Астанада 40-тан астам жаңа жылдық шыршаның шамы бір уақытта жағылды скачать в хорошем качестве

Астанада 40-тан астам жаңа жылдық шыршаның шамы бір уақытта жағылды

Астанада 40-тан астам жаңа жылдық шыршаның шамы бір уақытта жағылды. Осылайша, елордада қысқы думан ресми түрде басталды. Биыл қалалық әкімдік ұйымдастырған барлық іс-шаралар «Еrtегі Fest» бірыңғай концепциясы аясында өтеді. Жоба қала тұрғындары мен қонақтарына ертегі әлеміне еніп, қысқы атмосфераны сезінуге мүмкіндік береді. Астананың алты ауданның негізгі алаңдарында концерттер, ойын-сауық бағдарламалары мен мерекелік іс-шаралар ұйымдастырылды. Енді мұз айдындары, сырғанақтар мен фотоаймақтар қала тұрғындары үшін ашық. ӘЙГЕРІМ ТӨЛЕБЕКОВА, Астана қаласының тұрғыны: Сыйлықтар алдық. Қыздарымыз мәз болып ойнап жүр. Кәмпиттерге тойып алдық. Ұйымдастырушыларға көп-көп рахмет. Өте әдемі, өте қуаныштымыз. Жаңа жылдық безендірулер қаланың әр ауданында әртүрлі форматта ұсынылды. Нұра ауданында шыршалар 11 жерде орнатылды. Алматы ауданында шамдар төрт нүктеде жағылды. Есіл ауданындағы басты мереке ЭКСПО алаңы мен Астана Аренада өтеді. Ал Сарайшық ауданында 25 метрлік шырша «Қазақ елі» монументі маңында бой көтерді. ШҰҒЫЛА ҚҰДАЙБЕРГЕН, Астана қаласы «сарайшық» ауданы әкімінің орынбасары: Жалпы ауданымыз бойынша 14 нүктеде жаңа жылдық безендірулер орнатылды. Оның төртеуі негізгі алаңдар. Сонымен қатар, бес шеткі тұрғын алқапта да мерекелік аймақтар бар.+Биыл ерекше фотоаймақтар ұйымдастырылып, тұрғындарға сыйлықтар таратылды. Жаңа жылдық кешті тамашалау үшін Астанаға еліміздің өзге өңірлерінен де қонақтар келді. Солардың бірі Атыраудан арнайы келген Ниетқалиевтер отбасы. ЫРЫСТЫ НИЕТҚАЛИЕВА, Атырау қаласының тұрғыны: Осы Астананаың салынғанына 30 жыл болсада бірінші рет келуіміз. Қуаныштымыз өте. Мақтан тұтамыз осындай қаламыз барына біз өте қуаныштымыз. ЕРМЕКБАЙ ҚОЖАХМЕТОВ, Астана қаласының тұрғыны: Қаншама міне шамдар жанып жатыр. Атмосфера керемет деп ойлаймын. Бәрі жақсы. Көңіл-күй тұрғындардың керемет күшті. Көрініп тұр ғой түрлерінен.+Біздің Қазақстан мемлекетіміз гүлдене берсін. Тек қана бейбітшілік болсын, елімізге тыныштық бәрімізге тек қана денсаулық, аманшылық, қуаныш бәріміз аман болайық. Кешті отбасы болып қарсы алғандар да көп. Балаларын ертіп келген ата-аналар үшін бұл жай ғана серуен емес, ертегіге толы естелікке айналған сәт. ҚЫМБАТ ТОЙМАНОВА, Астана қаласының тұрғыны: Шыршаның жағылуына, безендірілуін көріп қайтсын деп, концертті көрейік деп балалармен келіп қалған жағдайымыз бар.+ Өте керемет бір ертегі әлеміне кіргендей болдық. Шынымды айтсам өте кермет, барлық персонаждарды да көріп жатыр балалар. Шыршаны да көріп жатырмыз. Өте керемет барлығы. Елордадағы жаңа жылдық мерекелер алдағы күндері де жалғасады. Қала тұрғындары мен қонақтарын концерттер, ойын-сауық бағдарламалары және қысқы ертегіге толы кештер күтіп тұр. #Информбюро #31арна #БастыЖаңалықтар #Новости #31канал