Tv Klan - Rama takon Papa Leonin XIV скачать в хорошем качестве

Tv Klan - Rama takon Papa Leonin XIV

Kryeministri Rama, i shoqëruar nga bashkëshortja dhe djali i tyre, u prit këtë të enjte në një audiencë private nga Ati i Shenjtë, Papa Leoni i XIV, në Bibliotekën Papnore. Papa dhe Kryeministri kanë shkëmbyer dhurata, siç tregohet edhe nga pamjet e publikuara nga Selia e Shenjtë. Në njoftimin për shtyp të bërë nga Selia e Shenjtë thuhet se kryeministri shqiptar u prit në një takim edhe nga Shkëlqesia e Tij Kardinali Pietro Parolin, Sekretar i Shtetit të Shenjtërisë së Tij, i shoqëruar nga Shkëlqesia e Tij Arqipeshkvi Paul Richard Gallagher, Sekretar për Marrëdhëniet me Shtetet dhe Organizatat Ndërkombëtare. Ata kanë diskutuar marrëdhëniet e mira ekzistuese midis Selisë së Shenjtë dhe Republikës së Shqipërisë, dhe nuk kanë anashkaluar as diskutimet për situatën në Ballkanin Perëndimor, por edhe, siç thuhet në njoftimin e Vatikanit, për përparimin e Shqipërisë drejt integrimit të plotë në Bashkimin Evropian. Çifti kryeministror bëri homazhe edhe në varrin e Papa Françeskut, i cili u nda nga jeta rreth një vit më parë, në Bazilikën Papale “Santa Maria Maggiore”. Rama e quan Papa Françeskun mik të paharruar të Shqipërisë, por edhe të familjes së tij, i cili nuk harronte kurrë të lutej për popullin shqiptar dhe dërgonte mesazhet e tij të miqësisë. Vizita e kryeministrit në Vatikan nisi të mërkurën nga Genazzano, në bazilikën ku ndodhet shembëlltyra e Zojës së Këshillit të Mirë, e njohur edhe si Regina di Albania, Mbretëresha e Shqipërisë. Ikona e saj është e vendosur mbi një copë të shkëputur nga muri i kishës së Shkodrës në vitin 1467. Kryeministri ka bërë edhe një lutje në shqip përpara Zojës së Këshillit të Mirë, përpara së cilës kanë kryer lutjet e tyre thuajse të gjithë Papët e Romës, dhe një nga gjërat e para që bëri edhe Papa Leoni XIV sapo u zgjodh. “O Mari, Nënë e ëmbël e Këshillit të Mirë, kaq e dashur për bijtë e Shqipërisë në atdhe dhe jashtë atdheut! Sot po vijmë tek ti, edhe një herë, të ta besojmë popullin tonë, familjet tona, rininë tonë. Ti që je Zojë e Shkodrës dhe e mbarë Shqipërisë, na udhëhiq në rrugën e së mirës, na jep dritë në dyshime dhe ngushëllim në provat e jetës. Nën mbrojtjen tënde kërkojmë strehë, o Virgjër e bekuar. Mbroje Shqipërinë, ndriço mendjet tona dhe na bëj të jemi gjithmonë besnikë ndaj Birit tënd, Jezusit. O Zoja e Këshillit të Mirë, lutu për ne!” Tv Klan SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/