Nirangal Than Nritham | MBS | ONV скачать в хорошем качестве

Nirangal Than Nritham | MBS | ONV

MB Sreenivasan FEST: SwaraRaagaGanga pays homage to MB Sreenivasan on his 98th birth anniversary on 19th September, by presenting a quartet of film songs composed by him. MBS songs traversed across the hidden meaning of the lyrics, the context, the mood and the feel the film director wanted in them which created a mesmerizing effect. He used minimal orchestra and the tunes oozed simplicity akin to a “നാടൻ ശീൽ” quite often. SONG NO.1 Song credits: Singer: Dr. Parvathy Menon Audio mixing and mastering: Ram Music Studios Video editing: Ram Music Studios Description: Suja AN Original credits: Movie: Parasparam(1983) Lyrics: ONV Kurup Music: MB Sreenivasan Singer: S Janaki പ്രണയം എന്ന വികാരത്തെ ആവിഷ്കരിക്കാനാണ് നമ്മുടെ കവികളും സാഹിത്യകാരന്മാരും ഏറ്റവും കൂടുതൽ തൂലിക ചലിപ്പിച്ചിട്ടുള്ളത്. അതിന്റെ കാരണം, ഒരു പക്ഷേ, നമ്മുടെ സമൂഹത്തിൽ പ്രണയത്തിന് അത്രയധികം വിലക്കുകൾ നിലനിൽക്കുന്നതിനാലാകാം. ഇതിഹാസങ്ങളും ഈശ്വരനും ജനിക്കുന്നതിനു മുൻപുതന്നെ പ്രണയം ഉണ്ടായിരുന്നു എന്നും, അത് ദിവ്യവും അനശ്വരവുമാണെന്നും, പ്രേമത്തിന്റെ ഗന്ധർവ്വ വിരൽ തൊട്ടാൽ പാടാത്ത മാനസ വീണ പോലും പാടുമെന്നും, അത് ഒരു തുള്ളി നുകർന്നാൽ ഓരോ വാക്കിലും സംഗീതം നിറയുമെന്നും, ജീവിതത്തിന് നിറങ്ങളും സ്വപ്നങ്ങളും വസന്തവും സുഗന്ധവുമെല്ലാം നൽകുന്ന മൃതസഞ്ജീവനിയാണ് പ്രണയമെന്നുമൊക്കെ കവികൾ പലതരത്തിൽ പറഞ്ഞു വച്ചിട്ടുണ്ട്. അതിന്റെ തീവ്രതയും ആഴവും അത്ര മാത്രമുള്ളതു കൊണ്ടു തന്നെ, പ്രണയം നഷ്ടപ്പെടുമ്പോഴുള്ള ദുഃഖവും നൈരാശ്യവും അളവറ്റതായിരിക്കും. അങ്ങനെയൊരു ഗാനമാണ് ഷാജിയെം സംവിധാനം ചെയ്ത് 1983 ൽ പുറത്തിറങ്ങിയ "പരസ്പരം " എന്ന ചിത്രത്തിനു വേണ്ടി ഒ.എൻ. വി. എം. ബി. എസ് . എന്നിവർ ചേർന്നൊരുക്കിയ "നിറങ്ങൾ തൻ നൃത്തം.....'' . കാത്തു കാത്തിരുന്ന ഒരു ഒത്തുചേരലിനിടയിൽ കാമുകൻ പുഴയിൽ മുങ്ങിമരിക്കുന്നതോടെ, ദുഃഖക്കടലിലാകുന്ന കാമുകിയുടെ മനോഗതമാണ് പാട്ടിൽ വരച്ചു കാട്ടുന്നത്. നിറങ്ങൾ തൻ നൃത്തം ഒഴിഞ്ഞൊരീ മണ്ണിൽ മറഞ്ഞ സന്ധ്യകൾ പുനർജനിക്കുമോ മറഞ്ഞ പക്ഷികൾ ഇനിയുമെത്തുമോ .... പല്ലവിയിലെ ഈ വരികളിൽത്തന്നെ, ജീവിതത്തിൽ നിന്ന് നിറങ്ങളും സന്ധ്യകളും പോയ്മറഞ്ഞ , ദുഃഖത്തിലും നിരാശയിലും നീറുന്ന ഒരുവളുടെ രൂപം തെളിയുന്നു. " മറഞ്ഞ പക്ഷികൾ " എന്ന ഇതിലെ പ്രയോഗത്തിന് പ്രസക്തിയുണ്ട്. പക്ഷികളെ ഏറെ ഇഷ്ടപ്പെടുന്ന ഇരുവരും , പക്ഷി നിരീക്ഷണത്തിനു പോകുമ്പോഴാണ് കാമുകൻ അപകട മരണത്തിനിരയാവുന്നത്. "വെറുമൊരോർമ്മതൻ കിളുന്നു തൂവലും തഴുകി നിന്നെക്കാത്തിരിക്കയാണു ഞാൻ ....... " എന്നും, "അലിഞ്ഞലിഞ്ഞു പോം അരിയ ജന്മമാം പവിഴദ്വീപിൽ ഞാനിരിപ്പതെന്തിനോ ......." എന്നും കവി എഴുതുമ്പോൾ , ആത്മഹത്യയുടെ വക്കോളം എത്തിനിൽക്കുന്ന ഒരു പെൺകുട്ടി അനുഭവിക്കുന്ന ഏകാന്തതയും വിരഹവും നിരാശയും ദുഃഖവും എത്രത്തോളം തീവ്രമാണെന്നു നമുക്കനുഭവവേദ്യമാകുന്നു. എം. ബി. എസ്സിന്റെ അതി മനോഹരമായ ഒരു സംഗീത സൃഷ്ടിയാണീ ഗാനം. "വിരഹവും നൊമ്പരവും എരിഞ്ഞു നിൽക്കുന്ന " ഗാനത്തിന്റെ ഭാവത്തിനു യോജിക്കുന്ന തരത്തിലുള്ള ഇതിന്റെ ഈണം ഒരു തേങ്ങലായാണ് ഇതിലുൾച്ചേർന്നിരിക്കുന്നത്. ഒ. എൻ. വി ., എം.ബി.എസ്സ് കൂട്ടുകെട്ടിൽ പിറന്ന, എസ്. ജാനകിയുടെ അനന്യമായ ആലാപനത്തിലൂടെ അതീവ ഹൃദ്യമായിത്തീർന്ന ഈ ഗാനം നമുക്കാസ്വദിക്കാം.