Скачать с ютуб შეხვედრა სათემო ცენტრებთან в хорошем качестве

შეხვედრა სათემო ცენტრებთან

საქართველოს სამოქალაქო განვითარების ასოციაცია საქართველოს სტრატეგიული კვლევებისა და განვითარების ცენტრთან ერთად, ლაგოდეხის მუნიციპალიტეტში ახორციელებს პროექტს ,,ქალთა გაძლიერება ცვლილებებისათვის“ - გაეროს ერთობლივი პროგრამის - ,,გენდერული თანასწორობის ხელშეწყობა საქართველოში“ ფარგლებში. პროგრამა ერთიანი მეთოდოლოგიითა და მიდგომებით ხორციელდება სამეგრელოსა და კახეთის 8 მუნიციპალიტეტში (ყვარელი, ლაგოდეხი, საგარეჯო, თელავი, სენაკი, აბაშა, მარტვილი, ხობი). პროექტის ფარგლებში, ლაგოდეხის მუნიციპალიტეტის ვარდისუბნის, კართუბნის, ჰერეთისკარისა და აფენის თემებში შექმნილმა ქალთა საინიციატივო ჯგუფებმა, რომლებიც სხვა საქმიანობასთან ერთად, სოფლის პრობლემატური საკითხების მოგვარებაზე მუშაობს, მოამზადა პრეზენტაციები, აღნიშნულ პრეზენტაციაზე ცენტრების კოორდინატორებმა ლაგოდეხის მუნიციპალიტეტის საკრებულოსა და გამგეობის ხელმძღვანელი პირების წინაშე გააშუქეს საკუთარი თემების ძირითად პრობლემები, რომლებიც ადგილობრივი მოსახლეობის გამოკითხვის შედეგად იქნა გამოვლენილი. კერძოდ, ზემოთ მითითებულ თემებში გამოვლენილი პრობლემების საფუძველზე მომზადდება ერთიანი რეკომენდაცია, რათა აღნიშნული პრობლემების მოსაგვარებლად 2016 წლის ბიუჯეტში გათვალისწინებული იქნას შესაბამისი თანხები. ადგილობრივი თვითმმართველობის წარმომადგენლების წინაშე პრეზენტაციით წარსდგნენ ვარდისუბნის, კართუბნის ჰერეთისკარისა და აფენის სათემო ცენტრების კოორდინატორები.