ئەبێ هەموو کورد ئەم ڤیدیۆیە ببینێت скачать в хорошем качестве

ئەبێ هەموو کورد ئەم ڤیدیۆیە ببینێت

ئەبێ هەمووان بزانن کێ خیانەتکارە وەک لەم چاوپێکەوتنەی خالی خولە سوردا، خودی خۆی دان بەو ڕاستییەدا دەنێت، کە کێ لەپشت ڕێگری و داڵدەدانی سەرۆکجاش و ئەنفالچییەکانەوەیە و ناهێڵن دادگای بکرێن. لێرەدا ئەو نهێنییەمان بۆ ئاشکرا دەبێت کە ساڵانێکی زۆرە لەلای کەسوکاری ئەنفالکراون و جینۆساید و خەڵکی کوردستان، بۆتە مایەی پرسیار و گرێ، کە کێ لەپشت داڵدەدانی سەرۆکجاش و ئەنفالچییەکانەوەیە، بۆ دادگای ناکرێن!؟ ئەوەی ئەو سەرۆکجاشە دەیڵێت، تەواوی قسەکانی ڕاست و دروستە، بەڵێ هەر یەک لە مسعود بارزانی و مام جەلال و کۆسرەت ڕەسوڵ و نێچیرڤان بارزانی، لەپشت ڕێگری کردنن لەدەستگیرکردن و دادگای کردنی سەرۆکجاش و ئەنفالچییەکان. لەڕووی یاساییەوە هەر کەسێک تێوە بگڵێ لە داڵدە و هاوکاری کردنی ئەو کەسانەی، کە خیانەتی نیشتیمانی کردووە، بەپێی یاسا هەڵگری هەمان تاوان دەبن و سزاکەیان بەپێی دەستور و یاسای سزادانی عێراقی لەسێدارەدانە، بەهیچ شێوەیەک لێخۆشبوون نایان گرێتەوە، تەنانەت سەرۆکی وڵاتیش ناتوانێت لێبوردنی تایبەتیان بۆ دەربکات، هەر یەک کەمادەکانی (١٥٦) خیانەتی نیشتیمانی و مادەی (١٠ و ١١ و ١٢)ی جینۆساید و تاوانی مافی مرۆڤ، ئەو تۆمەتبارانە تاوانەکانیان لەسەر ساخ بێتەوە، کەمترین سزا بۆیان لەسێدارەدانە، دەبێت لەسێدارە بدرێن، تەنانەت ئەو کەسانەشی کە داڵدەیان داون و دەیان پارێزن، بەبەشداری هەمان تاوان هەژمار ئەکرێن. بەم پێیەش بێت هەریەک لە مەسعود بارزانی و مام جەلال و کۆسرەت و نێچیرڤان بارزانی تۆمەتبارن، بە تاوانی داڵدەدانی سەرۆکجاش و ئەنفالچی و خیانەتکارەکان... ئەگەر بێتو دادگایەکی تایبەت و نێودەوڵەتی و بێ لایەن، لەسەر سزادانی تاوانەکانی ئەو سەرۆکجاش و ئەنفالچیانە دابمەزرێت، ئەوان بەشێکی زۆری سەرکردەکانی یەکێتی و پارتی، بەدیاری کراوی ( مەسعود بارزانی و جەلال تاڵەبانی و کۆسرەت و نێچیرڤان) تاوانباری دیار دەبێت لەو کەیسەدا. ڕەنگە بپرسن بۆ سەرۆک جاش و ئەنفالچییەکان دادگای ناکرێن یان سەرکردەکانی یەکێتی و پارتی چ بەرژەوەندییەکیان لەوەدایە ئەوانە داڵدە بدەن!؟؟ ئەگەر بێتو ئەو تۆمەتبارانە دادگای بکرێن، وەک لەسەرەوە ئاماژەم پێ کرد، ئەوان زۆر بەپرسی گەورە تێوە دەگلێن، کە هەمیشە لاف و گەزافی کوردبوون و نیشتیمانی بوون و پێشمەرگە و شۆڕش لێ دەدەن، ئەم هۆکارە و چەندانی دیکەیە، کە ئاماژە بەوانی دیکەش دەکەم، وای کردووە ڕێگری توند بکرێت لەدادگای کردنیان. هۆکارێکی دیکەی داڵدەدانی ئەو سەرۆکجاش و ئەنفالچیانە دەگەڕێتەوە بۆ ئەو هێزە مرۆیەی کە هەیان و خاوەن سەددان و هەزاران چەکداری مەدەنیین و زۆربەیان سەرۆک عەشیرەت و خاوەن هێزی کۆمەڵایەتیین، هەر ئەمەش وای کردووە زیاتر یەکێتی و پارتی لەخۆیانیان بگرن، لە ناو پارتیدا (١٥٦) سەرۆکجاش و ئەنفالچی هەن، لەناویاندا (٢٩) پلەی بەرزی حکومی و حیزبی و سەربازیان هەیە، بەهەمان شێوە ئەوەی بۆم ئاشکرا بووە (٥٩) سەرۆکجاش و ئەنفالچی لەناو یەکێتیدا هەن و لەناویاندا (٧) کەسیان پلەی بەرزی حکومی و حیزبی و سەربازیان هەیە. ماوەتەوە بەکورتی ئاماژەی پێ بکەم، مانەوە و پاراستنی ئەو سەرۆکجاش و ئەنفالچیانە زۆر بەسود و بەکەڵکە بۆ یەکێتی و پارتی، ئەگەر لەدوو شتدا کۆی بکەمەوە بۆتان، یەکەم بۆ پاراستنی نهێنییە شاراوە و ئابڕووبەرەکان، کە زۆرێک لەبەرپرسەکانی ئێستای یەکێتی و پارتی تێوە دەگلێن لەخیانەتی نیشتیمانی و دەست تێکەڵکردن لەگەڵ بەعسدا. دووەم بۆ پاراستنی حیزب، چونکە ئەوانە بۆ یەکێتی و پارتی میلیشیای یەدەگەن و لەشەڕی ناوخۆشدا ڕۆڵێکی بەرچاو و خراپیان گێڕاوە و جەلاد و بکوژی حیزب بوون، هەمیشە میلیشیایەکی ئامادەباشن بۆ شەڕی براکوژی... نووسینی: زانکۆ بورهان. شارەزوور.