NUG အစိုးရအခုထက် ပိုအား​ကောင်း​အောင်ဘာ​တွေလုပ်သင့်လဲ| People's Spring скачать в хорошем качестве

NUG အစိုးရအခုထက် ပိုအား​ကောင်း​အောင်ဘာ​တွေလုပ်သင့်လဲ| People's Spring

NUG အစိုးရအခုထက် ပိုအား​ကောင်း​အောင်ဘာ​တွေလုပ်သင့်လဲ ​နေ့သစ်/People's Spring လ​ပေါင်းများစွာ ပြုပြင်​ပြောင်းလဲ​​ရေးသတင်း​တွေထွက်ခဲ့တဲ့ အမျိုးသား ညီညွတ်​​ရေးအစိုးရ (NUG)ရဲ့ ပြုပြင်​ပြောင်းလဲ​ရေး​ နဲ့ အစိုးရအဖွဲ့ပိုအား​ကောင်းလာ​အောင် ဘာ​တွေလုပ်သင့်လဲ ဆိုတဲ့အ​ကြောင်းအခုတစ်ပါတ်​ပြောပြပါမယ်။ တော်လှန်ရေးကာလ ငါးနှစ်နီးပါးရှိလာချိန်မှာ ဝန်ကြီးဌာန ၁၇ ခုနဲ့ ဖွဲ့စည်းထားတဲ့ အမျိုးသားညီညွတ်ရေးအစိုးရ NUG ကို ဝန်ကြီးဌာန ၁၃ ခုနဲ့ပြင်ဆင်ဖွဲ့စည်းလိုက်​ကြောင်း ပြည်ထောင်စုလွှတ်တော်ကိုယ်စားပြုကော်မတီ -CRPH က ဒီဇင်ဘာ ၈ရက်​နေ့မှာ ထုတ်ပြန်လိုက်ပါတယ် ။ ၂၀၂၀ ​ရွေး​ကောက်ပွဲအနိုင်ရလွှတ်​တော်ကိုယ်စားလှယ်​တွေနဲ့ ဖွဲ့စည်းထားတဲ့ CRPHက ​တော်လှန်​ရေးအစိုးရဖြစ်တဲ့ NUG ကို ၂၀၂၁ ဧပြီ ၁၆ မှာဖွဲ့စည်းတာဝန်​ပေးအပ်တာဖြစ်ပါတယ်။ဒါ​ကြောင့် အစိုးရဖွဲ့ပြီး ​လေးနှစ်ခွဲ​ကျော်အတွင်းမှာ အကြီးမားဆုံးအ​ပြောင်းအလဲဖြစ်ပါတယ်။ ​ပြည်သူ့တော်လှန်​ရေး ​အောင်ပွဲမြန်မြန်ရနိုင်ဖို့အတွက် ​တော်လှန်​ရေးတပ်ဦးလို ဖြစ်တဲ့ NUG အစိုးရကို ပိုအား​ကောင်းပြီး ထက်ထက်မြတ်မြတ်ဦး​ဆောင်နိုင်ဖို့ ပြည်သူ​တွေက ပြုပြင်​ပြောင်းလဲ​ရေးလုပ်ဖို့ ​တောင်းဆို​နေကြတာ လအတန်ကြာပြီဖြစ်ပါတယ် ။ NUG ယာယီသမ္မတ ဒူဝါလရှီးလကိုယ်တိုင်ကလည်း ၂၀၂၄ နှစ်ကုန်ပိုင်းမှာ NUG အစိုးရဟာ အ​​ဝေး​ရောက်အစိုးရဖြစ်လို့မရပဲ အစိုးရအဖွဲ့ဝင်တွေ ပြည်တွင်းပြန်လာလုပ်ကြဖို့​တိုက်တွန်းခဲ့ပါတယ်။ဒါအပြင် ၂၀၂၅ နှစ်သစ်ကူမိန့်ခွန်းမှာလည်းလက်ရှိအစိုးရအဖွဲ့ လိုအပ်ချက်​တွေရှိခဲ့တာကိုဝန်ခံခဲ့ပြီး ဝန်ကြီးဌာနအလိုက် ပြုပြင်​ပြောင်းလဲ​ရေးလုပ်မယ့်အ​ကြောင်းအသိ​ပေးခဲ့ပါတယ် ။ "လူထုအတွက် တော်လှန်ရေးတာဝန်တွေကို စွမ်းစွမ်းတမံခေါင်းဆောင်နိုင်မယ့် ခေါင်းဆောင်တွေကို