فيصل دخيل الله - صراع العقل والعاطفه !! скачать в хорошем качестве

فيصل دخيل الله - صراع العقل والعاطفه !!

حدا حرفي المشحون حزني وماط لثام تفاصيل لاوضاعٍ بدت غير مفهومه انا لي ثلاث ليال غايب مع الالهام اسامر فضى فكرٍ تحلت به نجومه تباهي فلك فكري سماوية الاجرام عليها الطواري كالكواكب بمنظومه صراع العقل والعاطفه سطوة الاوهام على راسٍ مشتت تفاكيره اهمومه خذا جهد واستنزف شعور ومضى درهام على ساحته ام المعارك لها حومه عليه انطوت صحفي بعد جفت الاقلام تباريح حبٍ لاعج بقلبي وسومه مضى عامه الاول وانا عايش الاحلام ومضى عامه الثاني والامال مهدومه جنون الهوى عشقٍ تمادى وصل لهيام مضاريبه فمقتل ماهي ترحم اسهومه على ضفة اعماقي نصب للصمود خيام طرقها من الذكرى شجن واركم غيومه بدا ليل ملهمتي انا الشاعر الرسّام انا مغرمٍ فيها وهي في مغرومه على قلب متمرّد لها هيبة الحكام حوى حسنها الباذخ تفاصيل معدومه انا مثلي بحبه يباهي ولا ينلام ولا يسمع لشخصٍ يعاتبه ويلومه احبه ولو خلا جميع الضلوع حطام تقول المشاعر بالرضا فيه محكومه على نظرة عيونه على ثغره البسّام معه قلبي بعذره لو يضيع اعلومه عليه الله اكبر كل ماهبت الانسام هواجيس فكري جالها قعده وقومه نسايم صبا فيها التجلي دوا وآلام غلب حالتي واضفى على الشعر ديمومه انا مابدعته لجل شهره وضو اعلام انا اكوي به الضيقه واغيب مع ارجومه فيا صدر بك فوضى لقت بالشجون انغام حكت حالة اللي ساهر ٍ ماهنى نومه وصل صبره لحده يقول الفرج قدام عسى فرحته فجرٍ يبشر مع اقدومه ظروف الحياه القاسيه تثلم الصمصام ولو كان وقعه فالوغى يرعب اخصومه هذي حالة الدنيا معا دورة الايام تقلّب دهرها منه الارواح مخزومه فعول الكبار تبين وتحجم الاقزام حظوظ البشر وهبه والارزاق مقسومه ولو شحت الدنيا بقى فالكرام اكرام ولا ضيٌع الطيب مباديه وسلومه صعود القمم يطلب ثبات وعزم واقدام يبي همةٍ تنقش على القمه وشومه وانا داخلي مقدم ولا يعرف استسلام يهد الجبل لو حاول يبرد اعزومه #فيصل_دخيل_الله