الزجل المغربي | قصيدة أنا ما كاينش.. للزجال أحمد لمسيح скачать в хорошем качестве

الزجل المغربي | قصيدة أنا ما كاينش.. للزجال أحمد لمسيح

أنا ماكاينـش أنا ماكاينـش يمكن أنا حلمة حْـلَم بها شي حد.. وطاحت ﻔ الما يمكن شي حاجة تخيَّلها شي حد يمكن ظل سحابة يمكن مويْهَة وتبخرت يمكن متبوع ـ هربان وتخبِّيتْ في كناش الإحصاء يمكن كنتْ والو وعطاوني سمية يمكن نكون " بوغَطَّـاط " لشي واحد وأنا باقي ما كاين يمكن كنتْ حرف على الورقة وتَّمْحيت يمكن كنتْ سطر محرَّز ولما عرفو سرِّي، ما بقيتش كاين يمكن يد وبلا بصمة يمكن شي خْيال ومْحاه الضو يمكن.. يمكن يمكن أنا كذبة.. أنا ما كاينش أنا كثير بالزَّاف.. هي ما كاينش يمكن قُلْتْ لِيَ: إيلا دق شي حد قل له أنا ما كاين ومشيت منِّي.. باش ما نبقى كاين كل واحد مفصَّل لي قناع راسم لي صفة ﮐِ بغى هُوَ أنا ما كاينش جماعة ماحْياني جماعة بالْعاني جماعة فيها مذوباني جماعة ساكناني جماعة بغات تكونِّي جماعة بغات تكون هي مْرايْـتي جماعة مخبْيَة في لساني أنا وَاقِيلَ ما كاينش أنا نيت ما كاينش بغيت نكون.. بغيت نكون شحال بغيت.. ولكن.. باقي.. بلا بِكُمْ.. أنا.. ما كاينش