စကခ ၉ လက်အောက်ခံ တပ်ရင်း ၁၀ ရင်းကို AA တိုက်ခိုက်သိမ်းယူ | People's Spring скачать в хорошем качестве

စကခ ၉ လက်အောက်ခံ တပ်ရင်း ၁၀ ရင်းကို AA တိုက်ခိုက်သိမ်းယူ | People's Spring

၁၀၂၇ စစ်ဆင်ရေး ရခိုင်ဒေသဆီရွှေ့သွားပြီလို့ မြောက်ပိုင်းသုံးဖွဲ့အသိပေး People's Spring ရခိုင်ပြည်နယ်မြောက်ပိုင်း မြောက်ဦး ၊မင်းပြားနဲ့ကျောက်တော်မြို့တွေမှာ တပ်စွဲထားတဲ့ စစ်ကောင်စီ တပ်ရင်း ၁၀ ရင်းလုံးကို ရက္ခိုင့်တပ်(AA) က သိမ်းယူနိုင်လိုက်ပြီလို့ မြောက်ပိုင်းမဟာမိတ် ၃ ဖွဲ့က ကြေညာလိုက်ပါတယ်။ AA ရဲ့ တစ်လကျော်ကြာ ထိုးစစ်အပြီးမှာ မြောက်ဦး မှာရှိတဲ့ ရဲတပ်ရင်း ၃၁ က လွဲရင် မြောက်ဦး ၊ကျောက်တော်နဲ့ မင်းပြားမှာ က စစ်ကောင်စီတပ်စခန်းတွေကို ဖေဖော်ဝါရီ ၇. ရက်မှာ သိမ်းပိုက်ပြီးဖြစ်တယ်လို့ ကြေညာချက်မှာ ဖော်ပြပါတယ်။ မြောက်ဦး ၊ကျောက်တော် နဲ့ မင်းပြားမြို့တွေမှာ စစ်ကောင်စီရဲ့ အမှတ် ၉ စစ်ဆင်ရေးကွပ်ကဲမှုဌာနချုပ်(စကခ−၉ ) လက်အောက်ခံ ခြေမြန်တပ်ရင်း ၁၀ ရင်းဖြန့်ကျက်တပ်စွဲထားတာပါ။ စကခ −၉ ဟာအနောက်ပိုင်းတိုင်းစစ်ဌာနချုပ်နယ်မြေ ဖြစ်တဲ့ ကျောက်တော်မြို့မှာအခြေစိုက်ပါတယ်။ စကခ − ၉ လက်အောက်ခံ ခြေမြန်တပ်ရင်း ၁၀ ရင်းဟာ ကျောက်တော်မှာ တပ်ရင်း ၄ ရင်း ၊ မြောက်ဦးမှာ တပ်ရင်း ၃ ရင်းနဲ့ မင်းပြားမှာ တပ်ရင်း ၃ ရင်း အသီးသီးတပ်စွဲထားတာဖြစ်ပါတယ်။ အဲဒီတပ်ရင်း ၁၀ ရင်းကို သိမ်းယူမယ်လို့ AA က အသိပေးပြီး တစ်လကျော်ကြာ အချိန်တိုတွင်း အပြီးသိမ်းနိုင်ခဲ့တာပါ။ တပ်ရင်းတွေကို သိမ်းယူချိန်က သိမ်းဆည်းရမိတဲ့ လက်နက်ခဲယမ်းအများအပြားကိုလည်း AA ကထုတ်ဖော်ပြသခဲ့ဖူးပါတယ်။ ဒါအပြင် ဖေဖော်ဝါရီလ ပထမပတ်အတွင်းမှာတင် ဘင်္ဂလားဒေ့ရှ်နယ်စပ်အနီး မောင်တောမြို့နယ်ထဲက