Tv Klan - "Ish-krerët e UÇK janë të pafajshëm" скачать в хорошем качестве

Tv Klan - "Ish-krerët e UÇK janë të pafajshëm"

Avokati mbrojtës i Hashim Thaçit, Luka Mishetiq, në ditën e tretë të seancës përmbyllëse të gjyqit në Hagë, tha se ish-krerët e UÇK-së që po akuzohen janë të pafajshëm dhe se Prokuroria nuk ka provuar asnjë akuzë ndaj tyre. “Hashim Thaçi është i pafajshëm, kjo është pikënisja juaj kur të filloni kuvendimet për marrjen e vendimit. Përpara jush keni katër burra, që ligji thotë se duhet t’i prezumoni të pafajshëm. Ju duhet të konstatoni që ZPS ka dështuar, nuk ka arritur të provojë akuzat e saj dhe të arrini në një aktgjykim shfajësues, ku të akuzuarit lirohen nga akuzat". Avokati rrëzoi pretendimet e Zyrës së Prokurorisë Speciale (ZPS) për ndërmarrje të përbashkët kriminale, duke i cilësuar si analizë të një filmi të shkruar nga dikush që nuk e ka parë atë. Mishetiq solli para trupës së gjyqtarëve edhe qëndrimin e Hagës ndaj ish-presidentit serb, Sllobodan Millosheviç. “ZPS-ja po u kërkon juve që, pavarësisht se presidenti serb i një shteti të organizuar nuk ka pasur përgjegjësi penale për krimet masive të luftës dhe krimet kundër njerëzimit për shkak se nuk ka pasur kontroll efektiv, duke u bazuar në këtë deduksion, iu duhet të konkludoni që udhëheqësi politik i shqiptarëve të Kosovës dhe UÇK-së, një grup i armatosur joshtetëror që kishte ekzistuar vetëm prej disa muajsh, kishte kontroll efektiv dhe ishte penalisht përgjegjës. Ky rezultat do të jetë një padrejtësi ligjore dhe historike”. Sipas tij, dëshmitarët ndërkombëtarë kanë konfirmuar se ngjarjet e paraqitura nga ZPS nuk ishin të lidhura me Hashim Thaçin, bazuar edhe në informacionet e shërbimeve sekrete. Për katër ish-udhëheqësit e UÇK-së, Hashim Thaçi, Jakup Krasniqi, Kadri Veseli dhe Rexhep Selimi, Prokuroria ka kërkuar dënim në total me 180 vite burgim. Pas përmbylljes së deklaratave, çështja do të kalojë te trupi gjykues. Gjyqtarët kanë tre muaj kohë për të marrë një vendim për çështjen, ose për të kërkuar zgjatjen e afatit për marrjen e vendimit. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/