-ūi I ōe sûi-sî hoat siū-khì. Chhē Siōng Chú chòe pī-lān-só͘ ê lâng chin ū hok-khì!《Si 2:12》RHT ●本影片經文採用《聖經：現代台語譯本漢羅版》台灣聖經公會2021年出版