Жас қызбен аймаласып, сүйісіп отырған ер адамның Қыдырәлі Болманов екені рас па? скачать в хорошем качестве

Жас қызбен аймаласып, сүйісіп отырған ер адамның Қыдырәлі Болманов екені рас па?

Әлеуметтік желіде «Қыдырәлі Болманов қыздарға қырындап жүр» деген жазба көптің назарын аударды. Видеода белгілі әншінің жас қызбен құшақтасып, жылы қабақ танытып отырған сәті көрсетілген. Халық алдында жүрген танымал тұлғалар расымен тренд қуып кетті ме, әлде цифрлы дәуірдің құрбаны ма? Әріптесім Серік Дәрменұлының сюжетінен білейік. Қазақтың үлгілі отбасыларының бірі ретінде танылған Қыдырәлі мен Қарақаттың образын мына бір видео бұзған секілді. Өйткені кадрда белгілі продюсер жас қызбен аймаласып, сүйісіп отыр. Бір қарағанда жасандылық жоқ бәрі шынайы секілді көрінеді. Бірақ асықпай видеоға үңілсеңіз қолдан жасалған жазба екенін аңғаруға болады. Қазір желіде кімнің сөзі шын, кімнің бейнесі жалған екенін ажырату қиын. Мамандардың айтуынша, жасанды интеллект дамыған сайын фейк мәселесі де тереңдей түспек. Сондықтан сарапшылар заңды күшейту керек дейді. Әйтпесе, қоғам «цифрлы құрбанға» айналуы әбден мүмкін. АНАР ТӨЛЕУБАЕВА, Қазақстандағы жасанды интеллектіні дамыту қауымдастығы төрағасының орынбасары: Біз заң жүзінде жауапкершілікті қарастырдық, бірақ іс жүзінде оны кім бақылайды? Бұл жерде бірнеше тараптың қатысуы қажет. Мысалы, жасанды интеллектке жауапты министрлік пе, ақпарат министрлігі ме, әлде киберқауіпсіздікке жауап беретін орган ба - оны Үкімет нақтылауы тиіс деп ойлаймын. Кейбір интернет қолданушылары мұндай бейнелерді әзіл мен хайп құралына айналдырып жатса, киберқауіпсіздік мамандары бұл қауіпті үрдіс деп отыр. Олар әлеуметтік желілерде жарияланатын контентке шектеу қойып, жеке парақшаларды ашық қалдырмауға кеңес береді. Өйткені алаяқтар сіздің фотосуретіңіз бен видеоларыңызды өз пайдасына оңай пайдалана алады. ЕВГЕНИЙ ПИТОЛИН, “DOCROBOT” киберқауіпсіздік компаниясының директоры: Если вы столкнулись Аударма Егер сіз немесе таныстарыңыз туралы жалған бейне, жасанды аккаунт, не фейк ролик пайда болса - бірден құқық қорғау органдарына және бейне жарияланған платформаның әкімшілігіне шағым түсіріңіз. Скриншот жасап, сілтемесін тіркеңіз. Мысалы, Instagram мен Facebook-та “шағымдану” батырмасы бар — оны пайдаланыңыз. Бұл сіздің цифрлы қауіпсіздігіңіз үшін маңызды қадам. Алайда мұндай жалған бейнелер адамның ар-намысына нұқсан келтірсе қазірдің өзінде Әкімшілік құқық бұзушылық туралы кодекстің 73-3- бабына сәйкес, басқа адам туралы абыройын түсіретін, беделін түсіретін жалған ақпарат таратқандар заңмен жазаланады. Яғни, жеке тұлға туралы жалған ақпарат тарату, беделіне кір келтіру, жала жабу ретінде бағаланады. Қолданыстағы заң бойынша, мұндай әрекет үшін айыппұл салынып, тіпті қамауға алуы мүмкін. Бірақ жасанды интеллект жасаған фейктерге қатысты нақты бап әзірге жоқ. Қазір Цифрландыру министрлігі мен құзырлы органдар бұл бағытта арнайы ереже дайындап жатыр. #Информбюро #31арна #БастыЖаңалықтар #Новости #31канал