#ព្រះបន្ទូលនៃសេចក្ដីពិតសម្រាប់ថ្ងៃសៅរ៍ скачать в хорошем качестве

#ព្រះបន្ទូលនៃសេចក្ដីពិតសម្រាប់ថ្ងៃសៅរ៍

#ចំណងជើងវីដេអូ៖ «ចូរប្រើប្រាស់ភាសាឱ្យបានត្រឹមត្រូវ» Use The Right Language #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃសៅរ៍ ទី២១ ខែកុម្ភ: ឆ្នាំ២០២៦ «ចូរប្រើប្រាស់ភាសាឱ្យបានត្រឹមត្រូវ» Use The Right Language #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ដ្បិត​អ្នក​នឹង​បាន​រាប់​ជា​សុចរិត ដោយ‌សារ​ពាក្យ​សំដី​របស់​ខ្លួន ឬ​នឹង​ត្រូវ​ទោស ក៏​ដោយ‌សារ​តែ​ពាក្យ​សំដី​នោះ​ដែរ» (ម៉ាថាយ ១២:៣៧)។ ពាក្យសម្ដីគឺជា «វត្ថុធាតុមួយ» ហើយពួកវាក៏ផ្ទុកនូវសារធាតុខាងឯវិញ្ញាណផងដែរ។ ជាញឹកញាប់, កូនប្រុសស្រីរបស់ព្រះ តែងតែត្រូវបានគេប្លន់យកព្រះពរដ៏ធំធេង ក៏ព្រោះតែពួកគេនិយាយពាក្យសម្ដីមិនត្រឹមត្រូវនោះឯង។ ភាសាសម្ដីរបស់អ្នក គឺជាការសម្ដែងចេញនូវការយល់ដឹងរបស់អ្នក វាក៏ឆ្លុះបញ្ចាំងអំពីអ្វីដែលអ្នកដឹងផងដែរ។ ក៏ប៉ុន្តែ ជារឿងគួរឱ្យស្ដាយ មានមនុស្សជាច្រើន បានបង្កើតភាសាបែប «មានកម្រិតឬព្រំដែន» មកប្រើប្រាស់ ពីព្រោះតែពួកគេ ត្រូវបានជះឥទ្ធិពលខុសៗពីមជ្ឈដ្ឋានជុំវិញខ្លួន។ នៅក្នុងនាមជាកូនរបស់ព្រះ អ្នកត្រូវតែនិយាយឱ្យបានត្រឹមត្រូវ។ នេះគឺជាអ្វីដែលលើសពីការដែលគ្រាន់តែគិតវិជ្ជមាន ឬការនិយាយលើកទឹកចិត្តបែបធម្មតានោះទៅទៀត។ វាមានន័យថា នោះគឺជាការនិយាយតែ «សេចក្ដីពិត» ហើយព្រះបន្ទូលរបស់ព្រះគឺជាសេចក្ដីពិតនោះឯង (យ៉ូហាន ១៧:១៧)។ នៅពេលដែលអ្នកនិយាយពាក្យសម្ដីត្រឹមត្រូវតាមសេចក្ដីពិតរបស់ព្រះ នោះយូរៗទៅ វានឹងបង្កើតទៅជាផ្នត់គំនិតនៅខាងក្នុងវិញ្ញាណរបស់អ្នក ហើយក៏បង្កើតជាលទ្ធផល ដែលស្របទៅតាមផ្នត់គំនិតព្រះដែរ។ វាមិនមែនត្រឹមតែជាពាក្យសម្ដីខ្លួនឯងដែលបង្កើត ឬបំផ្លាញនោះទេ, ប៉ុន្តែវាគឺជាភាសា ដែលពាក្យសម្ដីទាំងនោះរួមគ្នាបង្កើតឡើង និងប្រព័ន្ធនៃគំនិតដែលពាក្យទាំងនោះតំណាងឱ្យផងដែរ។ ហេតុដូច្នេះហើយ បានជាអ្នកត្រូវតែនិយាយឱ្យស្របទៅតាមចំណេះដឹង ដែលបានបើកសម្ដែងតាមព្រះបន្ទូលរបស់ព្រះវិញ។ ជាឧទាហរណ៍ មានមនុស្សមួយចំនួនចូលចិត្តនិយាយថា៖ «អូ! នៅពេលដែលយើងចាប់ផ្ដើមថ្វាយបង្គំនៅក្នុងព្រះវិហារ នោះព្រះវត្តមានរបស់ព្រះក៏បានយាងចុះមកសណ្ឋិតលើពួកយើង»។ វាហាក់ដូចជា មានលក្ខណៈខាងវិញ្ញាណណាស់ ប៉ុន្តែវាមិនត្រឹមត្រូវឡើយ។ ព្រះវត្តមានរបស់ព្រះមិនមែនយាងចុះមកពីស្ថានសួគ៌ នៅពេលដែលអ្នកថ្វាយបង្គំនោះទេ គឺអ្នកឯណោះវិញទេ ដែលព្រះត្តមានធ្វើការងារជាមួយបាន។ អ្នកគឺជាព្រះវិហាររបស់ទ្រង់ ហើយព្រះ ទ្រង់គង់នៅក្នុងអ្នកជារៀងរហូត, ទ្រង់មិនមែនយាងមក ហើយយាងទៅវិញនោះទេ។ នៅពេលដែលយើងមកជួបជុំគ្នាថ្វាយបង្គំ នោះព្រះវត្តមានរបស់ទ្រង់ត្រូវបាន «សម្ដែងចេញមក», មិនមែនជាការនាំចូលមកពីក្រៅអីនោះទេ។ ដូចគ្នានេះដែរ សូមកុំនិយាយថា៖ «យើងចូលទៅកាន់ទ្វារកំពែងទ្រង់ដោយការអរព្រះគុណ និងចូលកាន់ស្ថានណាមួយរបស់ទ្រង់ ដោយការសរសើរតម្កើង»។ នោះគឺជាការបើកសម្ដែងរបស់ស្ដេចដាវីឌ ដែលវាស្ថិតនៅក្នុងសញ្ញាចាស់ទេ។ នៅថ្ងៃនេះ យើងស្ថិតនៅក្នុងព្រះវត្តមានរបស់ទ្រង់រួចជាស្រេចហើយ គឺយើងរស់នៅទីនោះតែម្ដង។ អ្នកមិនមែនដើរចូល ហើយដើរចេញពីព្រះវត្តមានរបស់ព្រះទៀតឡើយ តែអ្នករស់នៅទីនោះជារៀងរហូត! ហាលេលូយ៉ា។ ចូរបង្ហាត់ខ្លួនឯងឱ្យប្រើប្រាស់ពាក្យសម្ដី ដែលស្របតាមធម្មជាតិដ៏វិសុទ្ធរបស់អ្នកវិញ។ ចូរពត់តម្រង់ភាសារបស់អ្នក ឱ្យស្របតាមការបើកសម្ដែងនៃសញ្ញាថ្មី អំពីអ្វីៗដែលអ្នកកំពុងតែមាននៅក្នុងព្រះគ្រីស្ទ ហើយអ្នកនឹងទទួលបានបទពិសោធន៍នៃសិរីល្អដែលកើនឡើងជាលំដាប់បាន ហើយព្រមទាំងមានជ័យជម្នះ និងការរីកចម្រើនក្នុងជីវិតបាន។ #សេចក្ដីអធិស្ឋាន ឱព្រះវរបិតាដ៏ជាទីស្រឡាញ់អើយ! ទូលបង្គំសូមអរព្រះគុណព្រះអង្គ ចំពោះការបើកសម្ដែងនៃព្រះបន្ទូលនេះ ដែលបានបំភ្លឺដល់វិញ្ញាណរបស់ទូលបង្គំ។ ពាក្យសម្ដីរបស់ទូលបង្គំ គឺពោពេញទៅដោយព្រះគុណ និងអំណាច ដែលបង្កើតឱ្យមានតែជ័យជម្នះ ភាពឆ្នើម និងសិរីល្អនៅក្នុងខ្លួនទូលបង្គំជានិច្ចវិញ។ ទូលបង្គំ នឹងនិយាយតែអ្វីៗដែលស្របតាមសេចក្ដីពិតរបស់ទ្រង់ជានិច្ច ព្រមទាំងសម្ដែងចេញនូវគំនិតដ៏វិសុទ្ធរបស់ទ្រង់ តាមរយៈពាក្យសម្ដី ហើយទូលបង្គំ នឹងត្រូវបានផ្លាស់ប្ដូរពីសិរីល្អមួយទៅសិរីល្អមួយទៀតជារឿយៗ ដោយសារតែអំណាចនៃព្រះបន្ទូលនេះឯង ក្នុងព្រះនាមព្រះយេស៊ូវ។ អាម៉ែន។ #ការសិក្សាបន្ថែម៖ សុភាសិត ១៨:២១ កូឡ៉ុស ៣:១៦ ភីលេម៉ូន ១:៦