ကျွန်တော်တို့ အမျိုးသားညီညွတ်ရေးအစိုးရက လှိုက်လှဲစွာကြိုဆိုနေပါတယ်” ဟု ဒူဝါလရှီးက ၂၀၂၅ ဇန်နဝါရီ ၁ ရက်မှာ ပြောခဲ့ပါတယ်။ဒါ​ကြောင့် အစိုးရအဖွဲ့အ​ပြောင်းအလဲကို ​တော်လှန်ပြည်သူ​တွေကလည်း အ​တော်​လေး​မျှော်လင့်ထားခဲ့ကြပါတယ် ။ ဒါ​ပေမယ့် ဒီဇင်ဘာ ၈ ရက်​နေ့မှာ အစိုးရအဖွဲ့ကို ဝန်ကြီးဌာန ၅ ခု​လျှော့ချပြီး ဝန်ကြီးချုပ်ရုံးဝန်ကြီး ထပ်တိုးခန့်ခဲ့​ပေမယ့် ဝန်ကြီး​တွေဟာ အရင်လူ​တွေပဲဖြစ်တာ​ကြောင့် ထူးခြားမှုမရှိဘူးဆိုပြီး ဝေဖန်မှုတွေနဲ့ ကြုံခဲ့ရပါတယ်။ NUG ရဲ့ နိုင်ငံတော်အကြီးအကဲ ၄ ဦးဖြစ်တဲ့ သမ္မတဦးဝင်းမြင့်၊ ယာယီသမ္မတဒူဝါလရှီးလ၊ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ ပြည်ထောင်စုဝန်ကြီးချုပ်မန်းဝင်းခိုင်သန်းတို့ကတော့ အပြောင်းအလဲမရှိခဲ့ပါဘူး။ ဒါပေမဲ့ NUG အစိုးရအဖွဲ့ကို ပြင်ဆင်ဖွဲ့စည်းခဲ့တဲ့ ပြည်ထောင်စုလွှတ်တော်ကိုယ်စားပြုကော်မတီ CRPH ရဲ့ ဒီနေ့ ဒီဇင်ဘာ ၈ရက် ထုတ်ပြန်ချက်အရ နိုင်ငံတော်အင်္ဂါစဥ်ကို ပြောရမယ့် အစဥ်လိုက်မှာတော့ နံပတ် ၁ နေရာမှာ သမ္မတဦးဝင်းမြင့်၊ နံပတ် ၂ နေရာမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နံပတ် ၃ နေရာမှာ ဒုတိယသမ္မတ(ယာယီသမ္မတ)ဒူဝါလရှီးလ၊ နံပတ် ၄ နေရာမှာ ပြည်ထောင်စုဝန်ကြီးချုပ် မန်းဝင်းခိုင်သန်းတို့ကို တွေ့ရပါတယ်။ သမ္မတဦးဝင်းမြင့်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ဟာ စစ်တပ်အာဏာစသိမ်းတဲ့ ၂၀၂၁ ဖေဖော်ဝါရီ ၁ရက် မနက်အစောပိုင်းကတည်းက ဖမ်းဆီးချုပ်နှောင်ခံနေရတာပါ။ NUG အစိုးရအဖွဲ့အသစ်မှာ ပြည်ထောင်စုဝန်ကြီးချုပ်ရုံးတစ်ခု တိုးလာပြီး အဲဒီဝန်ကြီးချုပ်ရုံးရဲ့ ပြည်ထောင်စုဝန်ကြီးအဖြစ် ဒေါက်တာဇော်ဝေစိုးကို ခန့်အပ်ခဲ့ပါတယ်။ အရင် NUG အစိုးရအဖွဲ့ရဲ့ ဝန်ကြီးဌာန ၅ခုကို ပယ်ဖျက်ခဲ့ပါတယ်။ အဲဒီပယ်ဖျက်ခဲ့တဲ့ ၅ ခုကတော့ ဒေါက်တာဆာဆာရဲ့ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန၊ နော်စူစန်နာလှလှစိုးရဲ့ အမျိုးသမီး၊လူငယ်နှင့်ကလေးသူငယ်ရေးရာဝန်ကြီးဌာန၊ နိုင်ထွန်းဖေ(ခ)နိုင်သု၀ဏ္ဏရဲ့ အလုပ်သမားဝန်ကြီးဌာန၊ ဦးထင်လင်းအောင်ရဲ့ ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာန၊ ဒေါ်ခင်မမမျိုးရဲ့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနတို့ ဖြစ်ပါတယ်။ အရင် ဒုတိယဝန်ကြီးတွေဖြစ်တဲ့ ဂျာထွယ်ပန်နဲ့ ဒေါက်တာရွှေပုံတို့ကတော့ အသစ်ဖွဲ့စည်းလိုက်တဲ့ အစိုးရအဖွဲ့မှာ ပြည်ထောင်စုဝန်ကြီးတွေ ဖြစ်လာပါတယ်။ အရင် ပညာရေးဝန်ကြီးဌာန ဒုတိယဝန်ကြီး ဒေါက်တာစိုင်းခိုင်မျိုးထွန်းနဲ့ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ဒုတိယဝန်ကြီး ဒေးဗစ်ဂွမ်အောင်တို့က နိုင်ငံခြားရေးဝန်ကြီးဌာနရဲ့ ဒုတိယဝန်ကြီးတွေဖြစ်လာပါတယ်။ အရင် နိုင်ငံခြားရေး ဒုဝန်ကြီး ဦးမိုးဇော်ဦးကတော့ အခု NUG အစိုးရအဖွဲ့အသစ်မှာ ပြန်ပါလာတာ မတွေ့ရပါဘူး။ CRPH က ဝန်ကြီးဌာနပြုပြင်​ပြောင်းလဲ​ကြောင်း ​ကြေညာချက်​​အောက်မှာ မှတ်ချက်​ပေါင်း ၅၀၀ ​ကျော်ရှိတာမှာ ဆယ်ဂဏန်းကသာ ကြိုဆို၊ဂုဏ်ပြုခဲ့ကြတာဖြစ်ပါတယ် ။ရာနဲ့ချီတဲ့အများစုက ​ဝေဖန်ခဲ့ကြတာ ၊သ​ရော်တာ ၊​လှောင်​ပြောင်တာ​တွေဖြစ်​နေပါတယ်။ စစ်တပ်ကအခု​နောက်ပိုင်း ​ငွေ​ကြေးနဲ့ လူအင်အားအများကြီးသုံးပြီး ​ဖေစ်ဘွခ်မှာစစ်တပ်ဝါဒဖြန့် မှတ်ချက်​တွေ ၊​တော်လှန်​ရေးကို ​သွေးခွဲတဲ့ ၊ပြည်သူ​တွေ စိတ်ဓါတ်ကျ​စေမယ့် မှတ်ချက်​တွေကိုအုပ်စုလိုက်​ပေးတာ​တွေလည်းရှိပါတယ်။ဒါ​ကြောင့် CRPH ​အောက်ကမှတ်ချက်​တွေမှာလည်းစစ်တပ်ဘက်က ဝါဒဖြန့် မှတ်ချက်​တွေ​တော့ပါနိုင်ပါတယ် ။ဒါ​ပေမယ့် ​တော်လှန်​ရေးမှာ အားတက်သ​ရောပါဝင် လုပ်ကိုင်​နေသူ​တွေကိုယ်တိုင် အခု အ​ပြောင်းအလဲကိုအားမရလို့ ​ဝေဖန်​ထောက်ပြမှု များစွာရှိခဲ့ပါတယ် ။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴   / subscribe   𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗧𝗲𝗹𝗲𝗴𝗿𝗮𝗺 - https://t.me/peoplespring #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA