Sûrgûlî(Wendox:Mem Keleş) скачать в хорошем качестве

Sûrgûlî(Wendox:Mem Keleş)

Yew Sûrgulî esta zerê sînê mi da. Yew Sûrgulî ya kî mevaje. Na Sûrgulî, Hem ruh dona mi hem zî ruhê mi lerznena. Na Sûrgulî, Her vistikek de mirena û bena gonî. Na Sûrgulî mîyanê şerê estbîyayîş û çînbîyayîşî de civîyena. Ú na Sûrgulî, Her tim mi hîş de ya. Xerib a, zerteng a... Yew Sûrgulî esta zerê sînê mi da. Yew Sûrgulî ya kî mevaje. Na Sûrgulî Mîyon keber ma dê yew firinga sur a darsayê ya. Na Sûrgulî Mîyon baxçon ma dê yew saya kesk a tirş a. Na Sûrgulî, Mîyon şuliyon dê yew lemê dirika siyê ya şîryên a. Ú na Sûrgulî, Pê kêyma dê yew guazê guazyerê pîrikê mi na Gul a. Vîrkotiş a, dur a. Yew Sûrgulî esta zerê sînê mi da. Yew Sûrgulî ya kî mevaje. Na Sûrgulîyê wekê welon a, Na Sûrgulîyê buk a, şik a, çet a. Na Sûrgulîyê lawa coryen a, lawa ciryen a. Na Sûrgulîyê yenî gulyer a, yeni sipye ya. Ú Na Sûrgulîyê welatê mina... Mi zer dê ya, Vêşnena... Kena wel... Yew Sûrgulî esta zerê sînê mi da. Yew Sûrgulîya kî mevaje. Ez yê paweno, Ez yê perseno, Ú Ez yê ra heskeno, Sê şitê dayîkê xwi... Yew Sûrgulî esta zerê sînê mi da. Yew Sûrgulî ya kî mevaje.