Цæгат Ирыстонмæ ссыд УФ йф юстицийы министр Константин Чуйченко скачать в хорошем качестве

Цæгат Ирыстонмæ ссыд УФ йф юстицийы министр Константин Чуйченко

Уæрæсейы Федерацийы юстицийы министр Константин Чуйченко кусæг балцы ссыд Цæгат Ирыстонмæ. Фыццаг бабæрæг кодта слестгæнæн изолятор æмæ федта, ахæстоны чи бады, уыдоны цы уавæрты дарынц, уый. Юстицийы министр ма фембæлд республикæйы сæргълæууæджы хæстæ рæстæгмæ æххæстгæнæг Сергей Меняйлоимæ. Дзæуджыхъæуы слестгæнæн изолятор - фыццаг пункт, Константин Чуйченко кæй бабæрæг кодта. Ныртæккæ ам ис 500 адæймаджы. Цы уавæрты цæрынц, уый йын равдыста æфхæрдтæ æххæстгæнæн федералон службæйы цæгатирыстойнаг управленийы разамонæг Владимир Моравец. Федтой хæрæндон, медицинон хай. Ацы бæстыхай сарæзтой 19-æм æнусы кæрон. Фæлæ уæддæр дзуапп дæтты домæнтæн, загъта Константин Чуйченко, фаутæ не 'рхаста. Слестгæнæн изоляторы фæстæ федералон министр абалц кодта тæрхондæтты пъырыстыфты федералон службæйы республикон управленимæ. Федта фидæны арæзтад кæм уыдзæн, уый дæр. Ам 2024-æм азмæ фæзындзæн нырыккон лаборатори. Уый руаджы бынаты кæндзысты хъæугæ иртæстытæ. Константин Чуйченкойæн ма равдыстой юстицийы министрады цалцæггонд бæстыхай дæр. Аныхас кодта кусджытимæ. Уæрæсейы юстийы министр Константин Чуйченко республикæйы сæргълæууæджы хæстæ рæстæгмæ æххæстгæнæг Сергей Меняйлоимæ ныхас кодта Цæгат Ирыстоны æмгуыстады фарстатыл бæстæйы Юстицийы министрадимæ. Бæлвырд дзырд цыд республикæйы цæрджытæн юридикон æххуыс лæвар кæныныл. Уæдæ ма ахсджиаг фарстатæй иу у - азым кæй кæнынц, ахæм адæмы рæстæгмæ дарыны изæлятор раивын горæтæй æндæр ранмæ. Константин Чуйченкойы ныхæстæм гæсгæ ма Цæгат Ирыстоны хæуы саразын ахæстон дæр, тæрхонгонд чи æрцæуы, уыдонæн. Объекты арæзтадæн бахъæуыдзæн 3,5 миллиард сомы. Республикæйы разамонæг Сергей Меняйло радзырдта, Цæгат Ирыстоны паддзахадон юридикон бюро саразыны тыхххæй. Адæмæн дзы фадат уыдзæн лæвар юридикон æххуыс райсынæн. Сергей Меняйло ма загъта, иуварсгæнинаг фарстатæй фыццаг кæй у заууат инфраструктурæ, хъæуы йæ сног кæнын. Кусæг балцы кæрон ма Константин Чуйченко уыд Беслæны, Зæдты сахары. Дидинджытæ сæвæрдта 2004-æм азы террористон акты амæттæгты мемориалы раз. Уыд 1-æм скъолайы дæр. _________________________ Мы рядом в: vk.com/irystontv instagram.com/irystontv    / irystontv   twitter.com/irystontv ok.ru/irystontv