DD News Mizoram Chanchinthar | 7 November 2025 | 6:30 PM скачать в хорошем качестве

DD News Mizoram Chanchinthar | 7 November 2025 | 6:30 PM

Mizoram chhung leh ram hrang hrang a thil thleng te : 6:30 Local Lai Autonomous District Council Inthlanpui chu thla thar December ni 3 ah neih a ni dawn tih vawiin khan State Election Commissioner Pu H Lalthangliana'n a puang. Mizoram Larsap Gen. VK Singh leh Mizoram tlawha cham mek, IIMC Vice Chancellor Dr. Pragya Paliwal Gaur ten IIMC Aizawl Campus hmasawn theih dan tur an sawi dun. Chief Minister Pu Lalduhoma chuan vawiin khan North Khawbung centenary (kum 100 tlin lawmna) chu khuallian niin a hmanpui. MNF Legal Board chuan ZPM sawrkar chu dik lo taka Assam Rifles biak in hmun chhuhsak tumah puhin, an sorkarna hnuaiah Kohhranin, nek leh thuneihna hman khum a tawk mek niin an sawi. Dampa by-election neih tur MNF Official Candidate, Dr. R. Lalthanglianga chuan, MNF in Mizoram chhunga cheng hnam hrang hrangte tumah a en hrang ngai lo tih vawiina Silsury a Campaign kharna hunah a sawi. BJP Mizoram State President Dr. K. Beichhua chuan District hnufual chhunga awm Dampa bial ten hmasawnna hmu turin BJP MLA an neih ngei a ngai tih a sawi. School Education Minister Dr. Vanlalthlana chuan, India rama District hnufual chawikan ngai dinhmun atanga Mamit District khaichhuak turin Dampa bialin Ruling MLA an neih a ngai a ti. Central YMA President Pu R. Lalngheta chuan Mizoram chak lakna kawngpui pawimawh Sairang leh Vairengte inkar kawng chhe nasa lutuk enfiah turin naktuk khian Central YMA an thawkchhuak dawn tih a sawi. Ram chhung hmun dangte rualin Doordarshan Kendra Aizawlah pawh 'Vande Mataram' kum 150-na lawmna hman a ni. National 6:30pm 1) Prime Minister Narendra Modi chuan New Delhi-ah India Hnam Hla 'Vande Mataram' kum 150 tlin lawmna, kumtluana hman tur a hawng. 2) Vice President CP Radhakrishnan chuan ram hmasawnna atana tan la turin thalaite a fuih. 3) Bihar inthlanpui thawh khat naah vote zaa 64.66 a tla a, hei hi Bihar inthlan chanchin a vote tlak that ber tum a ni. 4) Nagaland-in state chhung district tinah tar enkawlna a hawng dawn. 5) Information and Broadcasting Minister of State Dr. L Murugan chuan Goa-a IFFI 2025 chu ramdangte nena inzawmna hmanrua a ni dawn tih a sawi. 6) India chuan Jamaica-a thlipui, Hurricane Melissa tuarte tan mamawh hrang hrang Ton 20-a rit a thawn. Follow DD Mizoram:   / ddnewsmizoram     / ddnews_mizoram     / ddnewsmizoram