စစ်ကောင်စီတပ်ရဲ့ နယ်ခြားစောင့်တပ်စခန်းတွေဖြစ်တဲ့ တောင်ပြိုလက်ဝဲ − လက်ယာ စခန်း နှစ်ခုကို AA က တိုက်ယူထားပါတယ်။ ကိုးကန့် တပ် ၊တအာင်းတပ် နဲ့ရက္ခိုင်တပ်တို့ မဟာမိတ်ဖွဲ့ထားတဲ့မြောက်ပိုင်းသုံးဖွဲ့ဟာ ၁၀၂၇ အမည်နဲ့စစ်ဆင်ရေးကို ရှမ်းမြောက်ဒေသမှာ ပြီးခဲ့တဲ့ နှစ်အောက်တိုဘာလ ၂၇ ရက်ကစတင်ခဲ့ပါတယ်။ အဲဒီစစ်ဆင်ရေးစတင်ပြီး ရက်သတ္တပတ်အကြာ နိုဝင်ဘာလ ၁၃ ရက်မှာ ရခိုင်မှာ တိုက်ပွဲတွေ ပြန်လည် စတင်ဖြစ်ပွားခဲ့တာပါ။ ရခိုင်မှာ တိုက်ပွဲတွေပြန်ဖြစ်တာနဲ့ စစ်ကောင်စီတပ်ကို AA က ထိုးစစ်ဆင်တိုက်ခိုက်ပါတယ်။ တိုက်ပွဲကာလ ၃လကျော်အရောက်မှာ AA ဟာ ရခိုင်ပြည်နယ်မြို့တော် စစ်တွေနဲ့အနီးမှာရှိတဲ့ ပေါက်တောမြို့ကိုထိန်းချုပ်နိုင်ပြီး ဒေသတွင်းမှာ စစ်ရေးနဲ့စီးပွားရေးအရ အချက်အချာကျတဲ့ ပလက်ဝဒေသကိုလည်း သိမ်းယူထားပြီးဖြစ်ပါတယ်။ ပလက်ဝဒေသနဲ့ မောင်တောမှာ AA ရဲ့ ထိုးစစ်အတွင်း ရာနဲ့ချီတဲ့ စစ်ကောင်စီတပ်ဖွဲ့ဝင်တွေဟာ အိန္ဒိယနဲ့ ဘင်္ဂလားဒေ့ရှ်ထဲကိုခြေလျင် ထွက်ပြေးရတဲ့အထိ စစ်ကောင်စီတပ်ဟာ စစ်ရေးအရ အကြီးအကျယ်ရှုံးနိမ့်နေခဲ့တာပါ။ မြောက်ပိုင်းသုံးဖွဲ့ကတော့ စစ်ကောင်စီနဲ့ ဇန်နဝါရီလ ၁၁ ရက်မှာ အပစ်ရပ်ခဲ့ပြီးနောက် ၁၀၂၇ စစ်ဆင်ရေးဟာ ရခိုင်ဒေသ စစ်ဆင်ရေး လို့ ဆိုရလောက်တဲ့အထိ ဖြစ်ခဲ့တယ်လို့ မနေ့ညပိုင်းစစ်ရေးသတင်းထုတ်ပြန်ချက်မှာ ထည့်သွင်းအသိပေးပါတယ်။ ၁၀၂၇ စစ်ဆင်ရေး ဟာ ရခိုင်ဒေသဆီ နေရာရွေ့သွားခဲ့ပြီး စစ်ဆင်ရေးအရွှေ့နဲ့ စစ်ဆင်ရေးဗဟိုဟာ ရခိုင်မှာ ကြီးမားထင်ရှားတဲ့ အပြောင်းအလဲဖြစ်ခဲ့ပြီလို့ လည်း ညီနောင်သုံးဖွဲ့က ထုတ်ပြန်ပါတယ်။ #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗜𝗻𝘀𝘁𝗮𝗴𝗿𝗮𝗺 -   / ludunwayoo   𝗧𝗲𝗹𝗲𝗴𝗿𝗮𝗺 - https://t.me/peoplespring