排灣族語聖經113-07-14(日) hiberai 希伯來書 13章1-19節 新的祭壇 скачать в хорошем качестве

排灣族語聖經113-07-14(日) hiberai 希伯來書 13章1-19節 新的祭壇

113-07-14(日) hiberai 希伯來書 13章1-19節 新的祭壇 1.zangalu a pare kiljivalivak tua nu kinamare vetjevetjekan a sinzia. 2.pasikiljivaki a pasedjalu tua qaljaqalja. ayatua izua za namayatazua; pai inika kemljakeljang, manu saskauljan i tjarivavaw a pinasedjalu. 3.kipaqenetju tazua rinusung a caucau, a namaya tua nakisaseljang mun a kirusung. kipaqenetju tazua selapalapai a caucau, a namaya tua selapalapai mun uta. 4.aicu a pucekelj, ulja sinan paravac nua timaimanga. ulja inika mun a nasepasaliw tua nu kinamare cekeljan a mapualj tua zuma. ayatua uri papapenetj a Cemas tazua sepasalisaliw tua patjara uqaljaqaljai tua vavayavayan, kata zua kirjaqarjaqa tua cekelj. 5.a nu sikudan, maya maramilj tua paisu. pakatjezua-u tazua nu kinitjuayan. ayatua a Cemas naqivu anga a mayatucu:inika ken a uri kicacadjangata tjanusun; inika uri ku su vaikan,naaya 6.manasika temuru itjen a qivu a mayatucu:izua Cemas a rupaseqejliqeljing tjanuaken; inika ken a uri marekutj ayatua inika uri makaya paselapai a caucau tjanuaken, uri aya itjen. 7.Kipaqenetju tazua marka kicapicapil tanumun, a natjemaucikel tjanumun tua kai nua Cemas. kinemnemu tu namakuda a kina-i-kacauanan katua pinacayan niamadju, sa nu pacual tua saluan niamadju ta Cemas. 8.ti Yisu Kiristu,kumalji a katiaw, a tucu a qadaw, a patje mamiling, inika maumalj angata. 9.maya sa maviljic tua namartimaljimalji a maljian a tulu. kipaparangezu tua napakisumalji a paseqeljing nua Cemas, sa nu ka napupicul. maya kirangez tua pinnetj a kakudan a patjara kakanen. ayatua a patjara kakudan tua sikanan neka nu kamanguaq. 10.azua kipusengsengsengan itua kakalihayan a tapaw a marka parakaljai a yudaya caucau inika makaya keman tua sinipatjavang itua tja papatjavangan. 11.qau pai a djamuq nua qemuzimuzip kacuin nua tjaljavuluvulungan ta parakaljai a pasa tua pinaka tjaljatjupalisian, sa patjavangan tu uri sikisupasaliw, qau a kinacavacavan nazua qemuzimuzip ljamain i pasasasasaw tua kinaizuanan niamadju a marka sinan tapaw. 12.manasika ti Yisu uta, ka uri cemingki a sema djamuq nimadju tua taqaljaqaljan, namacai i pasasasasaw tua cacavalj. 13.pai ari vaiki a sema tjaisasaw tua cacavalj a sema tjaimadju, sa tje kisaseljang tjaimadju a kisiaq tua sinisiaq taimadju. 14.ayatua neka nu uri ta kaizuan a palalaut a qinaljan imaza i kacauan! saljingaljinga itjen, kemikim itjen sakamaya tazua uri tja qinaljan nu tjaivililj anga. 15.qau pai ulja tjen a napaka tjaimadju a palalaut a papulevan tua Cemas tua sisan paravaravac a kai, a mavan a tja siqaqivuivu a tjemaucikel tua patjara timadju. 16.maya rjemaurjaw azua pasusu tua nanguanguaq a sikudan katua pakavulj tua qaliqali; ayatua maleva a Cemas tua namayatucu a sinikaleva tjaimadju. 17 .kilangda-u tua marka kicapicapilj tjanumun, sa nu kipalaing. ayatua nakilalaing a palalaut tiamadju tua nu vavak; saka uri pasemalamalaw tua Cemas tua kinipusengsenganan niamadju. ulja namasilevan tiamadju a kicapilj tjanumun, Saka inika ngaledjengedjengedj sa kiqadiqadilj. nu ngaledjengedjengedj sa kiqadiqadilj tiamadju,inika uri nu sikamangnaq 18. ulja men a nu sika inulinuli.ayatua masalu amen tu neka nu sinika sarukuya nua nia varung, saka nasaljinga tu pasusu tua nanguanguaq a sikudan anga. 19. patja kiqaung aken tu nu sika inuli aken, aya ken a papupicul tjanumun, ulja ken a pakicepelivi a kirimu nua Cemas a pasa tjanumun.