Скачать с ютуб 獨家‧痞子無間道丨JW陳瀅興奮探望熊貓BB 朱敏瀚想化身寶寶被愛包圍 в хорошем качестве

獨家‧痞子無間道丨JW陳瀅興奮探望熊貓BB 朱敏瀚想化身寶寶被愛包圍

《痞子無間道》主演陳瀅、王灝兒（JW）、周嘉洛同朱敏瀚一齊去主題公園，率先探望即將跟市民見面嘅一對龍鳳胎熊貓BB。呢對人氣姊弟魅力無法擋，大家被佢哋得意嘅一舉一動所融化。陳瀅話喺一對魅力大熊貓BB前面，佢哋四人頓時變成配角。 嘉洛大讚熊貓BB好活潑，見到佢哋有種好自癒嘅感覺。JW話人生中好想抱一次大熊貓，而陳瀅就想成為大熊貓護理員，而朱仔覺得館內環境好舒服，好想成為其中一隻大熊貓。 四位雖然只係短暫探望，經已好了解熊貓BB生活點滴，原來喺探望時間以外，一對姊弟會返到媽咪大熊貓盈盈身邊。四位又向館內嘅護理員詢問有關大熊貓BB嘅問題。至於一對姊弟暫時未被命名，嘉洛同JW就有心水，提議個名叫「豬豬」同「耷耷」。 劇集《痞子無間道》啱啱首播，佢哋都話拍攝時覺得時間過得好快，有好多畫面都係監製同佢哋提起先勾起記憶，成套劇集充滿爆笑同瘋狂。嘉洛覺得開場嘅第一幕功勞好大，因為台前幕後花盡花思，又起用大量吊威也拍攝，當完整睇完一次片段，就覺得當時嘅辛苦係值得。陳瀅預告稍後有一段佢哋醉酒後要尋回記憶嘅劇情，叫大家密切留意。 嘉洛、朱仔同陳瀅之前相約去日本玩，可惜JW一早有約未能同行，而呢個四缺一之旅依然玩得好開心，JW話其實佢當時都身處日本，嘉洛笑言四條心喺埋一齊。原來陳瀅最初計劃嘅行程係同JW所去嘅地點一樣，因兩位男士未滑過雪，所以轉行程。問到有冇計劃定下次四人一齊去邊時？朱仔話等公司開拍《約埋班Friend去旅行2》。 #痞子無間道 #陳瀅 #王灝兒 #周嘉洛 #朱敏瀚 #大熊貓 #龍鳳胎 #探望 #得意 #融化 #自癒 #改名 #豬豬 #耷耷 #日本之旅 #三缺一 #等開拍 #約埋班friend去旅行2 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0